COLLEGIUM PROTONOTARIORUM SSMI D(OMI)N(I) N(OSTRI) PAPAE
ET S(ANCTAE) SEDIS APOSTOLICAE DE NUMERO PARTICIPAN(TIUM) ROM(ANAE) CURIAE
Ill(ustrissi)mo et R(everendissi)mo D(omi)no Christophoro Georgio Matus(s)ka Sac(ri) Canonici Ord(inis) Praemonstratensis Abbati
Zabrdovicensis, Patri Abbati in NeuReisch, in Hungaria ad S(anctam) Crucem et Pontem S(ancti) Joannis Praeposito,
Marchionatus Moraviae Praelato, Dioecesis Olomucensis, SSmi D(omi)ni N(ost)ri Papae, & S(anctae) Sedis
Apostolicae Notario Protonotario Honoris nuncupato, Salutem in Domino Sempiternam.
SINGULARIS Erga Romanam Eccl(esi)am Sanctamq(ue) Sedem Ap(osto)licam, ac Nos Nostrumq(ue) Collegium tuae devotionis affectus nec non Literarum Scientia,
vitae, ac morum honestas, aliaque laudabilia probitatis, et Virtutum merita, quibus Personam Tuam ab Altissimo omnium bonorum largitore, prout fide dignoru(m)
Virorum testimonio accepimus copiose novimus insignitam, jure optimo promerentur, ut illam specialis favoris praerogativa prosequamur. Cum itaque Tu qui
sicut etiam accepimus de Nobili Genere procreatus, nec non multiplici Virtutum decore ornatus existis, ac Romanae Eccl(esi)ae, dictaeque Sanctae Sedis servi
tiis insistere disposuisti Nobis humiliter supplicari feceris, ut Personam Tuam grato affectu prosequi, eamque pro meritis dignioris nominis titulo
decorare dignaremur; Nos, qui Tuae probitatis, et bonae famae Odorem gratum sentimus, supplicationibus hujusmodi inclinati laudabili Tuo desiderio an
nuere decrevimus. Sufficienti igitur ad id facultate, et auctoritate per literas fel(icis) rec(ordationis) SIXTI Papae V. sub Datum Romae apud Sanctum Petrum Anno In
carnationis Dominicae 1585. Nonis Februarii Pontificatus Sui Anno Primo sub Plumbo expeditas, et URBANI VIII. Fel(icis) rec(ordationis) per alias suas literas
in forma Brevis expeditas sub datum Romae apud Sanctam Mariam Majorem Die V. Mensis Septembris 1629, ac demum ALEXANDRI Septimi
fel(icis) rec(ordationis) per alias suas similiter in forma Brevis expeditas literas sub datum Romae apud Sanctam Mariam Majorem Die XIV. Mensis Septembris
1659. Collegio Nostro concessas suffulti, Te SSmi D(omi)ni N(ost)ri Papae et Sanctae Sedis Ap(osto)licae Notarium Protonotarium Honoris nuncupatum, sine ta
men Collegii N(ost)ri praejudicio, auctoritate Ap(osto)lica Nobis ut praefertur attributa, ac demandata, et qua in hac Parte fungimur tenore praesentium
ad nominationem Ill(ustrissi)mi et R(everendissi)mi D(omi)ni IOANNIS Protonotarii CORNELII unius ex Septem Antiquioribus Protonotariis Ap(osto)licis, ad quem
juxta Turnum spectabat currenti Anno creamus, facimus, instituimus, deputamus et declaramus, aliorumque SSmi D(omi)ni N(ost)ri Papae et S(anctae) Sedis
Apostolicae Protonotariorum Honoris non tamen Participantium Numero, favorabiliter adscribimus, atque aggregamus; Declarantes in Canoni
zationibus Sanctorum ad Te uti Protonotarium in loco conficiendi examinis existentem curam, et munus spectare, ac Te uti Protonotarium esse Dignitatem Ecclesiasticam Ti
bique causas, seu lites beneficiarias Ecclesiasticas, et mixtas per Apostolicas literas, seu alio quovis modo committi vel delegari posse, et debere; Tibique ut omnibus, et Singu
lis honoribus, Privilegiis, praeminentiis, praerogativis, et Indultis, quibus alii Protonotarii Honorarii utuntur, potiuntur, et gaudent pariformiter, et absque ulla prorsus diffe
rentia, etiamsi Protonotarii Habitum non deferas in omnibus, et per omnia, dummodo Sac(ri) Concilii Tridentini decretis, et Regularis Observantiae Institutis non adversen
tur, uti, potiri, et gaudere, ac alia, quae ejusdem Sanctae Sedis Protonotarii Honoris hujusmodi facere, gerere, et exercere possunt, et debent, similiter facere, gerere, et
exercere libere, et licite possis, et valeas Apostolica auctoritate praefata de speciali gratia concedimus, et indulgemus. Sic igitur de bono in melius virtutum studiis
intendas, ut in dictae Sanctae Sedis, nostroque conspectu Te semper exhibeas meritorum cumulis digniorem, dictaque Sancta Sedes, et Collegium Nostrum proinde ad
faciendam Tibi uberiorem gratiam, et honorem arctius incitentur. Rogamus denique, et auctoritate praefata in Domino requirimus Ill(ustrissi)mum, et R(everendissi)mum Dominum Curiae
Causarum Camerae Ap(osto)licae Generalem Auditorem, ejusque R(everendissi)mos D(omi)n(os) in Civilibus Locumtenentes, ac omnibus aliis, et Singulis in Dignitate Eccl(esi)ca constitutis per haec
Scripta Ap(osto)lica auctoritate p(raefa)ta mandamus, quatenus ipsi, vel aliquis eorum (recepto prius a Te Nostro, et Sanctae Sedis nomine fidelitatis debitae solito Juramento, emissa
que per Te fidei Catholicae Professione juxta articulos ab eadem Sancta Sede propositos) omnibus, et singulis praemissis, ac in praesentibus literis contentis Te pacifice
frui, et gaudere faciant, et procurent; Non permittentes Te super illis, seu illorum aliquo per quoscumque quomodolibet indebite molestari, perturbari, inquietari, aut quovis titulo,
vel praetextu impediri; Contradictores, et Perturbatores quoscumque per opportuna juris remedia simili auctoritate compescendo. Non obstantibus Omnibus, quae dictus
SIXTUS V. in facultatibus Collegio N(ost)ro concessis voluit praesentibus non obstare caeterisque in contrarium facientibus quibuscumque. In quorum Fidem praesentes manu No
stra firmatas per Collegii Nostri Secretarium subscribi Sigillique ejusdem Collegii jussimus appensione muniri. Datum Romae in Cancellaria Apostolica, et Camera No
stri Archivii Anno a Nativitate Domini Millesimo Septingentesimo Quadragesimo Octavo Indictione Undecima Die vero Decima Sexta Mensis Septembris, Pontificatus autem
SSmi in Xp(ist)o Patris, et Domini Nostri Domini BENEDICTI Divina Providentia Papae Decimiquarti Anno ejus Nono. Praesentibus DD. Ambrosio Lilli Albanen(si), et Pe
tro Marchesino Romano Testibus &c.
J. M. D(omi)n(u)s Erba Decanus.
Fran(ciscus) Pom(peius) Clementi Collegii Secret(ari)us
Reg(istrata) fol(io) 38