Wir Stephan vnd wir fridr(ich) gebruder von gotz genaden pfalntzgrauen bey Rein
vnd hertzogen in Bayrn (et)c(etera) Bekennen offenlich mit dem brief fur vns vnd fur
alle vnß erben vnd nachkomen vmb die zehen tausent gulden die vns vnß gnadig(er)
h(er)r der Romisch künig vnd künig zu Behaim schuldig ist zu geben alle Iar auf
sand Iorgen tag Von den hundert tausent gulden darumb wir brief von im haben
daz er vns der selben zehen tausent gulden gnadigclich bezalt vnd geb(e)n hat waz
auf den nachst v(er)gangen sand Iorgen tag vnd also saigen wir yn sein bruder
vnd alle ir erben von disem v(er)gangen Iare gantzlich darumb quit ledig vnd los
fur vns fur alle vnß erben vnd nachkomen an vrchund ditz briefs mit vnsern anhangende(n)
Infigeln v(er)sigelten Geben zu münchen an Suntag nach Ieorij Anno d(omi)ni mill(es)imo
trecentesimo octuagesimo Quarto