Johannes ep(iscopu)s s(er)uus s(er)uor(um) d(e)i. Carissimo in xp(ist)o filio Wenceslao Roman(orum) et Bohemie Regi Illustri Sal(u)t(em) et ap(osto)licam ben(edictionem). Gratie diuine premium
et humane laudis preconium acquiritur si per seculares principes presertim prelatis Cathedralium eccl(esi)ar(um) regimini presidentibus oportun(um) fauoris presidium et honor
debitus impendatur. Dudum siquidem bone memorie Sbincone Archiep(iscop)o Pragen(si) regimini Pragen(sis) eccl(esi)e presidente Nos cupientes eidem eccl(esi)e cum ipsam uacare
contingeret per ap(osto)lice sedis prouidenciam utilem et ydoneam presidere personam prouisionem ipsius eccl(esi)e ordinac(i)o(n)i et disposic(i)o(n)i n(ost)re duximus ea uice specialiter re
seruandam decernentes extunc irritum et inane si secus super h(oc) per quoscunq(ue) quauis auctoritate scienter uel ignoranter contingeret attemptari. Postmodum uero
dicta eccl(esi)a per obitum eiusdem Sbinconis Archiep(iscop)i qui extra Roman(am) Curiam diem clausit extremum uacante dilecti filij Capitulum dicte eccl(esi)e huiusmodi reserua
cionis et decreti forsan ignari dilectum filium Albicum Electum tunc cl(er)icum Pragen(sem) decretor(um) doctorem in medicina magistr(um) in minoribus duntaxat ordinibus
constitutum in eor(um) et dicte eccl(esi)e Archiep(iscopu)m licet de facto concorditer elegerunt ipseq(ue) Electus reseruacionis et decreti predictor(um) similiter inscius elecc(i)oni huiusmodi illius
sibi presentate decreto consensit eciam de facto et deinde reseruacione et decreto predictis ad ipsius Electi deductis noticiam huiusmodi eleccionis negocium proponi fecit
in Consistorio coram nobis. Nos igitur eleccionem ipsam et quecunq(ue) inde secuta ut pote post et contra reseruacionem et decretum predicta defacto ut premittitur attempta
ta prout erant irrita et inania reputantes et ad prouisionem ipsius eccl(esi)e celerem et felicem de qua nullus preter nos ea uice se intromittere potuerat siue poterat
reseruacione et decreto obsistentibus supradictis ne eccl(esi)a ipsa longe uacacionis exponeretur incomodis paternis et solicitis studijs intendentes post deliberacionem qua
de preficiendo eidem eccl(esi)e personam utilem et eciam fructuosam cum fratribus n(ost)ris habuimus diligentem demum ad prefatum Albicum Electum cui de uite mundicia ho
nestate mor(um) spiritualium prouidencia et temporalium circumspectione alijsq(ue) multiplicium uirtutum donis apud nos fidedigna testimonia perhibentur duximus oculos
n(ost)re mentis quibus omnibus necnon dictor(um) Capituli ip(su)m Albicum Electum eligencium concordi uoluntate debita meditacione pensatis de persona ipsius Albici Electi
nobis et eisdem fratribus ob dictor(um) suor(um) exigenciam meritor(um) accepta prefate eccl(esi)e de dictor(um) fratrum consilio auctoritate ap(osto)lica prouidimus ip(su)mq(ue) illi prefecimus in
Archiep(iscopu)m et pastorem curam et administracionem ipsius eccl(esi)e sibi in spiritualibus et temporalibus plenarie comittendo firma spe fiduciaq(ue) conceptis q(uo)d prefata eccl(esi)a gra
cia sibi assistente diuina per ipsius Electi circumspectionis industriam et prouidenciam circumspectam prospere dirigetur ac salubria in eisdem spiritualibus et temporalibus
suscipiet incrementa. Cum itaq(ue) fili carissime sit uirtutis opus dei ministros benigno fauore prosequi ac eos uerbis et operibus pro regis eterni gloria uenerari Seren
tatem tuam rogamus et hortamur attente quatinus eundem Electum et prefata(m) suam eccl(esi)am sue cure comissam habens pro n(ost)ra et ap(osto)lice sedis reuerentia propensius comen
datos in ampliandis et conseruandis iuribus suis sic eos benigni fauoris auxilio prosequaris q(uo)d id(em) Electus tue celsitudinis fultus presidio in commisso sibi pastoralis officio possit deo
propicio prosperari ac tibi exinde a deo perhennis uite premiu(m) et a nobis condigna proueniat accio graciar(um). Dat(um) Rome apud Sanctumpetrum xvij k(a)l(endas) februarij Pontificatus n(ost)ri Anno Secundo:
B. de Pal(ati)a.