Wir Wenczlaw von gotes gnaden Romischer kunig zu allen czeiten merer des Reichs vnd kunig zu Beheim Be
kennen vnd tun kunt offenlichen mit disem briue allen den die jn sehen ader horen lesen Wie wol das sey das wir
vormals langest Thymen von koldicz vnd seinen Erben vnser Slosse pyrn hawse vnd Stat mit den Burglehen die
darzu gehoren mit gulden Czinsen in der Stat den kunigstein mit dem Stetlein Goclebe Belin den ylgenstein vnd
den Winterstein vnd allen nuczen vnd aymsckeften die darzu gehoren vnd ouch hoyrswerde huse vnd Stat mit alln
czugehorungen Jtem Burgkow vnd kawschiwicz die dorffere vnd Sibenvndachtzig schok jerlicher Czimse czur Sittow
vnd die jerlichen Czinse Sechczig schok zu Budissin vnd Virczig schok grosser czum luban vmb ein genante Sumen
geldes mitnamen Funftawsend vnd Achthundert schok grosser vorpfendet vnd vorsetzet haben als das eygentlichen
vnd bescheidenlichen eines teyles in vnsers vaters seligen vnd eines teyles in vnsern briuen die jn daruber geben sind be
griffen ist Ydoch wann wir pyrn vnd kunigstein mit iren zugehorungen fur Sechsthalbhundert
schok Jtem die Czinse czur Sittow fur Achthundert vnd Sibenczig schok Jtem hoyrswerde fur Tawsent schok
von denselben von koldicz mit gereytem gelde gelediget vnd geloset haben vnd jn noch Sechczig schok jerliches
Czinses zu Budissin fur Sechshundert schok Jtem czum Luban virczig schok jerliches Czinses fur dreyhundert schok
Czu Burgkow vnd zu kawschiwicz dreyvnddreissig schok jerliches Czinses fur dreyhundert vnd dreissig schok
grosser zupfande steen die wir von jn noch nicht geloset haben So ist vnser meynunge vnd setzen vnd wellen von
kuniglicher mechte das dieselben von koldicz vnd ire Erben die egenan(ten) Czinse zu Budissin czum luban vnd die
dorffere Burgkow vnd kawschiwicz mit iren zugehorungen in pfandesweis vmb sulche Sumen geltes als vor
geschriben stet jnhaben vnd besiczen sollen in aller der massen als das in vnsers vaters seligen keyser karles vnd
vnsern briuen leuterlichen begriffen ist vnd globen fur vns vnd vnser Erben den egen(anten) von koldicz vnd iren Erben
vnd zu iren handen den Edeln Johansen von michelsperg Otten von Bergow Borssen von Rysemburg gesessen
zu Betschow vnd deten von kvelicz vnser liben getrewen das wir sie bey den obgenan(ten) pfanden in aller der
massen als obgeschriben stet bleiben lassen vnd behalden sollen vnd wellen von allermennclichen vngehindert
als lange bis das wir sulche pfande vnd Czinse von jn vmb dreiczehenhundert vnd dreissig schok grosser als
das davor in stucken begriffen ist genczlichen loderlosen Mit vrkunt dicz briues besigelt mit vnser kunig
lichen maiestat jnsigele Geben zu Petkaw noch Cristes geburt dreiczehenhundert jare vnd dornach in dem
Einbndnewnczigistem jare an sand Andres abende Vnserr Reiche des Behemischen in dem Newnvnd
czweinczigistem vnd des Romischen in dem Sechczehenden Jaren
Ad relac(i)on(em) Sigismu(n)di Subcamerarij