Wir Sigmund von gotis gnaden Romischer keiser zu allengiten Merer des Richs vnd zu Hungern zu Behem Dalmacien Croacien (et)c(etera) kunig Bekennen vnd tun kunt offen
bar mit disem brieff allen den die In sehen oder horen lesen Wann vns die Burgermeister Rat vnd Burgere vnser Stat zu Luban vnsere lieben getruen durch Ire botschafft diemuticlich
gebeten hant Das wir In vnd der Stat Luban alle vnd igliche Ire friheite gnad rechte gerichte lehen brieue hantuesten vnd gute gewonheit der sie bißher genossen haben vnd die
sie von vnsern vordern nemlich von dem Allerdurchluchtigisten fursten herren Carl Romischen keiser vnd kunig zu Behem vnd von vnserm lieben Bruder Wenczlawen ouch kunigen zu
Behem vnd andern Iren fursten vnd Marggraffen zu Brandenburg seliger gedechtniß vnd von vns vnd nemlich vber das gerichte vnd die vogty erworben vnd redlich herbracht haben zuuer
newen zubefestnen zubestetigen vnd zuconfirmiren gnediclich geruchten Des haben wir angesehen der vorgenan(ten) von Luban redlich vnd flissige bete vnd ouch betrachtit getrue willige vnd
anneme dienste die sie vns vnd der Cron zu Behem offt vnd dicke nutzlich vnd williclich erczegit vnd getan haben vnd vns vnd der selbigen Cron tun sollen vnd mugen in kunftigen zeiten vnd haben
darumb mit wolbedachtem mute gutem Rate vnser fursten Edeln vnd getruen vnd rechter wissen den vorgenan(ten) Ratmanne vnd Burgern gemenlich vnd der Stat Luban alle vnd igliche Ire fry
heite gnad recht gericht priuilegia briue hantuesten vnd gute gewonheit die sie von dem egenan(ten) vnserm lieben herren herren Carl Romischen keiser Wenczlawen vnserm Bruder vnd andern ku
nigen zu Behem vnd von andern Iren fursten vnd Marggraffen zu Brandenburg vnsern vorfaren guter gedechtniße vnd von vns erworben vnd redlich herbracht haben vnd nemlich vber das gericht
daselbst zu Luban das wir In vormals verlihen haben vnd die vogtey die sie inhaben daselbst in allen vnd iglichen Iren puncten formen artikeln vnd bedewtungen als die von worte zu worte lawten
vnd begriffen sind gnediclich vernewet befestnet bestetigit vnd confirmiret vernewen befestnen bestetigen vnd confirmiren In die ouch von Behemischer kuniglicher macht in krafft diß briefs vnd
meine vnd seczen vnd wollen das die in allen Iren puncten stucken artikeln vnd begriffungen creftig sein vnd bliben sollen gleicherweis als ob die alle vnd igliche von worte zu worte in disem
brieue begriffen vnd geschriben weren vnd das ouch sie daby bliben vnd der gebruchen vnd die vorgenan(te) vogty vnd gericht ouch inhaben halden besiczen vnd des ouch geniessen sollen vnd mugen
von allermenniclich vngehindert Vnd wir gebiten darumb allen vnd iglichen fursten geistlichen vnd werltlichen fryen herren Edeln Rittern knechten Amptluten houptmanne scheffen Burger
meistern Ratmannen vnd Gemenden vnd sust allen andern vnsern vnd der Cron zu Behem vndertanen vnd getruen ernstlich vnd vesticlich mit disem brieue das sie die obgenan(ten) von Luban an den
vorberurten Iren gnaden fryheiten rechten brieuen priuilegien hantuesten vnd altherkomen vnd dem gericht daselbst furbasmer nicht hindern noch irren sollen in deheineis Sunder sie der ge
ruclich vnd vngehindert gebruchen vnd geniessen lassen by behelamisse vnser vnd der Cron zu Behem hulden vnd by verliesung der pene in solichen vorgenan(ten) priuilegien vnd brieuen begriffen
Mit vrkund diß briefs versigelt mit vnser Maiestat Insigel Geben zu prage nach Cristi geburt vierczenhundert Iar vnd dornach in dem Sibenunddrissigisten Iare Am nechsten donerstag
nach sand Gregory tag Vnser Rüche des hungerischen in dem funfzigisten des Romischen in Sibenundzweinzigisten des Behemischen in Sibenczehend vnd des keisertums in dem vierd Iaren