Wir Wenczlaw von gotes gnaden Romischer kunig zu allen zeiten Merer des Reichs vnd kunig zu Behem Bekennen vnd tun kunt offenlich mit disem briue allen den die In
sehen oder horen lesen Das fur vns komen ist der Edel Albrecht von Coldicz vnser camermeister Rat vnd liber getrewer vnd legte vns fur Wie das er das Slos haws vnd Stat
Belyn mit aller seiner herschaft vnd Geistlichen lehen dorffern Eckern Wisen Welden pusshen Bergen Talen Wassern Wasserleuffen Teichen Seen Gejegden Renten Czinsen
nuczen gefellen gulten vnd sust allen and(er)n seinen zugehorungen nichte vsgenomen Woran die sein vnd wie man die mit sunderlichen Worten benennen mag allem vsgenomen
die manschaft die Wir vns(er)m hawse zu brux zugefueget haben das alles von vns vnd der Cronen zu Behem zulehen ruret von dem Ersamen Jorgen Probste vf dem hawse
zu prage vnd Burkharten seinem Bruder ettwenn des Edeln Burkhardes Stirnad von Janowicz Sonen vns(er)n liben getrewen vmb ein genante Sume geldes recht vnd
redlichen gekawft hette Vnd bat vns mit fleisse das Wir Jm die zuuerleihen gnediclichen geruchten Des haben Wir anngesehen gneme dinste vnd trewe als vns der eygen(ant)
Albrecht von Coldicz ofte vnd dicke nuczlichen getan hat tegelichen tut vnd furbas tun sol vnd mag in kunftigen zeiten Vnd haben dorumb dem selben Albrecht als
eines Bannihern zu Behem genog zu full(er)m lehen Wirdig vnd Wolgeborn das eygenan(t) Slos haws vnd Stat Belyn mit allen vnd yglichen seinen zugehorung(e)n
Hershafft vnd Geistlichen lehen als vorgeschriben steet nichte vsgenomen dann allein die manschaft zurechtem manlehen gnediclich gelihen vnd geleihet leihen
vnd reichen Jm das in crafft dicz briues vnd kuniglicher macht zu Behem Also das er vnd seine lehenserben vnd der Erwirdige Thyme Byschof zu meissen vnd der Edel
hans von Coldicz Jr vetter vnd sein Erben dasselbe Slos hus vnd Stat Belyn mit seinen zugehorungen als vorgeschriben steet Von vns vnd der Cronen zu Behem
zurechtem manlehen haben halden besiczen vnd des genyessen vnd gebrauchen sollen vnd mugen in aller masse rechten vnd Weise Als das die eygenan(t) Jorge vnd
Burkhard ettwenn Stirnades Sune von Janowicz bis her ynnegehabt vnd besessen haben Von allermeniclich vngehindert Vnschedlich doch vns vnd der
Cronen zu Behem an vnsern dinsten vnd sust yderman an seinen rechten Were ouch sache das das eygenan(t) Slos hus vnd Stat Belyn mit seinen zugehorung(e)n
von den eygenan(t) Jorgen vnd Burkharden yemand anders dann dem eygenan(t) Albrecht von Coldicz vnd seinen Erben vormals verschriben vnd vergeben were
vnd doruf Bemerley briue verhalden Weren meynen seczen vnd wollen Wir in crafft dicz briues das dieselben verhalden briue kein craft noch macht haben
sunder genczlich vntuglich sein vnd dem eygen(ant) Albrecht vnd seinen Erben an dheinen steten keinen schaden brengen sollen in dheineweis Vnd des sint gezeug(e)n
der Edel laczke von Trawar vns(er) hofmeister Vnd der Erwirdige Conrad Erbelter zu Berden Vndercam(er)er vnsers kunigreichs zu Behem Vnd der Ersame vnd
Geistlich Bohuss Comendor sant Johans ordens zu mannyeton vnd heinrich von lazan vns(er) cam(er)er vns(er) Rete vnd liben getrewen Mit vrkund dicz briues
versigelt mit vns(er)s kuniglichen maiestat Jnsigel Geben zum Betler nach Criste geburt Virczehenhundert Jar vnd dornach in dem Sibenden Jare An sant
Symon vnd Judde tage der heiligen Czwelfboten Vns(er)s Reichs des Behemischen in dem Funfondvirczigsten vnd des Romischen in dem Czweybnddreissigistem Jaren