Wir przimysla von gotes gnaden herzog zu Teschin Bekennen vnd tun kunt offenlich mit disem briue allen den die jn sehen oder
horen lesen fur vns vnser erben vnd nachkomen herzog zu Teschin wann der allerdurchleuchtigiste furste vnd h(er)re her wenczlaw von gotes gna
den Romischer kunig zu allen zeiten merer des reichs vnd kunig zu Beheim vnser lieber gnediger h(er)re vns vnd vnsern erben vnd nachkomen her
zogen zu Teschin durch manigerhande sachen die in den briuen die mit seiner kuniglichen maiestat jngesigelle besigelt sein begriffen
steen Eynen teyl an grossen Glogaw vnd der Burg doselbst die Styna den Gor mit aller irer vnd iglicher zugehorungen als ein kunig zu
Beheim fur sich sein erben vnd nachkomen kunig zu Beheim gnediclichen verlihen hat vnd gegeben als die desselben vnsers lieben gnedigen
herren des kuniges briue volkomenlichen vsweysen vnd sagen So globen wir in guten trewen vnd an alles geuerde fur vns vnd die vorgen
vnser erben vnd nachkomen herzog zu Teschin das wir vnd dieselben vnser erben vnd nachkomen dem egen vnserm gnedigen h(er)ren dem kunig
zu Beheim seinen erben vnd nachkomen kunig zu Beheim dem kunigriche vnd der Croney desselben kunigriches zu Beheim mit dem vorgen
halbenteil an grossem Glogaw der Burg doselbst mit Styna vnd Gor den Slossen warten sullen vnd wollen also das sie ire offen vnd
vsgetane Slosse als dicke sich das geburt zu allen iren noten nordurften vnd willen nyemande vsgenomen an allerley widerred argelist vnd
geuerde doch an vnsern schaden sein sollen Were auch sache das es zu schulden qweme das wir die vorgen vnser erben od(er) nachkomen herzoge
zu Teschin die vorgen Slosse den halbenteil an Grossem Glogaw Styna vnd Gor versaczen verkauffen verpfenden oder verwechseln solten
oder musten So globen wir aber in guten trewen an alle argeliste vnd geuerde als vorgeschriben stet das wem wir herzog przimyslaw vns
erben vnd nachkomen herzog zu Teschin vorgen dieselben Slosse versaczten verkauften pfenden oder die verwechselten mit demselben oder
denselben also zu bestellen zu schaffen vnd zu schicken das der oder die dem oder den wir herzog przimyslaw vnser erben oder nachkomen
herzogen zu Teschin oftgenant die vorgen Slosse also versaczet verkauffet oder verwechselten hetten dieselbe Slosse mit allen iren zuge
horungen von dem vorgen vnserm lieben gnedigen herren dem kunige zu Beheim seinen erben vnd nachkomen dem kunigriche vnd der
Croney desselben kunigriches zu Beheim haben vnd halden vnd jn auch damit warten sal vnd sollen in aller der masse vnd weyse als
wir herzog przimysla egenant die yzunt von jn haben halten vnd jn damit warten vnd wir vnd vnser erben vnd nachkomen herzog
zu Teschin die hernachmals haben halden vnd jn auch damit warten sullen vnd mogen als vorgeschriben stet die weyle wir oder
die vorgen vnser erben vnd nachkomen herzogen zu Teschin die jnnehaben vnd sullen auch dieselbe versaczunge verkauffunge ver
pfendunge oder verwechselunge wem oder mit wem wir teten dem vorgen vnserm lieben gnedigen h(er)ren kunige wenczlaw zu Beheim
seinen erben vnd nachkomen kunigen zu Beheim dem kunigriche vnd der Croney desselben kunigriches zu Beheim keynen schaden brin
gen an allen vorgeschriben artiklen vnd an jrem iglichem besunder an alles geuerde des zu vrkunt vnd zu merer sicherheit so haben
wir herzog przimyslaw vorgen fur vns vnser erben vnd nachkomen herzogen zu Teschin vnser eygen jngesigill an diesen brieff
gehangen der geben ist zu luczemburg nach Criste geburte dreyzenhundert jar dornach in dem vierundachzigisten jare des
nehsten dinstages vor sant michel tage