Wir Karl von gotes gnaden Romischer keiser zu allen czeitn merer des Reichs vnd künig zu Behem
Embietn dem Burgermeister dem Rate vnd den Burgern gemeinlich der Stat zu Nüremberg
vnsrn vnd des Reichs liebn getrewen vnser huld vnd alles güt Liebn getrewen vmb di zwey=
tausent pfunt haller der leichten müntz di ir vns vnd dem Reiche vff Sant Mertens tag Je=
rlich zu gebn pflichtig seit enphelhen wir ewern trewen vnd wellen ernstlich das ir di selbn
zweytausent pfunt haller von dem nechsten Sant Mertens tage der schirst künftig ist dem Hoch=
gelorn Bolken Herczogn zu Opüll vnsrm liebn Swager vnd fürsten oder seinem boten der vch
disen brief antwurt geczlich vnd gar lerrichten vnd beczaln süllet Wann so ir das getan
habt so sagen wir vch der selbn zweitausent pfunt haller von dem selbn sant Mertens=
tage von vnsrn vnd des Reiches wegen geczlich vnd aller sache quit ledig vnd lerricht
Orkünde ditz briefes versigelt mit vnsr keiserlichen Maiestat Ingesigel Gebn zu Mantaw
noch Cristis gebürd dreytzehenhundert Jar dornach in dem Achtundsechtzigisten Jare
an Sant Margareten tage der heiligen Jüncfrawen vnsr Reiche des Romischen in dem
dreyundczwenczigisten des Behemischen in dem czweyundczwenczigisten vnd des keisertums
in dem Czehenden Jare .

Ad mandatum Cesaris
~p(er)~ ~Janus~