Wir Wenczlaff von gotes gnaden Romischer kunig zu allen czeiten Merer des Reichs vnd kunig zu Behem Bekenn(en)
vnd tun offenlich mit disem briue allen den die jn sehen oder horen lesen Wann Wir durch mancherley sachen Willen die vns in
vns(er)m kunigreich vnd Erblanden der Cron zu Behem zu disem male anligende sind vnse recht die vns vnd der Cron zu Behem
an Furstentumen Graffscheften herscheften Steten merkten dorffern landen vnd lewten geburen selber leiplichen nicht geford(er)n
mugen die zu vns vnd in vnse gewalt zubringen als das Wol billich vnd notdurftig wer vnd Wann Wir vnd der Aller
durchleuchtigiste furste her Sigmund kunig zc vnser liber Bruder also fruntlich vnd gutlich voreinet vnd miteinande(r)
gruntlich vberkomen sein das Wir mit jm vnd er mit vns in allen sachen vnub(er)brochenlich genzlichen eines Willens sind vnd
darvmb durch bruderlicher libe trewe vnd fruntschaft Willen die Wir vnd der egen(ant) vnser liber Bruder zu einander haben
vnd tragen So haben Wir demselben hern Sigmunden vns(er)m liben Bruder mit Wolbedachtem mute gutem rate vns(er)r
fursten herren Edeln vnd getrewen vnse ganze vnd volle macht vnd gewalt gegeben vnd geben jm die in craft dicz bri
ues alle vnd ygliche recht zuspruche vnd forderunge die vns beyden von vns(er)s kunigreichs vnd der Cron zu Behem Wegn(en)
der derselbe vnser liber Bruder ein rechter naturlicher Erbnachfolger ist an vns(er)n Erblanden vnd lewten Steten Sloss(en)
merkten vnd dorffern vber Wald in Beyern gelegen geburen vnd zugehoren geburen vnd zugehoren mogen Woran die sind
vnd Wie die mit sunderlichen Worten benennet Werden mochten nichtes vsgenom(en) die vns vnd der Cron zu Behem etwenne der
hochgeborn Ruprecht pfalzgraf bey Reyn vnd herzog in Beyern an schulde gleiche recht vnd beschaidenheit entfremdet vnd
entzogen hat vnd der hochgeborn Johans pfalzgraf bey Reyn vnd herzog in Beyern desselben Ruprechts Sune yzunt fre
uelich furheldet von vnser beyder wegen zufordern zuheischen vszunemen einzunemen vnd zuhalden zuuorwesen hant
zuhaben zuschuzen vnd zuschirmen vnd sust gmeinlichen von vns(er)r Wegen vnd an vnser stat alles das zutun zuschicken zu
handeln vnd zuordinieren das in den egenan(ten) sachen zutun notdurftig ist vnd als vns vnd jm das allernuglichste vnd be
qwemlichste sein dunken Wurdet vnd Wie der egen(ant) h(er)r Sigmund vnser liber Bruder die egen(anten) sachen von vnser beyder Wegn(en)
fordern heischen beslissen vstragen vnd enden Wurdet das ist vnser guter Wille vnd Wort vnd Wollen ouch das stete ganze
vnd vnub(er)ruckt halden vnd volfuren vnd ouch das dabey bleiben lassen an geuerde vnd argelist gleicherWeis als ab Wir do
bey gegenWurtig gewesen Weren vnd sulche sachen selber beslossen vsgetragen vnd leiplich geendet hetten Mit vrkunt
dicz briues vorsigelt mit vns(er)r kuniglichen Maiestat jnsigel Geben zu pragel Nach Crists geburt Virczehenhund(er)t jar
vnd dornach in dem Sechzehendem jare An sand Margrethen tage vns(er)r reiche des Behemischen in dem vndnd
funfzigysten vnd des Romischen in dem Eynvndvirczigisten jaren
Ad mandatum d(omi)ni Regis
Johannes de Bamba(m)b(er)g