Wir Wenczlaw von gotes gnaden Romischer kunig zu allen zeiten merer des Reichs vnd kunig zu Beheim
Bekennen vnd tun kunt offenlich mit diesem brieue allen den die in sehen oder horen lesen Wann wir vormals
vns(er)m diener vnd lieben getrewen Cuntzen pfarrer Burger zu Costn(i)cz vnser Schultheissampt zu Sletzstat
mitsampt vns(er)m teile des vngeltes doselbste durch seines dinstes willen den er vns getan hatte seine lebtage gnedi
clich geben hatten So haben wir nu durch sunderlicher dinste willen als nu aber vns vnd dem Reiche williclich(e)n
vnd nuczlichen getan hat vnd furbas tun sol vnd mag in kunftigen czeiten ym vnd seinen Erben mit wolbedachte(m)
mu(o)te gute Rate vnd rechter wissen vff das egenan(te) Schultheissampt vnd den egenan(ten) teil vnsers vngeltes Tausent
gute cleine guldein vsgeslagen vnd dofur vsetzet vnd vpfendet vseczen vnd vpfenden ym das egenan(te) Schultheissampt
vns(er)n teil des vngeltes zu Sletzstat an allen abslage der nucze an der die wir ouch im durch seiner trewen dinste
willen genczlich geben han vnd geben in kraft dicz brieues vnd Romisch(er) kuniglich(er) mechte Also ab wir oder vnser
nachkomen an dem Reiche das egenan(te) Schultheissampt vnd denselben teil zu Sletzstat wider losen vnd an vns
bringen wolten das wir dann dem egenan(ten) Cuntzen pfarrer oder seinen Erben von den wir denn das losten Tau
sent gute cleine vngerisch vnd Behemisch Guldein an allen abslag der nucze beczalen sollen Mit vrkunt dicz
brieues vsigelt mit vnser(er) kuniglichen Maiestat Insigel Geben zu Luczemburg noch Cristes geburd dreyczen
hundert Jar vnd dornach in dem vierundachczigistem Jare des Montags noch vnser frawen tage Natiuitatis
Vserr Reiche des Behemischen in dem Czweiundczweinczigistem vnd des Romischen in dem Newnden Jaren