Wir friderich von gotes gnaden Burgraue zu Nurenberg Bekenne vnd tun kunt offenlich
mit dysem briffe Wann der Erwirdige in got vater her Johans Erczbischoff zu prage
des Bebstlichenstuls zu Rome legat von wegen des Allerdurchluchtigstem fursten vnd
herren her(r)n Karls Romischen keisers zu alln czeiten merer des Reichs vnd kuniges zu
Beheim vns(er)s liebn gnedign herren vns cweitau(n)sent cweihundert vnd funfczig schok
groczer prager mu(n)cz an den letczten dreitausent schoken die er vns vff sand Va
lentins tag der nechst v(er)gangn ist do fur er vns die vesten pfrimberk sol
eingeantw(er)t habn nach lutz vnser briffe die wir von im vnd sein burgn daruber
habn recht vnd redelich mit bereite(m) gelt bezalt hat Vnd derselben cweitau(n)set
cweihundert vnd funfczig schok groczer sagen wir vns erbn vnd nachkome(n) den
selgen vns(er)n herren den keiser sein erbn vnd nachkome(n) genczlich quit ledig
vnd los mit disem briffe Vnd wann vns der ege(nannt) vns(er) her(r) der keiser siben
hundert vnd funfczig schok groczer noch schuldig pleibet die er vns cwischen pfing
sten die nechst kome(n) richtn vnd bezalln sol Vnd wann das geschiht so gelobn
wir dem ege(nannt) vns(er)n her(r)n den keiser vnd sein erbn daz vns(er)n besatn dem Ercz
bischof von prage an seiner stat alle briff die wir habn vmb die achtetausent
schok wider cugibn vnd zu antw(er)tn Vnd sulln auch in sein erbn Vnd alle sein
burgn vmb dasselbe gelt ledig vnd los sagen vngeu(er)lich Der gebn ist zu prage
nach crists gepurte dreiczehnhu(n)dert jar Vnd dornach in dem Newn vnd Sechc
zigstem Jare an dem Samtag in der vasten als man singet letare