Wir Elizabeth von gots gnaden zu Hungern Dalmacien Croacien etc(etera) kunigynn fraw(e) vnd erbe des kunigreichs zu Behem(en) vnd des hertzogthumbs zu luczemb(ur)g vnd hertzogynn zu Osterreich etc(etera) bekennen
vnd thun kund offenbar mit disem briue allen den die jn sehen ad(e)r horen lesen Als der allerdurchleuchtigst furst vnser lieber h(er)re vnd gemahel kais(er) Albrecht Romisch(er) vnd zu Hung(er)n vnd Behem(en) etc(etera) kunig selig gedechtnisse vns
vor mit sampt jm durch sunderlicher lieb vnd zunaigunge willen die wir zu den hochgebornen fursten friderichen vnd wilhelmen gebrud(er)n hertzogen zu sachsen landgrauen jn doringen vnd marggrauen zu meissen vnsern
lieben swager vnd sone hetten vnd hab(e)n vnd auch das sie vns(er)n aigen sun vnd gemahel geneme dinst vnd behagelichkait bewiset hab(e)n dem egenanten vns(er)m lieben sone hertzog wilhelmen die hochgeborn furstynn vnser
liebe tochter jungkfraw(e) Anna zu der ee gegeben vnd vns zu eynander gesemmet hab(e)n Also ist seins dinstes begerunge gewest vnd hab(e)n mit vleisse daruff gedacht wie wir den egenanten vns(er)m sone vnd tochter mutlich
lieb furderunge vnd hulff beweisen mochten vnd als got wil zu eym merern vnd alsdann das vns(er) hertzogthum vnd land zu luczemb(ur)g von vnser vordern vnd eltern entsprossen vnd geborn seind an vns erblich komen
ist vnd vns rechtlich vnd naturlich zugehort Also hab(e)n wir angesehen sollich lieb vnd trew(e) die wir zu den egenanten vns(er)m sone vnd tochter hab(e)n vnd hab(e)n jn mit wolbedachtem mute vnd gutem rate vnser getrewen
vnd auch rechten wissen das egenant vnser hertzogthumb vnd die graueschafft chiny mit allen vnd jglichem herlickeiten landen eren freyheiten vesten vnd alden slossern stetten dorffern leuten zins(en) renten gulten
man(n)schafften lehen gaistlichen vnd weltlichen leuten holtz vnd velden wesen wassern mercken dorffern emptern zoln mauten gulten zinsen mungen gerichten straffen fellen eckern wisen welden puschen
bergwercken wildpanen vischen waissern apellen dorffern leutten vnd mit allen and(er)n sinen zugehorungen nichts ussgenomen wie man die mit sund(er)lich(e)n worten benennen mocht Als eyn recht erbe vnd fraw(e)
desselben lanndes gnediglich gegeben vnd sie damit erblich begabt bewt vnd begab(e)n sie auch jnkrafft disses briues Also das der egenant vnser lieber son hertzog wilhelm dasselb hertzogthumb vnd graueschafft
von der hochgeborn furstynn vnser lieben muhmen fraw(e)n elisabethen von gorlitz hertzogynn von beiern ad(e)r wer das sust jnnhate losen vnd an sich vnd die egenant vnser tochter brengen sal vnd mag nach
dem besttemsten als er mag vnd sullen alsdann vnser egenanter son vnd vnser tochter mitsampt jren leibserb(e)n die sie miteynander gewynnen dasselb hertzogthum vnd graueschafft mit allen jren zu
gehorungen als vor gemelt ist erblich vnd ewiglich hab(e)n halden gebruchen vnd besiczen von vns vnd allen vns(er)n tochter vnd erben vnngehindert vnd vngetrurt doch so hab(e)n wir vns das vorbehald(e)n
were sache das vns got durch sin hailig gnade eyns sones beriete gunnygen thun vnd derselbe vnser son das egenant lannd luczemb(ur)g vnd graueschafft mit jren zugehorungen vnd alle obgemeldte stucke eyn
empfahen lieben sone hertzog wilhelm vns(er) tochter ad(e)r jren erben losen vnd ledig machen wolt sollichs jm geldes darumb sie dann das land gantz ad(e)r entdeils enntlost vnd wissentlich geusset vnd an sich
gebracht hetten vnd sunst was sie des jren zu pesserung vnd bauw(e) notdorfft desselben lannd vnd lute ussgegeben vnd dargelegt hetten auch wissentlich getrewlich vnd vngeuerlich vnd wann wir vns(er)
vnser sone sollich geld vnd losung vnd darlegung jn bezalt hab(e)n so sullen sie ad(e)r jr erben vns sollichs lannde wider abtreten genzlich ane widerrede vnd jrrung(e) were aber sache das die egenanten vns(er)
sone vnd tochter baide von gots verhengnisse mit tode abgyngen vnd nicht leibserb(e)n die sie miteynander hetten hinder jn liessen ob got wende so sullen wir ad(e)r vnser ander tochter ad(e)r nechste erben
die wir hetten macht hab(e)n das egenant lannd luczemb(ur)g zulosen vnd wider an sich zubringen vmb das egn(an)t vns(er)s sones hertzog wilhelms erben die dasselb lannd dann nach jm jnnhab(e)n wurd(e)n vmb sollich
sum(m) darumb sie dann dasselb land an sich geloset vnd die sie dann auch daruff gelegt hetten jnmassen als vorgeschriben ist getlich ewig vnd vns(er) vnser erben auch gestatt wesen sal darjn das an sie erford(er)t
wirt vnd wir gebieten darumb allen vnd jglichem prelaten grauen barne(n) freyen rittern knechten stetten vnd gemeynden vnd den vnser egn(an)t hertzogthumbs zu luczemb(ur)g vnd graueschafft chiny
widmenen vnd getrewen ernstlich vnd vestiglich mit disem briue das sie die egn(an)ten vnser lieben sone vnd tocht(er) jren erben jn allen gehorsam sein vnd jn auch gewertig vnd gehorsam sein als
jr rechten herschafft jnmassen als obngeschriben stet vnd begriffen ist vnd thun darjn nicht anders wann so sie das gethan hab(e)n so sagen wir sie alle vnd jr jgliche aller pflicht der sie vns als jr
erbfraw(e)n schuldig sein gantz ledig vnd loss mit disem briue des zu vrkunde hab(e)n wir vnser jngesigell an diesen brieff hengen lassen der geb(e)n ist zu ofen nach crists gepurd tausend
vierhundert vnd jn dem newn vnd dreissigsten jare am mittwoch(e)n nach sannt thomas tage des heyligen zwelffbotten
p(er) d(omi)na(m)
d(omi)na(m) Regina(m) etc(etera)
Wir friderich von gots gnaden Romischer kunig zu allenczeiten merer des richs hertzog zu Osterreich zu steyr zu kernden vnd zu krain graue zu tyroll etc(etera) bekennen das vns die hochgebornen friderich
vnd wilhelm gebruder hertzogen zu sachsen lanndgrauen jndoringen vnd marggrauen zu meissen vnser lieben swager fursten vnd furste jnre jre trefflichen rete vnd sendbotten mit vleisse ditten haben lassen das
wir jn als eyn romischer kunig vnd darumb vnsers lieben vettern kunig lasslaubs den wir jnhaben eynen brieff jn von der durchluchtigsten furstynn fraw(e)n elizabethen kunigynn zu hung(er)n vnd beheim etc(etera) zu
Osterreich etc(etera) vnser lieben muhmen uber das lannd vnd hertzogthumb luczemb(ur)g vnd graueschafft zu chiny gegeben confirmirten vnd confirmirten gnediglich geruchten vnd lautt der briue von worte zu
wort als hernachgeschriben stet Wir elizabeth von gots gnaden zu hung(er)n dalmacien croacien etc(etera) kunigynn fraw(e) vnd tochter erbe des kunigreichs zu beheim(en) vnd des hertzogthumbs zu luczemb(ur)g vnd hertzogynn
zu Osterreich etc(etera) bekennen vnd thun kund offenbar mit disem briue allen den die jn sehen ad(e)r horen lesen als der allerdurchluchtigst furst vnser lieber h(er)re vnd gemahel etc(etera) usque des zu vrkund hab(e)n wir vnser
jngesigell an diesen brieff hengen lassen der geb(e)n ist zu ofen nach crists gepurd tausend vierhundert vnd jn dem newn vnd dreissigsten jare am mittwoch(e)n nach sannt thomas tage des heyligen zwelffbotten
so hab(e)n wir angesehen der benanten vns(er) lieben swager vleissig bete auch sollich lieb vnd freuntschafft so wir sunderlich zu jn hab(e)n vnd hab(e)n darumb mit wolbedachtem mute gutem rate vnd rechten
wissen als eyn romischer kunig vnd darumb des benant vnsers lieben vettern kunig lasslaubs den wir jnhaben vnser an(n)emen briue jn allen vnd jglichem sinen puncten artickeln begriffungen vnd maynungen
gnediclichen bestetigt vnd confirmirt bestetigen vnd confirmiren den auch wissentlich das wir dran bestetten sullen vnd mogen jnkrafft des briues vnd meynen seczen vnd wellen das die benanten vnser lieben
swager sollichs briues gebruchen vnd geniessen sullen an allen ennden von allermenniglich vngehindert darumb so gebieten wir allen vnd jglichem fursten gaistlichen vnd weltlichen grauen freyen h(er)ren
rittern vnd knechten burg(er)n maistern raten vnd gemeynden sunderlich allen vnd jglichem jnwonern vnd vndertanen der egenanten hertzogthumb vnd graueschafft vnd sunst allen and(er)n vns(er)n vnd des
heiligen richs vndertanen vnd getrewen jn welchem stam(m)e ad(e)r wesen die sind ernstlich vnd vestiglich mit disem briue das sie die obgenanten vnser swager die die benante vnser muhmen jnhab(e)n vnd
dis vnser bestetnige getrewlich vnd vngeuert bliben lassen als lieb eynem jglichem sey vnser vnd des heiligen richs swere vngnade zuu(er)meiden mit vrkund dises briues versigelt mit vns(er)m kuniglichen
anhangendem jngesigell Geben zu wyenn nach crists gepurde vierzehenhundert jare vnd darnach jn dem aym vnd viertzigsten jare an montag vor sand erasmus tage vns(er)s reichs jm and(er)n jare
Wir elizabeth von gots gnaden zu hung(er)n dalmacien croacien etc(etera) kunigynn fraw(e) vnd erbe des kunigreichs zu beheim(en) hertzogynn zu luczemb(ur)g vnd zu Osterreich etc(etera) empiten allen vnd jglichem prelaten grauen
freye(n) h(er)ren rittern knechten stetten vnd gemeynden der drey stat des hertzogthumbs zu luczemb(ur)g vns(er)n lieben getrewen vns(er)n gantzlichen grus vnd meynung alles guten erwirdigen edeln strengen weisen vnd lieben
getrewen wir hab(e)n gut vnd(er)wisung gehab(e)t wie vnser lieber h(er)re vnd vater keiser sigemund auch vnser lieber h(er)re vnd gemahel kunig albrecht baide seliger gedechtnisse vil muhe vnd arbait gehab(e)t hab(e)n
damit sie das wirdig lannd luczemb(ur)g daruss wir alle komen vnd entsprossen sind zu jrn breng(e)n vnd zu gutem nutz vnd frid breng(e)n mochten das ab(e)r leider durch jren dotzlichen abgang ist v(er)hindert wurd(e)n
wie sein wir desgleichen nicht meyn(e)n genaigt dasselb lannd das vns sunderlich vnd billich lieb ist jn eyn guten stand zubringen vnd die vns vnd vns(er)m stam(m)e vnd geslecht zubehalden vnd hab(e)n vnser
ander wegen eynen weg fur vns genomen jn den hochgebornen fursten wilhelm hertzogen zu sachsen lanndgrauen jndoringen vnd marggrauen zu meissen vns(er)n lieben sone dem wir dann vnser
liebe tochter fraw(e) Anna zu eyn gemaheln gegeb(e)n hab(e)n das eyn hoffen das sollich weg nutz vnd vns vnd allen wol fuglich jn vns(er)n darumb er dann sin erbe botschafft zu uch thun vnd uch
vnser vnd sin maynunge vnd furmenunge zuerkennen geben wirt bewt bitten vnd ermanen wir uch mit vleisse getrewlich vnd ernstlich das jr demselben vns(er)m sone ad(e)r sinen rethen jn jren werbungen
gantzen glouben miteilet vnd darzu helffet vnd rathet getrew vnser lieben muhmen von beiern vnd die des notdorfft ist damit die sach(e) eynen furgang gewynne hoffen wir das das dem gantzen lannde vnd
uch allen gar nutzlich vnd trostlich sin sal vnd wir wellen das jn sunder gnaden gen uch erkennen wann was der egenant vnser lieber sone hertzog wilhelm ad(e)r sine rethe also mit uch reden ad(e)r end(e)n w(er)d(e)n
werden das ist vnser gantzer wille vnd maynunge Geb(e)n zu ofen am mittwoch(e)n nach sannt thomas tage des heiligen zwelffbotten
Wir elizabeth von gots gnaden zu hung(er)n dalmacien croacien etc(etera) kunigynn fraw(e) vnd erbe des kunigreichs zu beheim(en) hertzogynn zu luczemb(ur)g vnd zu Osterreich empiten allen vnd jglichem prelaten
grauen barne(n) freyen h(er)ren rittern knechten stetten vnd gemeynden vns(er)s hertzogthumbs zu luczemb(ur)g vnd der graueschafft zu chiny vns(er)n lieben getrewen vnser gnad vnd alles gut erwirdigen edeln
strengen weisen vnd lieben getrewen wir hab(e)n angesehen den wirdigen stame vns(er)s geslechts der uss dem huse von luczemb(ur)g entsprungen ist vnd auch sollichen vnfad der leider jn dem lannde daselbs lang
geweret hat vnd jnbesorgen ist wo das nit vnderstanden wurde das dasselb lannd mocht von dem rechten stame jnfremde hannd komen vnd darumb so hab(e)n wir dasselb lannd dem hochgeborn fursten wilhelm
hertzogen zu sachsen landgrauen jndoringen vnd marggrauen zu meissen vns(er)m lieben sone vnd der edeln furstynn fraw(e) Anna vnser eldisten tochter die des stames von luczemburg ist vnd des wir jm
gegeben vnd getruwen zu eged das wir uch vnd das lannd damit v(er)berlich v(er)sorgt hab(e)n vnd darumb so gebieten wir uch allen vnd jglichem ernstlich vnd vestiglich mit disem briue das jr die egenanten vnser
lieben son vnd tochter vffnemen jn hulden globen vnd swern vnd jn auch gewertig vnd gehorsam sin sollet als uwer rechten hierschafft jnmassen als vns(er) briue lauten vnd thut dar jn nichts anders wann
so jr das gethan habt so sagen wir uch alle vnd uwer jgliche aller pflicht die jr vns als uwer erbfraw(e)n schuldig seit gantz ledig vnd loss mit disem briue der geb(e)n ist zu ofen nach crists gepurd tausend
vierhundert vnd jn dem newn vnd dreissigsten jare am mittwoch(e)n nach sannt thomas tage des heyligen zwelffbotten
Wir derolt abt zu jmgenal heddige lange derland caspar kornig schulmaister jodoc(us) marcator(is) borger vnser lieben fraw(e)n stiffs kirchen zu breda albrecht welner vnd lorentz hildegund kaufmaister
claus bornheim vnd hannig wolleber kaufman von hirte der stat daselbs zu breda von derselben stat wegn darzu gehaischen alle mennisch(e)n dises briues bekennen eyntrechtig vnd offinlich das wir die
rechten houptbriue ludigantz gesunt vnuerzert nach an keynen stucken v(er)dachtug mit rechtlichen warhafftigen anhangenden vnd vffgedruckten vnuerzerten jnsigeln v(er)sigelt haben gesehen gelesen vnd
horen lesen die von worten zu worten jnhalden als diese obgeschriben abschrifte uss wisen vnsentlich das wir ab(e)r vnd schriben wir derolt abt jodoc(us) dekan caspar schulmaister jodoc(us)
borger vff vnser ampt er(e) eide vnd lorentz welner vnd lorentz kaufmaister vnd kaufman obgenant vff die eyde die wir vns(er)n gnedigen h(er)ren erben gethan hab(e)n ane alle argelist vnd hab(e)n
des zu bekentnisse vnser eygne jnhanne capitels vnd stat breda jnsigell mit gut wissen alle der and(er)n mit darzu gehorende hieran thun hangen datum zu breda octaua die mensis
junij anno domini millesimo quadringentesimo quadragesimo tercio