Wir michel von gotis gedult Apt des closters Grysaw In dem Bisthum zu Breslaw gelegen Bekene offintlichen mit desim briffe allen den dy en sehen horen
adir lesin daz der Edele albrecht von coldicz hawptma der ffurstenthum Swednicz vnd Jawer vor vns hot vorbracht des alladurchluchtigsten fursten vnd h(er)r(e)n kunig
Siegemundis zu Behmen selig(er) gedechtnis briff mit seyner Maiestat Ingesegil den selbin briff mit seynen Ingesegiln haben wir an Briff vnd Sigiln In allen seynen puncten
clauseln vnd artickeln vnvorbrochen vnd vnvorseert gesehen vnd von worte zu worten In sulchem lawte horen lesin als hy noch geschrebin fulget Wir Siegemund von
Gotis gnaden Romischer kunig zu allencziten Merer des Reichs vnd zu vngern zu Behem Dalmacien Croacien (et)c(etera) kunig Bekene vnd thun kunt offenbar mit desim
briff allen den die In sehen adir horen lesin daz wir mit dem Edelen albrechtin von coldicz vnserm camer meister Rate vnd hawptman vnser Sechs Stete zu Budissin
Gorlicz Sittaw lobaw lubaw vnd camencz vns liebin getrawen haben lassen abrechen vmb alle seyn schuld vnd schaden die Er auff vns meynet zu haben Nemlich vmb
seyne schaden die Er vnd die seynen zu Brvx vnd zu Belen bayde in slossen vnd Im felde entphangen haben vnd vmb alle seyn sorgele die wir ym bys her vor halden
haben vnd vmb Sechs hundirt schok die wir obir hns genome vnd die Burger zu leuthmericz dorvmb ledig gelassin habin Awssgenome Eylfftausent vnd Eylfhund(ir)t
schok grosschen die Er awf den clostern postelburg vnd ossek gehabt hat vnd die awr kauff luten vor schrebin haben die selbin zinsse solen wir Im andirswo vorweysin
adir awff den egnan clostern widir ledig machen daz wir Im vnd seyne erbin vmb dy vorg(enante) sume alle vnd ygliche schuldig seyn vnd bezalen sollen Eylfftausent
vnd Eylbenczig guter vngerisscher Ecter gulden vnd wenne vns der vorg(enante) albrecht von coldicz getrwlich williclich vnd mit grosser arbeyt allezeit redelich gedynet
hot vnd noch furbass dynen mag vnd sal als wir daz wol von Im befunden haben daz er von den keczern vor trebin vnd gentzlich vordorbin ist vnd daz er
seynes geldis von vns dester sicher sey dorvmb mit wolbedochtem mute gutem Rate vnd rechter wissen habin wir dem vorgenant(en) albrechtin vnd seynen erbin die vor
gen(anten) Eylfftausent vnd Eylbenczig vngerisscher guter Ecter gulden awf allen an fellen vnd zu fellen die vns In vnserm land zur Sweydnicz vnd Jawer vnd awch In den
Sechs Steten vnd landen zu Budissin Gorlicz zittaw lobaw lubaw vnd camencz do her vnser hawptma vnd vogt ist ledig werden In welicher masse die an vns
komen vnd gevallen wadin mit allen nutzen vnd renten gnedelich vor weyset vnd vor schrebin vor weysin vnd vor schrebin Im dy von kuniglicher macht zu
Behem In crafft des briffs also daz der vorgenante albrecht vnd sine erbin vnd hannos sein vetter alle anfelle vnd zu felle die vns In der vorgenanten hawpt
manchafft vnd vogtey von lehn adir von wandel an fallen vnd zu sten werden furbass an vnser stat eyn nemen vnd awffheben vnd die redelich vorkewffen adir
vor kauffen solle vnd moge vnd daz er do mit getrulich an vns fare daz wir dor an nicht vorkurczet werdin mit krawalen vor swengunge der an felle adir zu felle
vnd was er selbs do von In vorgeschrebener masse habin vnd eyn neme wirde daz sal er vns vnd vnsern erbin vnd noch komen kunigen zu Behem an de sume
der vorgenan(ten) Eylfftausent vnd Eylbenczig guter Ecter vngerisscher gulden abczichen vnd lossin ab geen Odir ap ym daz selbe gelt von den Ersamen dawid koczm
feld vnd Johan balbrecht vnsern liebin getruwen bezalt wirde als er In sigult briffe awch von In dor vmb hat von vnsern wegin dor an sal er awffhoren vnd wenne
der vorgen(ante) albrecht vnd seyne erbin also der vorgenan(ten) Eylfftausent vnd Eylbenczig Ecter guldene von den egnan(ten) zu fellen adir an fellen adir von den egnan(ten)
kauff luten bezalt werdin So sollen sy vns dy vorgen(anten) anfelle vnd zu felle vnd dy vorg(enanten) kauff lute ledig lossin vnd was sy von sulchen anfellen adir zu fellen
vnd awch von den kauff luten eyn nemen werden dorvmb sollen sy vns alleweg quitten vnd In quittanczin gebin z(ur) ork(unde) daz is gesche(he)n alles genande genczlich
vn(d) gescheyden Mit vrkund des briffs vor segilt mit vnser Maiestat Ingesegil Gegebin zu Skalicz nach crists geburth virczenhundirt Iar vnd dor noch In dem
funff vnd zibenczigsten Iare am Sampstag nach sinte Iudoci tag vnser Reich des vngerisschen (et)c(etera) In dem newnvnddreissigsten des Romisschen In Sechzende vnd
des Behemsschen In Sechzsten Iaren Zu worer bekentnusse habin wir vnser Ingesegel an dissin briff lossin hengen Gesche(he)n vnd gebin zur Sweydnicz
an d(er) mitwoch des obindis d(er) heyligen Iuncfrawen sinte Apolonie nach crist geburth virczenhundirt vnd dor nach In eyn vnd virczigsten Iaren