Wir Ludewig von gotes gnaden Erczbyschoff zcu mencz des heyligen Romischn Reichs Erczcanczler in Teuschen landn Bekennen mit diesem offennm briue Das wir mit wolbedachtem mut vn(d) rechter wizzen Dem allerdurchluchtigstem fursten vn(d) h(er)rn h(er)rn Karle Romischem keys(er) zcu allen zceiten merer des richs vns(er)m liebem gnedigem h(er)rn vnd dem durchleuchesten fursten vn(d) h(er)rn h(er)rn Wenczlaw künige zcu Behemen seinem Eltzestem Sone vnd allen irn Erbn vn(d) nachkume kunigen zcu Behemen globt habn vnd globen in guten truwen an eydes stat ane allerleye argelist vnd ane geuerde das wir yn als ein Erczbyschof zcu mencze alle vns(er) lebetage getruelichn geraten beygesteen gehulffen vnd bey yn bleyben sullen vnd wolln mit dem Stifte zcu mencze vnd aller vnser macht dy wir yczunt haben odder ymmer gewinnen vnd vns von yn vnd der kronen zcu Behemen nymer scheidn sulln odder wollen in dheynewyze vnd auch das wir niemanden in welicherleye stadel wirden odder wezen er sey geystleich od(er) werltlich wider sy zculegen kumen odder gehulffen sein sullen od(er) wolln vns(er) lebetage Vnd mit namen globen wir yn an eydes stat das wir als ein Erczbysch(of) zcu mencze den egenanten künig Wenczl vns(er) lebetage Romischen künig zcu künfagem keys(er) nennen habn vnd halten wolln vnd sullen vnd bey ym mit vns(er) kure vnd allem dem das wir vormugen vestiglichn vntruwelichn bleiben wider allermenniglichn nyemands vsgnomen an allerleye widerrede vnd one alles geuerde Vnd des zcu eynem wa ren vrkunde geben wir diesen offennen briff mit vns(er)m angehenktem Jnsigl vorsigelt das geschach zcu Oppenheim da man zalte nach Cristes geburt dreyczehenhund(er)t Jar darnach in dem Sechs vnd Syebenczigstem Jare am nehesten Sunabend nach sand Bonifaans tage vnd seiner geselleschaft marterer