Wir Rudolf von gotis gnadin Herczoge czu Sachsin des heiligin Romischin richis Erczmarschalk Wenczlaw und Albrechte von den selbin
gnadin Herczogin czu Sachsin bekennen offinlichen in disme brive allen den dy on sihen oder lesin horen das wir mit wolbedachtim mute und
und von rechtem kowffin den edelin Sifrid und Ebirharte von Quernforde herren czu gokberg und iren rechten erbin rechte und redeliche
gekewft habin und kien mit craft dis brives das hus czu Werdenhain mit allin sinen guteren rechten czinsin und czugehorungin
wo und an welchim endin sy gelegin sint und wy man sy mit sunderlichen worten oder namen genennen mag das darczu gehorin mag
und mit allem rechte von uns und unsin erbin nachkomelingin Herczogin czu Sachsin czu rechtem erbelehene czu habene darumb das
sy uns ire erbin uns und unsin und vor brive habin das sy uns und unsin erbin nachkomenden Herczogin czu Sachsin uff
den selbin hus Werdenhain erblicke czu dinste stegen sullin und erblich uff offin hus sin sal kegen allermendlich wem und wie
dicke uns des not ist und wer des von irn wegin tun sullin ouch dy selbin Sifrid und Ebirhard von Quernifford herren czu gok
berg und iren rechten erbin irs rechtin vorwaringin und des beholffin sin kegen allermendlich und sullin ir ouch eyn sinnehafft und
ein rechtin gewaltig sin an woderrede wenn wir ouch kriegn von dem selbin hus Werdenhain so sullin wir unse selbis koste dar habin
also das sy keyne koste dar dorffen tragein ouch sullin wir den vorgenanten Sifrid und Ebirhard von Quernifford und iren er
bin vorstadin stekin und iren dynere mit den sy uns dinen an der krieg gevard und wer das an das selbe hus von unse krieges
wegin abe ginge dar vor vor sy so sullin wir on widertuunge tun als das uff minne gwene und siner frunde gwene spriche
wo das selbe hus Werdenhain wurt beseczet do sy den selbin trut von uns wegin ane hubin und sy sullin uns den selbin krieg
be beholffen sin und sich mit den dy uns ire hus abegewunnen hatin nicht sunen noch vortein uns oder on worde denn das selbe
hus erst wedir oder sy eims denne mit unsim willin wer ouch das sy das selbe hus Werdenhain vorkowffen wolden so sullin sy uns
das erst an bytin und lossin lassin ist denne das wir das kowffen wollen so sullin sy uns das vorkowffen und umb pfenig lassin
als sy es andirslute gebin und lassin woldin wer abir das wirs nicht kowffen wome sy denne vorkowfften iren genos oder nider on
weren bedorftin kien den sullin wirs denne gnediclichen kien und dy sullin uns und unsin erbin alsome bewarunge tun und brive
brive gebin als sy vor uns gethan habin Ouch sullin wir on an iren dorfferen widertuunge tun an ir frunde gute wor wir das
vor kriegn oder erworbin Ouch bekennen wir an den vorgenanten Sifrid und Ebirhard von Quernifford herren czu gokberg und
iren rechten erbin das wir on recht und redelichen vorkowfft habin den czegendin und ostern das dorff darumb mit allin nuczin
inczen guteren und czugehorunge als wirs vor gehat habin Wer ouch das sy uns vor kumerunge brive gegebin hettin vor dissem
brive umb dy vorgenanten des dorffis und des czegendin swar wir dy findin dy brive sullin keynen kint noch macht habin
dy on in irn kumerunge prufen oder suchen gesthadin mochten czu urkunde des brives habin wir obgenanten Herczoge Rudolf
Herczoge Wenczlaw Herczoge Albrechte Herczogin czu Sachsin uns Ingesigele czu eyme geczuknisse gehangen an dissen briff der gegebin
ist nach gotis gebort druczenhundirt in dem Nun und sechczigistem Jare an allir heiligin tag