Nos Sigismundus dei gracia Brandenburgen(sis) sacri Romani Imperij Archicamerarius Jodocus et Procopius Morauie Marchiones Notum facimus
tenore presencium vniuersis Quod de sinceritate amoris fidei legalitatis ac iusticie Serenissimi ac Inuictissimi principis et domini domini Wenceslai Romanorum Regis
semper Augusti et Boemie Regis domini fratris et patrui nostri carissimi indubie confidentes in ipsum compromisimus et veluti sincerum fidum et equum arbi
tratorem amicabilem compositorem et diffinitorem deliberate bona fide sine fraude et dolo in virtute iuramenti prestiti compromittimus ex certa
n(ost)ra sciencia per p(rese)ntes de et super vniuersis et singulis displicencijs gwerris litibus discordijs et controuersijs pro parte n(ost)ra et omnium et singulorum
nobis adherencium prout fraternali disposicioni et ordinacioni sue recepit ab vna Necnon Serenissimarum d(omi)narum Marie Consortis n(ost)re Sigismundi
et Elizabeth matris dilecte Vngarie dalmacie Croacie (et)c(etera) Reginarum Necnon prelatorum Baronum ac singulorum Incolarum Regnorum ipsarum et eis adherencium
parte ex altera habitis et subortis usq(ue) presens Promittentes eadem bona fide n(ost)ra dicto Serenissimo Principi d(omi)no et fratri ac patruo n(ost)ro carissi
mo d(omi)no Wenceslao Romanorum et Boemie Regi q(uo)d quidquid ip(s)e inter nos vtriusq(ue) partes predictas auditis vtrobiq(ue) iuris intencionib(us) informaco(n)ib(us)
articulis et motiuis Signanter super Capitulis subscriptis summarie videlicet Super restitucione et rehabicione d(omi)ne Marie Regine Vngarie mee
Sigismundi p(re)dicti Conthoralis carissime Item super statu n(ost)ri honorifico prout n(ost)ra requirit condicio p(ro)uisione Item super bonis illis que sunt
sita circa metas Austrie et Morauie assignacione et illorum bonorum libera et propria possessione Item super n(ost)rorum debitorum vniuersorum racione gwerre et
dissensionis presentis contractorum hincinde plenaria solucione Item super litterarum n(ost)rarum Sigismundi p(re)dicti quas Illustres Marchiones Morauie Patrui
n(ost)ri carissimi super bonis que sunt inter flumina Wag et Danubium sita a nobis obtinuerunt confirmac(i)o(n)e Item super certis bonis que adiutores
n(ost)ri a nobis obtinent corroborac(i)o(n)e Item super omni displicencia Regni Vngarie Incolarum cuiuscunq(ue) status uel condicionis extiterint et o(mn)i(u)m aliorum ad Regnum
Vngarie pertinencium quas ex eo q(uo)d nobis et n(ost)ris adiutoribus adheserunt se incurrisse formidant plena et totali relaxacione et circa bona possessiones
et hereditates eorum atq(ue) statum p(ro)prium iura et consuetudines Regni conseruac(i)o(n)e Prout hec o(mn)ia in articulis prefato Serenissimo p(ri)ncipi d(omi)no fratri
et Patruo n(ost)ro carissimo exhibitis et oblatis capitulatim distincte et specifice sunt expressa ordinabit dictabit p(ro)nunciabit faciet diffiniet et concludet q(uo)d
hocip(su)m volumus debemus (et) tenemur absq(ue) fraude et dolo tene(re) face(re) adimplere (et) inuiolabilit(er) obseruare Et nichilomin(us) in omnib(us) (et) singulis eidem vero
gracioso d(omi)no fratri ac patruo carissimo d(omi)no Wenceslao Romanorum et Boemie Regi tanq(ua)m arbitratori amicabili compositori ac diffinitori fide (et) virtute
quib(us) supra deliberate et ex certa n(ost)ra sciencia dedimus et damus p(ro) parte n(ost)ra (et) o(mn)i(u)m nobis adherencium plenam expressam et omnimodam potestatem
super capitulis et articulis supradictis et eosdem corrigendi addendi minuendi declarandi interloquendi et eciam diffiniendi secundum omnem equita
tem et eciam racionem prout Regio honori suo et inclite sue Maiestatis industrie videbitur valius honestius atq(ue) decencius expedire Ratum gratum fir
mum stabile et incommutabile permansurum promittentes et habere volentes sub data bona n(ost)ra fide p(re)dicta quidq(ui)d in p(re)missis et eorum aliquo per dictum
Serenissimu(m) p(ri)ncipem graciosum n(ost)r(u)m d(omi)n(u)m fratrem et patruum carissimum d(omi)n(u)m Wenceslaum Roman(orum) (et) Boemie Regem factum declaratu(m) ordinatu(m) et quo
modolibet fuerit diffinitum Presencium sub n(ost)rorum Sigismundi et Jodoci p(re)dictorum Sigillis testimonio l(itte)rarum Datum in Campis prope Jaurinum Anno
d(omi)ni Millesimo Trecentesimo Octuagesimo Sexto die vndecima Mensis Maij