Wyr Denesche von der duben kope zu Budyß an sulche quetten bekennen offinlich mit desen briue vor allen den dy in sehn adir horen lezen Das wyr Jegaße dem Juden
der vnsirs herren des kunigis houegesinde vnd kamirknecht worden ist den her vns innuolich vnd syene eydime vnd sine kindir myt yren haußfrawen vnd mit yren haußgesinde die sie
haben adir habin werden myt byschoffen glokenern schreyhern sengerin swer dy in der not worde sien in vnser beschirmunge habin vnd behalden sullen in vnser plege ken Budyß in dy stat vnd
habin dye enpfangen mit gutir wille vnd mit gutem rate in die ege(n) stat ken Budissin vnd globin yn vnd iglichim besundirn mit guten truwin an alle argelist daz wyr sie vnd alle
vnsir amtlute getruwlich beschirmen vnd beschuczen sullen vor allin menniglich vor vnrechten gewelden daz yn ere lib adir gut antreffe vnd sine alle sachen dy yn an schaden mochten ko
men keyne vs genamen sind gelobin yn auch daz sie do selbyt an Budissin die egenantn Juden vnd Judyncn gesame do wancn vnd siczen sulln frye vnd vngesnidin vor allin menigclich noch
vnsin amtluten vnd vns keyn hulfe noch sture noch plege gebin noch lihin sullen denne was ir gutir wille were vnbetwungen vnd wollen sie auch getruwlich bie rechte behalden vnde vns amtlute vnd
vorwedingen swo adir swy dicke yn des adir eyme not wirde adir worde Auch gelobin wir den ege(n) Juden vnd Judyncn das sie nymant laden sal vs vnsirs herren des kunigis lande vs vnser plege noch vs vnsin
gerichten noch in geistlich noch in werntlich swedir cristen noch juden man noch weyp vm(b) keynirleige sache swedir vm(b) gros noch vm(b) kleyn Sundir wyr wollen eym ydn manne rechtis genuk tun yn hel
fen vs vnsirs herren wegin adir vnsir amtlute dem wyr sie an guten truwin enpfehlen Auch sullen dy egenantn Juden vnd Judyncn mit keynen andirn Judin nicht quithaften habin mit keinerleige lunge
noch mit keiner sture noch hulfe noch mit keynen sachn swedir gros noch kleyne denne was ir gut wille wer Auch sullen vnd mogen dy egenantn Juden vnd Judyncn in dy schule vnd kyrche
gehn vnd singen als andir Juden vngesnidin wie in das fuglich wirdit Auch wenne den egenantn Juden vnd Judyncn nicht lengir in vnsirn pflegen fugete tzu bliben so sullen wyr yn vor
also eyne lange tzit sagen vnd gebin daz sie alle ir gut wol mogen furbrengen schuld vnd briue vnd gelobin yn den in guten truwin helfin in anbrengen vnde yn monen mit dem rechten
vnd swen swo se hen wollen so sulln wyr sie dornoch mit alle irem gute lassen geleiten vnd vngesnidin tziehn getruwlich an argelist obir tzen myle wo yn das fuglich wirdit Auch sulln wir
noch keyner vnsir amtlute keine sagemeister vff dy ege(n) Juden noch Judyncn seczen vmb keynirleige sach daz yn lieb gut ere adir gelt antreffe swedir gros noch kleyn daz yn an schaden mochte
komen wyr sulln sie vor an antworde lassen komen vnd an yrem rechte Auch sal dye egena(n)t Juden noch Judyncn nymant obirtzugen is sich dene gute wolgehaldin vnsersprochin Juden adir
cristen die in siche nicht sien vnd sulln ir nicht meyn seyn wenne vyr cristen vnd vyr Juden vnd daz dye glich bekentn eynir als der andir daz sy hetten gesehn vnd gehort welchin Jude
adir Judync des obirstunden worde der adir dye sulln in vnsin gnaden stan vnd in nymandis mer vnd ab dye egenantn Juden adir Judyncn ymant an schaden weldn brengen adir
beclagen vmb duberyge adir vm(b) kelch adir vmb mort adir vmb falsis adir vmb keinerleige sache sie wern gros adir kleyn dye yn lieb ere adir gut antreffe is were swys is wer dar
vnne sulln wyr den egena(n)t Judin adir Judyncn noch keynir vnsir amtlute keyn vngenade noch schaden noch beswerniß tun noch lazen tun Sundir wyr vnd vnsir amtlute sulln
sie an yrem Judischin rechte lazen komen mit yres eygenhant vnd sulln der sachn entprochin sien von wen wedir sachn vnd ab dye egenantn Juden adir Judyncn dor vmb tzu vnsin
kwemen eyns adir mer daz sal den egena(n)t Juden adir Judyncn nicht boser tretin denne off eyn pfund wachs Auch ab den egenantn Juden adir Judyncn keyn pfant worde an ge
sprochin daz sal man lazen von yn vor hempe gut vnd vor gesuch wye is der Jude adir die Judync tzu behalden myt yren selbis eyde auch mogen die egena(n)t Juden adir Judync ire
hauß vorkaufen adir vorwechseln adir wekgebin adir uff lasen vngeirruwihant weme sie wollen cristen adir Juden vngesnidin ouch gelobin wyr den egena(n)t Juden adir Judync we
daz yn keyn gewalt sal geschen ab sie sich tzogeten mit cristen adir mit Juden adir morten adir wunden von vns noch von vnsin amtluten noch von nymande sundir sie sulln
dobey blibn als dy Juden tzu prage bleybn Auch ab dye egena(n)t Juden adir Judync ymant an schaden weldn brengen vnd weldn yn adir woldn drowen mit brande adir mit keynirleyge entsagunde
swere wye is were do sulln wyr das recht vor sie biten vnd sulln by sulchin rechten dorynne blyben als dye Juden tzu prage vnd sullen dor vmb keynen schaden noch beswernis leyden Ouch ob dye
egena(n)t Juden adir Judync ymant besculdigen weldn adir worde vnde dy egenantn Juden adir Judync mit yrem eyde do van meynen tzukomene den eyt sal man von den egena(n)t Juden adir Judync
nemen als man von den Juden adir Judync tzu prage nymt vnd saln damite ledik vnd entprochin sien vnd las vnd vm(b) dy sachn vorbas mer keyne sulln leiden vnd gelobin yn vnd iglichin den ege(n)t
Juden adir Judyncn desen briff vnd iglichin artickil besundir stete vnd gancz tzubalden mit guten truwin an arg vnd habn yn des vmb vnsir Ingesigil wyssintlich an desen briff lasen hengen der
gegeben ist tzu Budyß noch gotis geburt drytzenhundirt jar dornoch in dem drytten vnd achtzigisten Jaren am nesten donrstage noch beude petirs vnd beude pauls tage der hiligen apposteln