In nomine domini Amen Nos Nicolaus presbiter baccalarius in decretis curie Archiepiscopalis pragen(sis) et apostolice sedis
legati officialis Notum facimus tenore presencium uniuersis Quod constitutus coram nobis in figura Judicii
nobis pro tribunali sedentibus ad causas audiendas et Jura reddendum pro tribunali Honorabilis vir dominus Johannes
lysska canonicus wyssegraden(sis) et plebanus ecclesie parochialis in Strazna uel ciuitate noua prope eandem ciuitatem
deliberato uel metu compulsus sed de liberata sponte libere confessus est et in ueritate recognouit quali-
ter ipse sui racione aput domum suam eciam in Strazna inueniens libertates curie sue per donaciones et concessio-
nibus et promissionibus Serenissimi principis domini Wenceslai Roman(orum) et Boem(ie) regis moderni videlicet libertate
pascendi in siluis et piscacionum in flumine cum captiua piscium que uulgariter Slup ibidem (et)
ligna pro igne et edificiis domus et curie de siluis regalibus que libertates fuerunt eciam tempore predecessorum
suorum (asserens eciam) qualiter predictus Serenissimus princeps dominus Wenceslaus Rex modernus uolens dictas siluas
suas ipsius in spacio siue finibus sibi limitari libertatem uenacionum domus eius in siluis suis regalibus
ad singulas peticiones et supplicaciones in uinculo ibidem ad sue maiestatis beneplacitum concesserit
Ipse super qua gracia et speciali concessione uolens eidem Serenissimo principi prouidere ne ipse successores
suos futuros de cetero preiudicium siue grauamen ex speciali concessione in suis temporibus uel eciam ex tali
huiusmodi aliqualiter attemptent sollempniter et expresse protestatus est quod huiusmodi uenaciones in siluis
et piscaciones in flumine non sunt nec fuerunt de aliquo Jure uel proprietate curie sed sibi duntaxat
speciali et addita domini Regis beneplacito concesse Super quibus idem dominus uel peticionem sui
successores futuri nullum aliud attemptare poterunt premissa de mandato nostro in publicam formam
redigi et officialatus sigilli appensione muniri Nosque Nicolaus presbiter officialis predictus huiusmodi
recognicioni litterarum et uerborum futuris cauillacionibus et litibus prouidere uolentes Auctoritate
ordinaria qua fungimur in publicam formam per Mauricium notarium publicum infrascriptum
redigi mandauimus et unacum officialatus appensione sigilli ad perpetuam rei memoriam iussimus communiri
Datum et Actum in Curia Archiepiscopali pragen(si) in consistorio Anno domini Millesimo Trecentesimo
octuagesimo octauo Jndiccione vndecima die quindecima mensis Maij hora quasi tercia pontificatus
Sanctissimi in christo patris et domini nostri domini Vrbani diuina prouidencia pape sexti anno Vndecimo presentibus
discretis uiris domino duchcone plebano ecclesie sancti Egidij in praga Nicolao de Hayna Jurato
actornato consistorij pragen(sis) et Johanne otley de anglia in publico notarijs pragen(sis) diocesis
et Andrea zabrka procuratore generali consistorij pragen(sis) et alijs pluribus testibus fidedignis
Et ego Mauricius dictus presbiter de quondam petro de brilon
pragen(sis) diocesis publicus Auctoritate Imperiali Notarius premissis
Recognicioni confessioni et protestacioni ac omnibus et
singulis premissis dum sic fierent et agerentur unacum
prenominatis testibus presens interfui Eaque omnia et singula
sic fieri uidi (et) alijs occupatus negocijs per alium fi-
deliter scribi feci meque hic manu propria subscribens
in hanc publicam formam redegi Signo (et) nomine
meis solitis unacum appensione Sigilli curie dicti
pragen(sis) sedis consignaui Rogatus (et) Requisitus in
fidem (et) testimonium omnium premissorum