Wir friderich von gots gnaden pfalzgraue bey Reyn vnd herzog in Beyern Bekennen
vnd tun kunt offenlich mit diesem briue das vns der allirdurchleuchtigiste furste vnd
herre her Karl von gots gnaden Romischer keiser zu allen zeiten merer des Reiches vnd
kunig zu Behem vnser lieber gnediger herre von dem gelde das er vns selbir formals
gelobet vnd verheissen hat durch vnser dinste willen bezalet hat vnd gegebn mit ge=
reitem gezaltem gelde zu dem ersten mal zehentusent guldin vnd dornach zweinzig tu=
sent gulden gute von golde vnd swer von gewichte Also das vns an solicher bezalunge
wol genuget dauon mit wolbedachtem mute vnd vnsir rechter wissen sagen sprechen
vnd lossen wir der selben summen geldis dreissigtusent gulden fur vns vnser erben vnd
alle die das anruren mag den egen(anten) vnsern herren den keiser vnd sein erben vnd nach=
komen kunige zu Behem vnd marggraue zu Brandemburg vnd alle die das anruren
mag in dheinerweis ewichlich gar vnd genzlichn emprosten quit los vnd ledig an
urkunt diz briues besigelt mit vnsim Insigel Gebn zu prage an sant lucien tage
nach Cristes geburt dreiczenhundirt Jare dornach in dem dreyvndsibenzigisten Jaren