Wir Agnes von gotis gnadin Hercoginne yn Slez Frowe von Furstinberg czu der Slandnicz vnd czu dem Jawor
Bekennen offinlich mit disim briffe allin den die en sehen odir horin lezin daz wir bedacht habin getruwin dinst
den vns der Edil her Thyme von Koldicz vnsir liebir getruwir offt williclich getan hat vnd noch tun mag yn kuff
tigin czeitin vnd habin im von vnsirn furstlichin gnadin vnd von sundirlichir gunst die wir czu im tragin geligin
vnd lyen im mit krafft dicz briffes vnsir hus Strel czu eime rechtin Burglehn mit dem vorwerke mit den gerich
tin vnd mit allim czinse der czu demselbin Burglehn gehort alz Burglehns recht ist czu seinen lebetagin czuhabin
czuhaldin vnd vngehindirt czubesiczin Mit vrkunde dicz briffes der gegebin ist an sante Allexis tage do man
czalte noch gotis geburt druczenhundirt iar dornoch yn dem Neun vnd Sechczigstim Jare dez sint geczuge
vnsir liebin getruwin her Gunczil her Nickil gebrudir von dem Swyn her Gunczil von dem Lazzan her
Nickil von dem Czyselerge her Witche Behem Nickil Bolcze vnsir Hofemeistir vnd Petir von Czodlicz
vnsir Lantschriber dem wir disin briff beuolin habin