Wir Bocke von podyebrad Bekennen offenlich mit disem briue allen den die In sehen oder horen lesen
Dann vns der Allerdurchleuchtigiste furste vnd hre hr Wenczlaw Romischer kunig zu allen
czeiten mer(er) des Reichs vnd kunig zu Beheim vnß liber gnedig(er) h(er)re das obrist lantschreib(er)
Ampt der lanttafel zu Beheim vnß lebtage geben hat als das sein maiestatbriue wol vßwei
set. vonon so globen wir demselben vnserm liben h(er)re kunig Wenczlawen bey vnsern trewen
vnß lebtage zu widerstatunge desselben Amptes mit funfzehen spissen vff vnß koste zu dinen
Wo er des bedurffen wirt vnd ouch demselben vnß(er)m h(er)rn wider allermenniclich getrewlich
beygestendig sein vnd bey Im zubleiben wider allermenniclich nyemand vßgenomen. Wer
aber sache das Wir bey demselben vnß(er)m liben h(er)ren kunig Wenczlaw nicht bleiben wolten
Sunder vrlawb von Im nemen So sollen vnd wollen Wir Im das egenan(te) lantschreibampt
zuuoran vffgeben der mag es denn furbas geben Wem er wil. vnd des zu vrkunt haben Wir
egenan(ter) Bocke vnß(er) Infigel anhengen lassen an diesen briffe Der geben ist zunn Betler
Nach Cristes geburt virczehenhundert Jar vnd dornach in dem Sechste Jare des dinstages
noch sand pawls Conuersionis tage