Wir Albrecht von Burlbiz vnd Vlrich von Lewnow bekennen vnd tun kunt offenlichen
mit disem briue allen den die jn sehen oder horen lesen das wir aller sachen schelunge an
spruchen vnd scheden nichtes vßgenomen die wir oder ymand von vnsern wegen an dem Aller
durchluchtigsten fursten vnd hren hrn Wenczlawen Romschen kunige vnd kunige zu Behem
vnsm gnedign hren von seinen oder des hochgebornen fursten herczogn hansen von Gorlicz
dem got gnade seines brudern wegen oder wen das anruwen oder gelanghen mochte nichtes
vßgenomen habin oder gehabin magen gancz vnd gar an alles geuerde vff die hochgeborn fursten
vnd hren hrn Josten Marggfen zu Brandemburg Marggfen vnd hren zu Merhern vnd vff
den hochgebornen fursten hren wilhelmen Marggfen zu Meissen vnd lantgrauen zu doringhn
vnser gnedigen hren geganghen vnd bleben sind Also wie dieselben czwischen demselben vnsm
gnedigen hren dem kunige von seinen vnd seines bruders wegen oder wen das anruwen mochte
vßsprechen vnd vns scheiden das wir das gancz stete vnd vnnozbrochn halden vnd volfuren sullen
an alles geuerde vnd arge list Also das der vorgen hre Wenczlaw der kunig von seinen vnd
seines bruders wegen oder wen das anlanghen mochte furbas mer von vns vnbeteidiget
vnd an alle ansprache von derselben ansprache schulde vnd scheden wegen bleiben vnd sein sullen
an alleyne was vns die egenan Marggfen iczundt zusprechen vnd geben heissen das globen wir
vorgen Albrecht vnd Vlrich alle diese vorgen glubde vnd artikel gancz vnd stete czuhalden czuvol
furen bey vnßn trewen an alles geuerde Mit vrkunt dicz briues besigelt mit vnßn anhangindn
jngesigeln Geben zu Prage noch Cristes geburt dreiczenhundert jar vnd dornoch in dem siben
vnd newnczigisten Jare des nechsten donerstages vor dem Sontage als man singet Judica in der vasten