Wir Otte von gots gnaden pfallenzgraff by Reyne vnd Herczoge in Beyern des haligen Rom(is)ch(en) R(i)chs ob(er)ster Ca=
merer vnd Marggraue czu Brandemburg Bekennen vnd tun kunt offenlich mit disem briue allen den die
yn sehen oder horent lesen d(a)z der edle her fridriche von Schonemburg Herre czum p(ri)essenstein peter
~von~ Jawer vnsers herren des kaisers Schriber peter Torlaw Burger czu Prag vnd C(ri)stan hern
pauls von prag Schriber von desselben vnsers herren des kaisers wegen Vns vnd czu vnser hant
den Edlen hern fridriche Grauen von Orlamunde hern H(er)mann von Crolkow hern Jan von Schon=
uelt hern Mathes von Breitow vnd den Ersamen Cunrad C(um)phane vnsern Canczeler an der nehsten
mitwochen vor mitter vasten in der Stat czu Gubyn Rerichtet vnd genczlichen beczalt haben Sechs Tusent
Acht hundert Siben vnd Sechczig schock vnd Czweinczig grossen prager munge die Vns derselbe vnser
herre der keiser vmb den Erkouff des Landes czu Lusig noch schuldig waz vnd gelden solde Vnd
darumb so sagen vnd lazzen wir den egen(anten) vnsern herren den keiser als einen kunig czu Behem
kunige Wenczlawen seinen Son ire erben vnd nachkomen kunige czu Behem fur Vns vnser erben
vnd nachkomen derselben Sechs Tusent Acht hundert Siben vnd Sechczig schock vnd Czweinczig
grosse genczlichen vnd gar queyt ledig vnd los mit Vrkunt dicz briues V(er)sigelt mit Vnserm an=
hangendem Ingesigel der geben ist czu Gubyn nach Cristes gepurte dreyzehen hundert Jar dornach
In dem Acht vnd Sechczigstem Jare an der nehsten mitwochen nach Invocauit