Wir Sigmund von gotes gnaden Römischer künig zu allen zeiten Merer des Richs vnd zu Vngern zu Behem Dalmacien Croa
cien (et)c(etera) künig Bekennen vnd tun kunt offenbar mit disem brief allenden die In sehen oder lesen horen Wann der beste Janko czalerzik
vnser lieber getruer das Sloß hertemberg mit synen zugehorungen fur eyn benante Sume gelts in phandsweis von vns vnd der
Cron zu Behem Innbat als dann das soliche maiestat brieue die Er von vnserm lieben bruder seligen künig Wenczlaw vnd von vns
daruber hat Wol vßweisen vnd wann vns nü der vorgenan(t) Janko fleissiglich vnd getruwlich gedienet hat vnd vns ouch yczund fur
baß in trefflichen botscheften gen dewtsche(n) landen zu den kurfursten vnd andern fursten dienen sol Darumb mit Wolbedachtem mute
gutem Rate vnd rechter Wissen haben Wir dem vorgenan(t) Janko fur soliche syne dienste die er vns getan hat vnd nu gen dewtsche(n)
landen tün sollet vff das vorgenan(t) Sloß hertemberg zu der Sume gelts dafur Er dann das Innbat als fur berurt ist dreyhundert vn
grische gulden geslagen verschriben vnd benümet slahen vnd benennen Im die daruf von behemischer küniglicher macht mkrafft
diß briefs also das Er vnd sein Erben das egen(ant) Sloß Hertemberg mit den dorffern vnd gutern Gossengrün Altesatel libnaw loch Jil
temberg lawterbach Werd horn vnd allen andern seynen nuczen vnd zugehorungen waran die sind nchtes außgenomen als die der
egen(ant) Janko Innbat haben halden besiczen vnd der geniessen vnd gebruchen solle vnd moge von allermeniclich vngehindert als
lang biß das Wir oder vnsere Erben vnd nachkomen künige zu Behem Im oder synen erben oder wer disen brief mit Iren guten Willen
Innbat die vorgen(ant) dreyhundert vngrische gulden mit sampt der andern Sume gelts nach der vorgen(ant) vnsers bruder künig Wenczlaus
vnd vnsere brieue lute die Er druber hat gentzlich vnd gar bezalen vnd vßrichten vnd so Wir oder vnser Erben das getan haben
so sollen Sy vns des vorgen(ant) Slosses Hertemberg mit syner vorgen(ant) zugehorung lediclichen abtreten vnd Wider antwurten vnd sol
len vns ouch keyn ander gelt daruf slahen noch schaden rechen in dhein weis Doch so sol das egen(ant) Sloß hertemberg die weile es der
egen(ant) Janko vnd seyn Erben Inhaben Wer den vns offen seyn also das Wir vnsere erben vnd nachkomen künige zu Behem vnd vn
sere amptlute von vnsern wegen vns drauß vnd derynn Wider allermeniclich behelffen vnd geweren mögen als offt des not ge
schiht doch an Iren schaden an vrkund diß briefs versigelt mit vnserm küniglichen maiestat Insigel Geben zu Prespurg nach
Criste geburt vierczehenhundert Jare vnd darnach in dem zweyundzwenczigsten Jare an des heligen Crewcz tag Inuencionis
vnsr(er) Rüche des vngrischen (et)c(etera) in dem xxxv des Römischen in dem xij vnd des Behemischen Im andern Jaren

Ad mandatum d(omi)ni Regis
franciscus p(re)p(osi)tus Boleslauien(sis)