Wir Wilhelm friderich vnd Wilhelm von gotis gnaden Marggraffen czu meyssin vnd lantgraffen in doringen Bekenn vor vns vnser erbin vnd nachkomen vnd thun kunt offinlichin mit disem brieffe allen den die yn sehin
adir horin lesin Als wir vorhin die slos mit den edeln Ern Albrechte vnd Ern Jorgen gebrudern heren von Coldicz vmb die herschafft vnd ir veterlich erbe Coldicz mit allen sinen czugehorungen gekoufft habin das in dem
kouffe also gewissin ist das vns vnser getrewe vnd grosmechtige her vnd nefe gutin willen vnd gunst darczu gegebin habin das die selbigin Er Albrecht vnd er Jorge von Coldicz vor sich adir ire erbin vnd die erbindigen in gote vatir
vnd her Er Thyme Bisschoff czu meyssin ir bruder die herschafft coldicz hus vnd stat mit aller czugehorunge von deme nehist komenden sente michils tage nach dritthalbin Jare die nehist nach einandir folgin in dem legten halbin
Jare des dritten Jaris das sich anhebit an sente walpurgin tage von vns vnsin erbin vnd nachkomen widirkouffin mogen vnd wir vnsir erbin vnd nachkomen das yn widirkouffe gebin sollen also das die egniten heren Er Albrecht
vnd Er Jorge von Coldicz ire erbin adir der erbindige her Thyme Bisschoff czu meyssin ir bruder den widirkouff thun werdin dy sullen sie vns vnsir erbin adir nachkomen czwene manden czuvor vorkundigin muntlichin adir mit brieffen in
dem legten halbin Jare des driten Jaris vnd in den czwen manden vorkundigin eyne nemliche czeit nach den czwen manden in der czeit sie vns die beczalunge thun willen vor sente michils tage vnd sullin vns adir vnsin erbin nach den czwen
manden also sie dy vns vnsin erbin adir nachkomen eynner vorkundigit habin in der czeit also sie vns die beczalunge gethun kundinget habin gancz vnd gar beczalen in der state eyn czu Glucholl adir czu wolkenstein also sie vor vns
die vnsin sicher gleite in die stete gehabin mogen mit nuwn tusent guter aldir Rynisschir gulden vnd vier tusent vnd nuyn hundirt lotige marg silbers da selbige sume silbers sie vns an silber sechczehenhundirt marg dry vnd
dreissig marg eyn virdung vnd eyn quent sie vns beczalen sullen vnd sechczehenhundirt marg dry vnd dreissig marg eyn virdung vnd eyn quent mit guten bohemischin grossin beczalen als denn die marg silbers gemeynlichin gildit vnd sech
czehenhundirt marg dry vnd dreissig marg eyn virdung vnd eyn quent mit guten bohemischin grossin beczalen sullen als denn die marg silbers gemeynlichin gildit ane geverde die beczalunge der egnite sume vor vnsir erbin adir nach
komen alda von den egniten Ern Albrechte vnd Ern Jorgen von Coldicz iren erbin adir irem bruder nemen sullen vnd bestellin ab wir in dem lande nicht entwerin das sie von yn genomen werde vnd wenn sie vns die vorgenite sume geldis
an golde an silber vnd an bohmischin grossin also vorgeschrebin stehit beczalen so sullen vnd wollin wir vnsir erbin vnd nachkomen den obingeschrebin Ern Albrechte Ern Jorgen von Coldicz iren erbin adir deme erbindigen her Thy
men Bisschoffe czu meyssin irem bruder welchir vns vnder den die beczalunge thut Coldicz die herschafft hus vnd stat mit allen gerechten rechtin eynkumin nuczin friheiten manschafften vnd allerczugehorunge als wir die
von yn inegenomen habin inegesamt bygenemen wider antwirten vnd inigebin ane alle widirsprache hulffrede vnd geverde das wir alle vorgeschrebin vnd nachgeschrebin artickel mit wolchin worten die begriffen sint vnvorbrochin
stete vnd gancz haldin wollin vnd sullen ane arg vnd ane argelist das habin wir yn guburgin gesaczt die edeln vnd gestrengen vnsir libin getruwin hinrich gestrebin Ern Albrechte Marggraffen von lissenig her czu grempe
Ern hennese den eldir her czu plawen Ern Anarge von waldenberg her czu wolkenstein Ern Sigesmunde von schonburg her czu crimmitschaw Ern offen von schonburg Ern hudolfe von schonburg Ern hennese von kokericz czu bochin
gesessin Ern Cunrad von kokericz Ern ditheriche von milticz Ern Otten pfluge vnd Ern ebirhart von emmote vnd die herschafftigen stete vayn vnd dressen die alle mit vns vnd vor vns das globt habin vnd globin in crafft dises brieffis vnd wir Alb
brecht Marggraffe von lissenig heinrich der eldere her czu plawen Anarg von waldenberg her czu wolkenstein Sigesmund von schonburg her czu crimmitschaw offe von schonburg hudolf von schonburg hennese von kokericz czu bochin ge
sessin Cunrad von kokericz ditherich von milticz Otte pfluge ebirhart von emmote vnd die stete vayn vnd dressen vor vns bugin bekennen das wir alle mit eynen wissin vorrate vnd willin globt habin vnd globin vor die hochgeborn fursten
Ern wilhelme friderich vnd wilhelme marggraffin czu meyssin ic vnd mit yn alle mit gesampter hant getruwlichin vnd vnvorbrochin das der widirkouff vmb Coldicz hus vnd stat vnd allerczugehorunge von den egniten fursten vnsin
gnedigen herin in alle der masse als obingeschrebin stehit in dem legten halbin Jare des driten Jaris das sich anhebit an dem nehisten kunsftigen sente michils tage vnd nacheinandir volgin wenn die egniten Er Albrecht vnd Er Jorge
von Coldicz ire erbin adir der erbindige her Thyme Bisschoff czu meyssin das begir vnd widirkouffin wollin nicht sal gehindert werdin sundir wen sie beczalen die obingniten sume geldis nuwn tusent guter aldir Rynisschir
gulden vnd vier tusent vnd nuynhundirt lotige marg silbers an golde an silber vnd an bohmischin grossin als obingeschrebin stehit in den vorgeniten steten eyne Glucholl adir wolkenstein also sie vnsin herin vnd die iren sichir
gleite in die stete gehabin mogen als obingeschrebin stehit das die obingniten hochgeborn fursten vnsir liben gnedigen herin den egniten heren von Coldicz iren erbin adir dem erbindigen her Thymen Bisschoffe czu meyssin irem
brudere ire slos Coldicz hus vnd stat mit aller czugehorunge als obingnit ist ane allen offczug so die beczalunge volgeczin thut entledin sullen vnd in inigebin ane widirsprache vnd hulfferede vnd an allis geverde
vnd ouch das die obingniten hochgeborn fursten vnsir liben gnedigen herin die beczalunge der egniten sume geldis uff die vorkundigute czeit der beczalunge in dem halbin Jare als obingeschrebin stehit als die her von Coldicz
ire erbin adir der Bisschoff von meyssin ir bruder nach der vffsaczunge das kounde sin sullen beczalt nemen adir bestellin das es von yn genomen wirde Ouch globin wir bugin uff welchir czeit die von Coldicz vorkun
digin die beczalunge gethune das vnsir her adir ire erbin obingeschrebin sume dy slos Coldicz vnd stat mit aller czugehorunge antwirte vor der czeit der beczalunge eyne von waldenberg adir von plawen welchir sie kisin
adir ab der keyner were wisse in besessin manir eyme vmb den sie sich eynen sullen deme sie vor beidir sit globin mochtin sullen der das slobe her von Coldicz adir iren erbin hus vnd stat Coldicz mit aller czugeho
runge inantwirten wenn sie die sume geldis als obingeschrebin stehit vnsin herin ganczlichin beczalt habin Ouch sal die czeit da sie vns mite beczalen was das were czu Glucholl vnd wolkenstein vnd in welchin steten
vnsir landis sie das habin wirdin vnd brengin von vns vnd von den vnsin vnd vor alle die die vns vnsin willin thun vnd lassin wollin vngehindert bliben Ouch globin wir gemeynlichin alle andir artickel vnd stucke vor
adir nach in disem brieffe geschrebin ist als besundir sullen gehalden werdin vnd wir mit yn halden wollin los das not gesche so globin wir egniten bugin wenn wir von den egniten Ern Albrechte vnd Ern Jorgen
von Coldicz iren erbin adir von deme erbindigen her Thymen Bisschoffe czu meyssin gemeynlichin adir besundir virmant wurdin das wir bugin in der stete eyne eyn Glucholl adir eyn wolkenstein inriten
sullen vnd wollin in welchir vns die egniten vnsir globedin eyme idirn bescheide komanen eyn iclichir her vnd ritter mit sechis pferden vnd mit sechis pferden eyn iclichir ritter vnd ir knecht stete vnd mit dryen pferden adir eyn edeln
knecht an anist stat mit czwein ritten vnd pferden ineczuriten vnd eyn iclichir knecht selbandir vnd mit czwen pferden vnd eyne icliche stat mit sechis bugin der sullen ebczen by deme rate sin vnd mit sechis pferden
vnd alda ineczulegin vnd inlegir czuhalden vnd czuleistin als inlegirs recht vnd gewonheit ist vnd by deme inlegir nicht czukomin noch das czurumen den egniten her von Coldicz vnd iren erbin sie denn vallenkomeclichin
gehalden alle obin vnd nachgeschrebin rede vnd globede Ouch ab vnsir bugin eyner adir mehir von todis wegin abegingin bynnen der czeit so globin wir andir selbschuldige vnd bugin fur deme vnsir globedin inlegirs
eynen andir also gut vnd also rich das not geschiht an des stat czuseczen innelbendig eyne manden als wir von den egniten vnsin globedin vormanet werdin der also wol als die vorhin gehalden mag die deme obingeschre
bin inlegir Ouch globin wir bugin alle vorgenite das sich keyner mit dem andir vsczugin sal sundir welchir vnsir gancz ritten adir gancz leistin vormanet wirt der sal von stundan haldin als vorgeschrebin stehit ane
alle borgung vnd hulffrede Ouch globin wir selbschuldige vnd bugin alle vorgenite ab den her von Coldicz iren erbin vnd iren brudere vnsir eynen gehaldenin nach der obingeschrebin inlegirs nicht gehalden wurde in alle der masse
als obingeschrebin stehit mit welchin worten adir brieffen sie vns virmanten adir darczu brechten das wir yn halden mustin da sullen sie von vns vor adir nach vnuordacht vnd vnbeschalt bliben Alle obingeschrebin stucke
vnd artickel vnd iclichs besundir kancz bygenemen globin wir egniten wilhelm friderich vnd wilhelm marggraffin czu meyssin ic mit vnsin bugin ic die ir obingniten bugin mit den egniten hochgeborn fursten vnsir liben
gnedigen herin alle mit gesampter hant vnd vnvorbrochin stetigclichin vnd vnvorruckt czuhalden den edeln Ern Albrechte vnd Ern Jorgen von Coldicz iren erbin vnd deme erbindigen her Thymen iren bruder vnd in czu
getruwir hant den edeln Ern hincz von muhlhusen irem swager Ern hincz von schonburg Ern Jorgen von drasge Ern Otten von kitelicz her czu baruth vnd Ern vite von schonburg her czu Glucholl ane alle
arg vnd geverde Ouch als das die getrulichin herin vns globin des selbigin vnsin globin vmb alle artickel welchis nicht gehalden wurde vns vormanen mochte vnd die globede vordern dises brieffis glicherwis in der mit den
selbschuldigen vnsin globin wie offte der in disem brieffe gedacht wirt gutgeschrebin were des czu urkunde vnd merer sicherheit habin wir obingeschrebin selbschuldigen vnd bugin vnsir Ingesigele hiemandin wissint
lichin an disin brieff lassin hengen der gegebin ist nach gotis geburte virczehenhundirt Jar darnach in dem virden Jare am nehisten donrstage vor aller gotis heiligen tage