Wir fridrich Balthazar vnd Wilhelm Gebruder von gotis gnadin lantgrauen zu doringen marggrauen zu meyssen in dem Osterlande vnd in landsperg Grauen zu Orlamunde vnd Herren des landes zu pleyssen Bekennen vnd tunkunt offen
lich mit disem brive allen den die yn sehen odir horent lesen Das wir mit wolbedachtem mute mit rate vnser getruwen vnditanen in guten truwen ane geuerde vns verbonden haben vnd vorbinden vns ouch ewiclich mit dem allerdurch
luchtigisten fursten vnd Herren Hern karl Romischem keyser zu allin zeiten merer des Reichs vnd kunige zu Beheim vn(d) sinen lieben gnedigin Herren als eynem kunige zu Beheim dem durchluchtigen fursten Hern Wenczlaw kunige zu Beheim
marggrauen zu Brandemburk vnd Herczog in Slesi sinem Sone vnd allen iren erben vnd Nachkomen kunigen zu Beheim in aller der maze als hirnach geschriben stet Zu den ersten so geloben wir fur vns vnser erben vnd nachkomen
marggrauen zu meyssen in guten truwen ane alles geuerde vnd sweren eiden die wir druf liblich zu den heiligen gesworen haben das wir den obgenanten vnsirn Herren den keyser als eynem kunige zu Beheim kunige Wenczel sinem Sone
iren erbin vnd nachkom kunigen zu Beheim getruwe vnd beholffen sein sullen vnd wellin ewiclich zu behalden ire furstentume lande herschaffte stete slose Ete Rechte vnd gewonheite vnd die helffe sullen vnd wellen wir yn tun mit aller
vnser macht ane geuerde wider allermenniglich nyemands vsgenomen von den sie angegriffen gehindert odir beschedigt wurden vnd die an ire leute furstentume herschaffte stete slose rechte odir gewonheite lande odir slos tetelich
odir werclich griffen wolden vnd sie dorin in keynerweys hindern odir beschedigen der namen an das kunigrich zu Beheim die kur vnd stymme die eyn kunig zu Beheim von wegen siner lande kur vnd stalen sol an der wale eyns Ro
mischen kunigs eyns kunfftigen keysers an die marggraffschaffte vnd lehenschaffte der marggraffschafften furstentume der march zu merhern der Herczogtum zu Troppaw zu kutybir zu lygnycz zu dem Brieg zu Munsterberg zu der Ossen zu Glogow
zu dem Sagan zu Opull zu falkenberg zu Teschin zu der Ewel zu Beuthim zu der Steynow vnd zu Oswetin die von dem kunigrich der kronen vnd der cronen zu Beheim in lehne ruren vnd an die furstentume derselben lande an die lande vnd
Herczogtum Swydnicz vnd Jawor vnd alle ire zugehorunge an die marke vnd lande Budyssin vnd Gorlicz vnd was dorzu gehoret an die stete Breslaw Newenmarke frankensteyn Nampslow Glogow Steynow vnd Bunczlaw das lande zu
lusicz mit den steten vnd slossen lubin Sittaw Guben forst sprenberg lubow salczn peycz lubno furstenberg sonnenwald apulias vnd an alle derselben landes herschaffte marggraffschaffte vnd zugehorunge an die stete vnd slose
Pirn wehin Gotsburg an den Bochenbach Schomsek Giersdorff sparrenberg kauffunke Hertensteyn glashutburg ire marggraffschaffte vnd zugehorunge an waldenburg vnd weidensteyn mit iren manschafft vnd zugehorungen als sie die von Gac
sen vnd die von elnernsfurt vorkoufft habin an Gerol hassteyn Glubok Tussenow Ostermerde velen lanyck stolt fridenwald vnd alle andre slose guter vnd zugehorunge als sie der byschoff von Newemburg vorkoufft hat an die bys
stume vnd slose Nyschow Newnstat Grotkow Ottemachaw vnd paczkaw die der hochgebornen fursten hern Ruprecht eltern vnd hern Ruprecht iungern phallenczgrauen bey Reyn vnd Herczog in Beyern vnsir ohemen rechtes erbe gewe
sen sein vnd die sie dem obgenanten vnsirn Herren dem keyser vffgesant vnd rechtlich vorkoufft haben an die lande vnd markgraffschafften stete slose vnd markte Sulczbach Roetemburg Nordgaw Hertensteyn Hohenstat Hylpoltsteyn lichten
neke Torrendorff frankenberg Auerbach kuffsteyn Rotenberg lauff vnd an die slose Eyschenbach spaltze stureck Nudensteyn vnd Ruprechtsteyn die etwan des hochgeborn fursten hern Rudolff seligen phallenczgrauen bey Reyn vnd
Herczog in Beyern vnsirs herren des keysers swaher vnd vnsirs ohemen gewest sein vnd die obgenant Herren Ruprecht eltern vnd hern Ruprecht iungern vnsir ohemen noch als Herczog Rudolffs des obgenant allers vornallin waren vnd
die sie dem obgenant vnsirn Herren dem keyser vffgesant rechtlich vnd redlich vorkoufft haben an die stete Egra vnd die slos phraumberg vnd floz an die vesten vnd guter Erlang Beyersdorff wylansheym Bernheym Heymecz
uelt Bokenfurt vnd ouch alle andre lande steten vnd guter die der obgenant vnsir Herre der keyser vnd sein erben in franken vnd in swaben landen haben vnd allen iren zugehorunge Auch vornemiglich an die marggraffschaffte der slos
ren opake vnd von Rakenburn an die von plawen mit plawen howe vnd sant Johansgrun vnd Tytbil mit manschafften vnd andern zugehorungen die von der crone zu Beheim in lehen ruren an die von Gerczemburk mit slossw ap
vnd ire zugehorungen die von der crone zu Beheim in lehne ruren an die von waldenberg mit waldenberg howe vnd stete vnd ire zugehorunge die von der crone zu Beheim in lehne ruren an dietrich coldicz mit coldicz mit manschafft
slossen vnd was dorzu gehoret die von der crone zu Beheim in lehne ruren an die von plawen mit miltinburk vnd sinen zugehorunge die von der crone zu Beheim in lehne ruren Grauen heynrich von Swarczburk mit kuffsteyn
hasselt burk vnd sant fridelsstat Ehingen vnd rubenheym mit iren zugehorungen die von der crone zu Beheim zu lehen ruren Grauen heynrich von Swarczburk mit lutenberg vnd kende vnd iren zugehorungen die von der
crone zu Beheim zu lehen ruren den burgen von plawen mit dem steyn bey Aldemburk vnd siner zugehorunge die von der crone zu Beheim lehen ruren den andern burgen von plawen mit druhen vnd sinen zugehorunge die
von der crone zu Beheim zu lehen ruren die von donyn mit der eynen halpen donyn vnd allin iren zugehorunge die von der crone zu Beheim zu lehen ruren den von sonn mit lobensteyn vnd sinen zugehorunge die von der crone zu
Beheim in lehne ruren die sparrenekker mit dem dryttenteyl der stete zu smalkalden vnd der vesten walsteyn vnd iren zugehorungen die von der crone zu Beheim in lehen ruren Hern Borthon mit Hollensteyn vnd Sawnigk vnd
iren zugehorunge den von michelsberg mit sinen slossen vnd iren zugehorunge die alle des kunigrichs vnd der crone zu Beheim sein Auch an die gestifftheite zu Eger zu prysnicz Aldeburg vnd alle andre gestifftheite die sie von
dem Reich haben wie die genant sein Vmbsauff das von dem stiffte zu Regenspurk pfant ist Apphowen das von dem stiffte zu wirczburk pfant ist vnd an alle andre ire herschaffte marggraffschaffte stete slose lehen leuten
czinsin stete merkte lande lute vnd guter vnd alle ire zugehorunge wo dir in welchin landen die gelegen sein die hie genant habin odir sunst in keynerweys vsgenomen vnd sullin ouch wir vnd vnsir aller erben marggrauen zu
meyssen sie vnd ire erben kunige in Beheim dorin alliclich swa des eynen nymmer in keynen zeiten irren hindern adir ansprechen sullin in keynerweys Sunder sie dorzu getruwlichin helffen zuschirmen vnd zuhanthabin wider allerme
niglich als vorgeschriben stet vnd wann wir odir vnsir eyner vnsir erben vnd nachkomen marggrauen zu meyssen von wegen des obgenant vnsirs Herren des keysers siner erben vnd nachkomen kunigen zu Beheim des ermanet werden so
sullen vnd wellen wir vnuerzoglich vnerczogen tagen odir so wir gehelffe magen noch dem als der hulffe not geschiht ane geuerde noch dem mag sulcher manunge zu hulffe komen in der maze als davor geschriben ist Weme ouch
wir den obgenant vnsirn Herren dem keyser odir sinen erben kunigen zu Beheim zuhulffe komen odir vnsir volk zu zuhulffe senden so sullin sie vns odir dieselben die wir senden werden mit spise mit getren kostin spise vnd wo
man meht zu velde lege mit futer besorgen ane geuerde Weren wir abir odir die vnsirn keynen schaden des strite sie vns nicht pflichtig das zuwidern Gewinnen wir abir ineynandir vesten die in vnsirn landen beiderseit
naht gelegen weren odir von vns beiderseit naht zu lehen giengen die sullen wir brechen odir sullen sie gleych miteynandir teylen wie vns das allirbeste geuellet Weren wir odir sinen an vesten die in vnsirn landen gelegen weren
odir von vns in lehen gienge der strite so vns allem bliben Wirt abir das wir odir die vnsirn yemen nemen an geuangen die sullen wir noch vetlichis manngelt eynigirweys ledig lossen ineynandir teylen Ouch globin wir vor
nemiglich in aller der weise als vorgeschriben stet das dise kegenwertige eynunge vnd brive vor longen bunteniszin mit der kur vnd ouch davor seliger gedechtnisse vnsirn herren dem keyser gemein davor seliger gedechtnisse vnd mit erbin
kunigen zu Beheim vorczeiten vorbunden gewesen sein vnd ouch den briven die darubir gegebin sein an keynen weis hindern kumen schaden odir vnschil bringin sullin odir mogin Sundir lede yene buntnisz vnd ouch dise mit sampt den
briefen die darubir geben sein sullen alle zeit in iren macht vnd vollen krefften bleibin in allen iren meynungen vnd formen als sie von worte zuworte begriffen vnd gemacht sein vsgenomen alleyne in der kirczen buntnisz die darubir
umb die lande zu lusicz zu der Swydnicz vnd zu dem Jawor vnd ouch die gesellschaffte des slosses strysberg dieselbin artickel in den alden briefen dorumb in iren krefften nicht bleibin magen das sind der geit dieselben lande lusicz Swydnicz
vnd Jawor erblich vnd ouch strysberg in pfandis weise an die obgenant vnsirn Herren den keyser kunig Wenczel sinen Sone ire erbin kunige die crone vnd das kunigrich zu Beheim rechtlich vnd redlich komen sein Ouch sullen die alden
briefe vnd buntnisze vnsirn Herren dem keyser kunig Wenczel sinem Sone vnd iren erben kunigen zu Beheim vnd ouch vns an allen den vesten marggraffschafften vnd gutern die in disen kegenwertigen buntniszen vnd briefen be
derseit begriffen sein keinen schaden bringin Also das dieselbin vnsir Herre der keyser kunig Wenczel sein Son vnd ir erbin kunige zu Beheim an den die wir in sinen briefen genant habin vnd wir vnd vnsir erben an den die er in
disem vnsirn briefe genant hat nymmer ewichlich keynerley anspruch habin sullen In dise obgeschriben buntnisz vnd eynunge nemen wir den Erwirdigin in gote vatir vnd Herren hern ludwig byschoff zu Babemberg vnsirn lie
ben Herren vnd brudir vnd den edlen fridrich burggrauen zu Nurenberg vnsirn lieben swager vnd alle sine erben die alle stichen halden sullen kgen vnsirn Herren dem keyser sinen erben vnd der crone zu Beheim als wir
vnd ouch also kgen vns gehalden stet Doch also das alle buntbrive die deselb vnsir swager der Burggraffe vnsirn Herren dem keyser gegebin hat bi iren krefften vnd mechten sullen bleibin Were ouch das got lange vor sey das
vnsir lieber Herre vnd brudir Her ludwig sturbe dennoch sullen dise kegenwertige buntnisz vnd briefe in voller macht bestehin vnd bleibin czur vrkund dis briefs vorsigelt mit vnsirn furstlichen Ingesigeln der Geben ist
zu Pirn noch Cristi kburth tawsent druhundirt Jar dornach in dem Eyn vnd sibenczigistem Jare