Wir Burgermeyster, Richter, Rate vnd Burgere gemeynlich der Grossern Stat zu prage bekennen vnd tun kunt offenlich mit
diesem brieue vnd globen vnd sweren in crafft dicz brieues bei vnsern guten trewen an eydes stat, dem Allerdurchleuchtigisten
fursten vnd herren, hern Wenczlaben Romischen kunige zu allen czeiten merer des Reichs vnd kunige zu Beheim vnserm lieben
gnedigisten herren, fur vns vnd alle vnsere erben vnd nachkomen Burgere der egenanten Stat zu prage, das wir In fur vnsern
ordenlichen vnd naturlichen herren alle seine lebtage haben halden vnd Im vnd nyemande anders vndertenig vnd gehorsam
sein vnd bei Im wider allermenniglich nyemands vssgenomen bestichlichen bleiben, vnd vns auch nicht lassen von Im weisen,
noch scheyden, als lange vnd er lebet, Sunder Im getrewlichen raten vnd helffen sollen vnd wollen wider allermenniglich als
billich ist, an alles geuerde vnd argelist, Des zu eynem vrkunde so haben wir vnser Stat grosser Sigel, vnd zueynem geczeug
nisse so haben, die erbern weisen manne Burgermeistere Rate vnd Burgere gemeinlich der cleynern vnd Newen, Steten
zu prage irer Stete Infigele, durch vnser bete willen an diesen brieff gehangen, der geben ist zu prage nach Cristi geburt
Vierczehenhundert Jar darnach in dem funfften Jare an der heiligen Eylfftausent Juncfrawen tage