Ich Leupolt lantgraf zu leuchtemberg Bekenne fur mich vnd alle meine erben vnd na~ch~komen vor allen den die
disen brief sehen oder horen lesen Als der Allerdurchluchtigiste furste vnd herre her Sygm~un~d Romischer kung zu
allentzyten merer des Richs vnd zu vngern zu Beheim kung mein gnediger lieber herr m~it~ mir vberkomen ist
vmb alle schulde die der Allerdurchluchtigiste furste vnd herre her Wenczlaw kung zu Beheim meinem vatter
vnd ouch mir schuldig beliben ist vnd des ich brief hab vnd ouch vmb soliche schulde die mir sin gnad selbs vmb
meine dinste betzaln sol das mir sein gnad vmb das alles dreitawsent Rinscher guldin betzaln sol als mir des sein
gnad seinen schuldbrief gegeben hat Also mit guter vorbetrachtung vnd rechter wissen lass ich den vorgenan~ten~
meinen gnedigen herren den kung Sygmund vnd sine erben vnd nachkomen kunge zu Beheim aller solicher vorgn~anten~
schuld quidt vnd ledig mit disem brieue vnd globe by meinen guten trewen das ich vnd meine erben furbass kein
zuspruch mer haben wil noch sol vmb soliche schulde aussgenomen den brief den ich hab vmb die egen~anten~ dreitausent
guldin vnd was ich ander brieue daruber hab die sol ich sinen gnaden vbergeben vnd was ich der nicht vbergebe
vnd sullich darnach furbract wurden die sollen weder craft noch macht haben Vnd wann ich die zeit das dis briefs
mein aigen sigel nicht by mir gehabt hab darumb hab ich die Edeln Graf hansen von luppffen des heiligen Richs
hofrichter vnd houptmarschalk von Bappenheim das sy zu vrkund diser sachen Iree sigel an disen brief an mein
stat haben gehangen In vnd Iren erben on schaden Geben zu Regenspurg Nach Cristi geburt virczehenhundert vnd
in dem tzwayundtzweintzigisten Iaren des fritags nach sant Remigy tag