In nomine d(omi)ni amen. Anno a natiuitate eiusde(m) mill(es)imo Quadringentesimo decimo nono Indictione duodecima die u(er)o lune
Sextadecima mensis Januarij, pontificatus Sanctissimi in xp(ist)o p(at)ris d(omi)ni Martini pape Quinti Anno Secundo. Serenissimus
et xp(ian)issimus princeps, d(omi)n(u)s Sigismundus diuina fauente clemencia Romanor(um) Rex semp(er) Augustus ac hungarie
Dalmacie Croacie (et)c(etera) Rex, intendens Nobilib(us) Oratorib(us) Serenissimi d(omi)ni Wenceslai Bohemie (et)c(etera) Regis fratris
sui et p(er) ip(su)m in(st)itut(er) huc transmissis debite respondere, tandem cum consilio et a(n)i(m)o deliberato, atq(ue)
ex certa sciencia accedente ad id totum, expresso consensu beneplacito (et) consilio Reuerendissimi in xp(ist)o patris
d(omi)ni Johannis t(ituli) sancti Sixti p(res)b(ite)ri Cardinalis ap(osto)lice sedis legati (et)c(etera) statuit (et) ordinauit eisdem oratoribus
prebere responsum p(ro)ut s(e)c(un)d(u)m modum et formam cedule hic inferius descripte et annotate, cuius quid(em)
cedule tenor de verbo ad verbum sequitur in hanc formam videlicet Dicendum est primo fratri meo
quemadmodu(m) p(ri)de(m) et nu(n)c Consiliarios suos apud nos habuit, ratione error(um) qui nu(n)c vigent in Bohemia,
et signanter prout ijdem Consiliarij nobis cartam quandam ex parte fratris mei obtulerunt, cuius tenore(m) etia(m)
una cum relatione dictor(um) Consiliarior(um) intelleximus satis clare. Continet aut(em) inter alia Consiliarior(um)
relatio, (et) tenor eiusdem carte, qualiter idem frater m(eu)s n(on) sciat in Regno suo aliquos erroneos homines,
ymo si qui tales essent, paratus esset eisdem contrariari, (et) eos delere, de quo plurimu(m) admiramur,
cum tamen Regnum ip(su)m infamatum sit, et clamor sit et fama publica de errorib(us) (et) infortione Regni
illius in toto vniuerso, de quo fratri meo magnu(m) onus incumbit. Manifestum est eni(m) quemadmodum
ip(s)e n(ost)ris Ambaxiatorib(us) suos et l(ite)ras cum sigillo maiestatis ad Ciuitate(m) Constancien(sem) destinauit, petens
ut nos de causa hac intromittere, et curam habere vellemus, ne ip(s)e frater m(eu)s (et) corona sua Bohemie subiret
dedecus (et) vilipendium scandalosum Et quicquid hac occasione coram d(omi)no n(ost)ro Sum(m)opontifice (et) sacro Constancien(si)
Concilio pro eodem fratre meo promitteremus, asseruit in eisdem l(ite)ris se uelle firmiter adimplere, (et)
nostru(m) sequi consilium et dictamen. Et hac ratione supplicauimus d(omi)no n(ost)ro Sum(m)opontifici p(ro) adiungendo
nobis legato, nec aliquo modo amplius hoc negocium valemus differre, aut onus ip(su)m sufferre. Ite(m)
nouerunt nuntij fratris mei hic p(rese)ntes, qualiter cum quibusdam Baronib(us) Regni Bohemie conclusimus
et determinauimus, de obseruando termino placiti in Ciuitate Skalicz in octaua purificacionis sancte
Marie p(ro)xime futura, similiter sup(er) materia error(um), Quaprop(ter) rogamus fratre(m) meu(m), (et) hortamur ampliori
quo possumus studio, et sub debito quo se l(ite)ris suis nobis obligauit, quat(enus) Consiliarios suos legales
cum pleno mandato (et) pot(est)ate ad eundem locum transmittat, et no(m)i(n)atim ac expresse infrascriptos videlicet
d(omi)nos Wilhelmum de hazemburg, Albertu(m) de Coldicz, Johanne(m) de chotiemicz, Henricum de lozan Capitan(eum)
Wratislauien(sem), Johanne(m) de Smilkow, Nicolau(m) de lobkowic, filippum luon, et etia(m) aliquos alios si ip(s)i
f(rat)ri meo videbit(ur) (et) placuerit, Sub hoc proposito ut quicunq(ue) sunt in errorib(us) recedant ab eisdem,
et sancte matri eccl(esi)e catholice eiusq(ue) doctrine consentiant, et eam sequant(ur), et hoc faciendum p(ro)mittat
et firment, Et hi p(re)sertim qui adinuice(m) confederati sunt, et qui a sacro Concilio exco(mmun)icati (et) agrauati
sunt, Cum eor(um) sigillate l(ite)re, publice in Constancia lecte sint, ex quo apparet manifeste, eos
in errorib(us) fore reptos. Item speramus de dei misericordia, q(uo)d si frater m(eu)s legatos suos huiusmo(d)i ad
die(m) (et) locum suprascriptos miserit, ubi etia(m) nos p(er)sonaliter esse volumus, q(uo)d adhuc cu(m) auxilio dei, ei
consulere et auxiliari curabimus fidelit(er) tamquam nobis, vt hoc negocium, cum honore fratris
mei, et eorum qui nos sequi voluerint, secundum etia(m) utilitate(m) Regni (et) corone ad finem bonum
p(er)ducat(ur), Nam quicquid ad p(rese)ns, (et) pro om(n)i t(em)p(or)e in hoc et alio quocunq(ue) facto possemus face(re),
quod f(rat)ri meo (et) Regno suo honore(m) decus (et) utilitate(m) exaltare posset quomodolibet, semp(er) parati
sumus, (et) erimus om(n)em cura(m) (et) opam possibile(m) adhibere. Et u(er)o quod absit frater m(eu)s legatos
suos ad locu(m) (et) diem surrannotatos nollet transmittere, timendum e(st), ne frater m(eu)s, et corona seu Regnu(m)
suu(m) tale incidat dedecus (et) vilipendium, qui recuperari no(n) possent de cetero, de quo tamen multum
heremus dolorem, sicut (et) fratri meo, cui merito compati tenemur, Nec poterimus aut possumus
inuenire modum ulteri(us) resistendi. Item dicat f(rat)ri meo, q(uo)d stantib(us) errorib(us) in Bohemia
in nullis negotijs alijs ei consulere aut succurrere possumus, nec volumus, p(ro)ut ad(o) facere(m)
libentissime, et sibi fraterna caritate tenemur obligati. Acta sunte p(re)dicta Tenore(m)
Patamien(sem) dioc(esis) in quadam naui ibidem constituta in Ripa danubij, p(rese)ntib(us) Reueren(dis) patre,
atq(ue) Magnificis (et) excelsis d(omi)nis ac militib(us), d(omi)no Euerardo ep(iscop)o patauien(si) (et)c(etera), Hermano Comite
Cilie, Nicolao de Gara Comiti palatino hungarie, lodouico Comiti de Oetingen, Johanne Comite
de lupffen, Johane bano, Jacobo Veywoda transiluano, Johane de michaelspach, Henrico de
Crastrac, Wilhelmo de frolhenhof, Alberto Sclank de Eydan, Wilhelmo haze de Waldek, Jomp(er)
de Boppenheim mareschallo, Pota de slemburg, Wenceslao de duba dicto de lessna, (et) plurib(us)
alijs honorabilib(us) viris ad p(re)missa vocatis sp(eci)alit(er) (et) rogatis.
Ego Johannes luchini de Camuys cl(er)icus Cremonen(sis) publicus ap(osto)lica (et) Imp(er)iali auct(or)itatib(us)
notar(ius), p(re)missis omnib(us) (et) singulis, dum sic ut p(re)mittit(ur) egerent(ur) (et) fierent
una cum p(re)no(m)i(n)atis testib(us) p(re)sens interfui, Jdeoq(ue) p(re)sens instrumentum, (et) cartam
publicam in hac publicam formam redegi, notaq(ue) (et) signo meis (con)suetis
signaui atq(ue) s(ub)s(cripsi) in fidem (et) testimoniu(m) o(mn)ium p(re)missor(um).