Wir Rudolph von gotes gnaden zu Sachsen vnd Lunemburg herczog Pfalczgraffe zu Sachsen Graffe zu Brene Burkgraffe zu Magdburg des
heiligen Romischen Reichs Erczmarschalk Bekennen vnd tuen kunt offenclichen mit disem brife allen den die jn sehen oder horen lesen das wir
dem Allerdurchluchtigisten fursten vnd herren hern Wenceslawen Romischen vnd Behemischen kunige vnserm liben gnedigen herren mit wolbe
dachtem mute gutem Rate vnd rechter wissen vorheissen vnd globet haben vorheissen vnd globen jm mit craffte diz brifes vnd bey vnsern furstli
chen worten vnd guten trewen fur vns alle vnserr Erben vnd Nachkomen herczogen zu Sachsen das wir jm seinen Erben vnd Nachkom
kumgen zu Behem des Slosses zur Pircz in lusia gelegen das wir von jm mit allen vnd yglichen seinen zugehorungen fur drey Tusent drey
hundert vnd Siben vnd Sibenczig schog grossen Prager muncze yczunt in pfandes weise ynnehaben halden vnd besiczen wider abetreten vnd
sie des mechtig machen sollen vnd wollen alsbalde wir von jm der eygen drey Tusent dreyhundert vnd Siben vnd Sibenczig schog grossen gancz
vnd gar gereicht vnd bezalt werden vnd sollen jm ouch vf dieselbe Summe geldes dhein ander gelt rechen noch schaden slahen in dheine
weis Es sal ouch das eygenan Sloss zur Pircz alle die weile wir vnser Erben vnd Nachkomen herczogen zu Sachsen das ynnehaben des
eygen vnsers herren des kuniges hern Wenceslaw seiner Erben vnd Nachkomen kunige zu Behem offene Sloss sein also das sie sich vnd jr
Amptlute von jren wegen doruff vnd dorynne wider allermenniglich behelffen sollen vnd mugen alsoofte des not sein wirdet alle die wey
le das sie das von vns mit der eygenan Summe geldes an sich nicht widerloysen oder brengen Vnd weres sachen das wir vnserr Er
ben oder Nachkomen herczogen zu Sachsen das eygenan Sloss zur Pircz vmb die eygenan Summe geldes drey Tusent drey
hundert Syben vnd Sybenczig schog grossen yemanden yngeben oder versetzten So sal doch des dem eygenan vnserm herrn
dem kunige herren Wenceslaw seinen Erben vnd Nachkom kunigen zu Behem an der losunge des eygen Slosses vnd seiner
zugehorungen keynen schaden brengen in dheinerweis als das alles in seinen kuniglichen Maiestat briuen die er vns doruber ge
geben hat fullenkomiclich begriffen ist vnd eygentlichen geschriben steet die wir ouch in allen jren begriffen vnd meynungen
stete gancz vnd vnuorrucket halden sollen vnd wollen ane alles geuerde vnd argelist czur vrkunt diz brifes versigelt mit
vnserm angehangen jnsigel Geben zu Prage nach Cristes geborte Virczenhundert Jar dornach in dem Eylfften Ja
re des Sontages als man in der heiligen kirchen singet letare Jerl(usa)m