WIr sigmund von gotes gnaden künig zu vngern zu dalmac(ien) zu croac(ien) zc(etera) vnd marggraf zu brandemburg zc(etera) vnd Iost von denselben gnaden marggraf vnd herre zu merhern bekennen vnd tun kunt offen
lichen mit disem brieffe allen den die In sehen oder horen lesen Als der Allerdurchluchtigste furste vnd herre hre wenczlaw Romischer künig zu allen zeiten merer des Reiches vnd künig zu behem von einem teile vnd die
lantherren zu behem an dem andern teile vff vns mechtiglich vnd gewaltiglich komen sein chriessen In die artikel vffzuschreiben die hernach geschriben sten als das des egenan(ten) küniges brieffe wol vswreisen die er daruber
hat gegeben Also vffsprechen wir zum ersten male das der egenan(te) künig seinen Rat haben sal die hren nachgeschriben zum ersten male den Erwirdigen Erczbischoff zu prage den bischoff zu olomucz den bischoff von
luthomisl hren heinrichen von Rosemberg vnd der sal auch purggraf zu prage sein hrn wilhelmen von landtstein der sal sein der oberiste camerer smiln tzerka von hoenstiem der auch der oberiste czundner sein sal hrn
Erzenken von okal der hofirichter sein sal Benesch von der duben der hofmeister sein sal smyl genat flasska von Reichenburg lantschreiber sein sal otto bergaw von byelyna Iohans von michelsperg boczko von podiebrad
borsso von Risenburg der elder mit der bischoffe vnd hren Rate der egenan(te) vnser bruder des künigreichs sachen vstragen sal vnd mag vmb ander hren die Im vnd dem lande nucze sein in seinen rat nemen zu den egenan(ten)
vnd sal ouch von den egenan(ten) ampten keinen herren entsetzen vnd nichtes tun in den sachen die das landt anruren an Rate der egenan(ten) bischoffe vnd herren vnd ouch der die der egenan(te) künig zu behem darzu wirdet nemen
als obgeschriben steet Auch sprechen wir das alle guter vnd vesten der man sich vnderwunden hat an recht vnd ouch sust was man sich in disem krige mit gewalt vnderwunden hat das man die widergeben sal der den man
sich vnderwunden hat czwischen diesen nechsten heiligthum were aber das yemand do gegen kein widerrede hette der sal das czu dem nechsten heiligthum vor den lantherren beweisen So sullen vmb die lantherren zu dem
nechsten heiligthum an rechte siczen vnd die lanttoffel sal man vff tun vnd sal in steten vnd kreisen ruffen wer fur dem rechten zuschaffen hette das yderman dohin queme So sullen die hren das rechte teilen
vnd was sie also teilen vnd das recht also vffsprechen als landes recht ist das sal also gehalden werden Ouch sprechen wir vff das die glubde von den hren steten clostern in allen gebiten fur sich geen vnd geent werden
als es vmb hie zu prage ist gescheen das der egen(te) künig seine boten vnd brieffe sende vnd die lantherren dohin in die kreisse vnd gebite reiten vnd glubde von In vfnemen sullen Ouch sprechen wir vff das in aller
steten vnd kreissen fride geruffet werde vnd das man nymandes beschedigen sal Were aber das ymandt schaden tete vnd rawbte das denn das gen den gebessert werde von den lantherren die darzu gesetzet werden als
das von alters ist gewesen Auch sprechen wir vff ob ymandt der hrn diner oder helffer in des egenan(ten) küniges steten geschriben weren von des kriges wegen das die luder vffgeschriben werden vnd wider gefreyet in
denselben steten es were denn das sich von newes ymandt ichtes vorwirckte vnd das das das geruffet werde in allen steten vnd kreisen Ouch sprechen wir vff vmb die müntze die behemischer grosser das ein mark
feynes silbers gemünczet sal werden czu achczig gross also das dieselben achczig gross haben sullen ein mark feines lautere silbers an der künge vnd wering were aber das das bergwerk gebessert so sullen die
gross auch gebessert werden dornach als sich das bergwerk gebessert vnd das sal czwischen hin vnd sand michels tag gescheen vnd das sal der egenan(te) vnser bruder den egenan(ten) lantherren mit brieffen vorgerwissen
in aller masse als es in vormals vns beyder vater vnd ouch er vorgerwisset haben Ouch sprechen wir vff vmb die hren die man kmeten nennet die do veraint sein vnd gesworen habn das dieselben siczen am rechten
mit sampt andern hren die darzu gehoren vnd sullen teilen als ein recht ist vnd was sie auch richten vnd teilen das das vorgang habe ouch sprechen wir vff was von dieses kriges wegen angriffe vnd name von
beiden teilen gescheen sey iren dinern vnd helffern das das beiderseit obe sey vnd hingelegt vnd das man darumb nymand in keinen weis anspreche noch in geistlichem oder werntlichem rechte Vnd vrkunt
diz briefes vorsigelt mit vnsrn anhangenden Ingesigeln Geben zu prage noch cristes geburt dreiczenhundert Iar darnoch in dem Sechs vnd newnczigisten Iare an dem heiligen osterlichen tage