Wir Wenczlaw von gotes gnaden Romischer kunig zu allen zeiten merer des Reichs vnd kunig zu Beheim Be
kennen vnd tun offenlichen kunt mit disem brief allen den die in sehen odir horent lezen Das wir habn
angesechen stete getrewe vnd nucze dienste die vns der edel Thime von koldicz vnser Rat vnd lieber getrewer
ofte getan hat teglichen tut vnd noch tun sol vnd mag in kunfftigen zeiten vnd haben dorumb als eyn kunig
zu Beheim ym seinen Erben vnd nachkomen den hof vnd das dorff zu pylaskowicz mit allen wehren gerichte
Schultheissen leuten Erben wysen Czinsen nuczen vellen welden puschen weyden Teychen wasserlufen vischery
en gegeide vogelweiden vnd sust mit allen andern zugehorungen wye man dye mit sunderlichen worten be
nennen mag zu rechtem mannelehen genediclichen vorliehen vnd lyhen yn dye mit disem kegenwortigen
briue Also das derselbe Thime seine Erben vnd nachkomen die vorgenante hof dorff vnd guter von
vns vnsern Erben vnd nachkomen kunigen zu Beheim zu Erbn mannelehen haben sullen in allen
den Rechten weyse vnd vnderscheide als die von Schellen dorff dieselben hof dorff vnd guter ynnehat
ten dy wile das sie ire waren Mit vrkunt dicz briefes vorsigelt mit vnser Romischen kuniglich maiestat
Jnsigle Geben zu Achen noch Cristes geburd dreuczenhundert Jar dornach in dem Sibenundsibenczigis
ten Jare An vnser frowen tage als sie empfangen wart vnser Reiche des Behemischen in dem
funffzehend vnd des Romischen in dem Andir Jare