Wir Wenczlaw von gotes gnaden Romischer kunig zu allen czeiten merer des Reichs vnd kunig zu Beheim Bekennen vnd tun
kunt offenlichen mit disem briue allen den die In sehen oder horen lesen Wann wir vormals dem Edeln Borziwoyen von Swynar haupt
man in Beyern vnserm Rate vnd liben getrewen vnsere Slosse Auerbach hertenstein Eschenbach Velden Turndorff Pegnicz vnd Behen
stein mit allen iren zugehorungen vmb Sybenczehentawsent vnd dreyhundert vngerische vnd Behemische gulden eingenben vnd beuol
hen hatten in pfandesweis vns wir In die widerrichten Also dowortten die von vnsere lande wider an vns brengen So haben wir
mit wolbedachtem mute guten rate vnd rechter wissen dem egenan Borziwoyen Zacharzen seinem bruder vnd Bussen von Srenilz
vnsern liben getrewen vnd allen iren Erben vnd nachkomen die dorffer Tiztvenyac genant das Newedorff vnd Chody genant zun hey
ligen Crewcze mit allen vnd iglichen iren Veten Cinsen nuczen gulten gerichten kirchlehen vnd zugehorungen nichtes vsgenomen vmb
Tawsent schok grosser die vns an den egenan Sibenczehentawsent vnd dreyhundert gulden abgen sollen in pfandesweis eingegeben vnd
vorseczet eingeben vnd vorseczen In die crafft diz briues vnd kuniglicher mechte zu Beheim Also das sie dieselben dorffer mit allen egen
nuczen cinsen renten gulten beten Stewren gerichten kirchlehen vnd zugehorungen nichtes vsgenomen ynnehaben besiczen vnd genyes
sen sollen vnd mogen als lange bis das wir oder vnsere nachkomen kunige zu Beheim den egenan Borziwoyen zacharzen Bussen vnd
iren Erben vnd nachkomen zuuoran Tawsent schok grosser genczlichen richten vnd bezalen an alles geuerde vnd argeliste vnd sollen
In ouch die ynwoner vnd gebawren derselben dorffer hulden vnd sweren in allen sachen zu einem rechten pfande gehorsame zu sein alle
nucze geuelle rente gulte cinse bete stewre vnd erunge zureichen als lange bis das wir oder vnsere nachkomen kunige zu Beheim In
zuuoran Tawsent schok richten vnd bezalen als vorgeschriben stet Ouch wer diesen briue mit der egenan Borziwoy Zacharzen Buss
sen vnd irer Erben vnd nachkomen guten willen ynnehaben wirdet In vnserm kunigreich zu Beheim der sol alle die rechte haben in
den obgenan sachen als sieselben ant bekint diz briues Besigelt mit vnserm kuniglichen maiestat Insigel Geben zun Betlern nach
Cristes geburt dreyczenhundert Jare vnd darnach in dem Newnvndnewnczigisten Jaren des dinstages nach sand Nyclasen tage
vnserr Reiche des Behemischen in dem Sibenvnddreyssigisten vnd des Romischen in dem vierundczwenczigisten Jaren

p(er) d(ominum) Sman(n) de chusnik argement(um)
franciscus can(oni)cus Pragen(sis)