Ich Jhenneth von Roßenberg der furstenthumb Breßlaw Swidnicz vnd Jawr hawptman Vort des landes der Statte Steer Bekennen vnd tun kunt offenbar mit disem brieff allen den die In sehen oder horen lesen Das wir auß heis mitwissen rathß nach dem achten tag des obristen mit disen nachgeschriben beysiczen vnd retei
hern von beuelhnuß wegen vnsers Allerdurchleuchtigisten fursten vnd herren hern laßlawen zu hungern zu Behem Dalmacien Croacien (et)c(etera) kunig zu Breßlaw In der vorgenanten vnsers gnedigen herren hofe in der vntern grossen stuben zu gerichte gesessen sein von solicher hernachgeschriben sach wegen als hemlich gemeldet wirt
Da komen fur vns in gerichte der Edel wolsmechtige her Jiriß von Cunstat herre zu podiebrat Gubernator vnd hofmaister des kunigreichs zu Behem vnd her ptaczey von Pirkemstain des kunigreichs zu Behem Canczler Anwalde vnd volmechtige machthaber durch den genanten vnsern gnedigisten herren den kunig zu diser nachgeschriben sachen be
schiden weliche Irer gewalte sie alspald fur gerichte vrbart genug furprachten vnd begerten In durch vns ein recht vnd ein furkungen zuauszunemen mitnamen den Rathsboten des Ersamen Raths der Stat Lignicz der aldo vergewaltigt vnd der sich anclaget in gerichte als recht vnd gewonlich ist vnd daruff daruff fur geacht
ein ladung vnd furkayserlich vnsers gnedigen herren obgenanten von wort zu worten also lautende Wir laßlaw von gotes gnaden zu hungern zu Behem Dalmacien Croacien (et)c(etera) kunig herczog zu osterreich vnd marggraue zu merhern (et)c(etera) Entbieten den Burgermeister Rete vnd ganczen rath Stat lignicz vnser gnad Edel (et)c(etera) vns vnd
vnsers Cronen zu Behem getruwen liebn vnd getruwen auch vnsers vnd vnsers Cronen hawptman in vnsern vnd der genanten vnsers Cron stette vnd namen auffgenomen vnd ewer pflichte nach furstlichus erkant habt dadurch wir ewer vnd ewer Stat lignicz getruwe vnd besiczt als wol billich ist begriffen haben vnd darumb so die obge
nanten hawptman außgetretten vnser vnsers besiczs vnd getruwe vnder entwert habt wider alle pillikeit mit mancherley freuel vnd gewalt darunter ergangen begern vnd vordern wir an euch das Ir vns vnser besiczs vnd getruwe wider gebet vnd vndergebet als von den wir solichs nemlich gehabt haben vns auch vns vnsers Cronen vmb
vber faren widerwertig kunig fur vnd machet des hierzwischen vns mangelt nach dem heiligen Cristag schirstkunfftig daczwischen wir vns allhie in das demuticlich vnd gehorsamlich suchen werdet auch gnade finden lassen wollen wo aber das nicht geschehe so verkunden wir euch das recht straffen werden vnd laden euch auff den
selben erictag schirst nach dem heiligen Cristag kunfftig in das Ir alsdann erscheinet volmechticlich vor vns allhie zu breßlaw da wir zu siczin haben vnd auch alsdann vnsern kuniglichen hofe haben vnd halden wollen vns vns alsdann vor vnsers Raten pflegt vnd bit wes Ir vns durch recht vnd pillikeit zutun pflichtig werdet vnd die obge
schriben zu sehen nemen vnd beschaiden von euch als ein verhorlich vnd entlich zu In den obgeschriben sachen nach dem Ir euch selbs auch zu recht achten habt vnd darumb so komet oder nicht so wollen wir doch auf solich obgenante zu dem rechten seinen gangk lassen zu solichen rechten vnd auch zu gutlicher endung wir euch allen vnd yeglichn
vnd allen ewern machthabern vnd wen Ir mit euch zu notturfft solichs rechten oder gutlicher leidung pringet geben wir vnsers Raths stat freyes sicher gelait her zu vns an vnsern hof vnd zu solichen sachen zekomen hie zusin vnd fridlich hinwider zu zihen vnd widerkeren Inmassen vnsers an sein genan vor allermeniclichen vns alles geuerde
mit vnsers Insigels versigelt mit vnserm kuniglichen aufgedruckten Insigel Geben zu Breßlaw am Sampstag nach Sant lucien tag Anno domini (et)c(etera) liiij(to) (et)c(etera) Nach der furgeschriben (et)c(etera) In dem funffczehenden (et)c(etera) Vnd des Behemischen im andern Jare Vnd rede darauff wie dieselben von lignicz vnsern gnedign
herren obgenanten vnd die Cron zu Behem spottlichlich gehohn vnd geschendet Irer Raten warn auch des genanten vnsers herren hawptlewt angetast verjagt vnd derer in hafft solicher haldung auffgenomen auch In mit kuniglichen gulten renten dinsten vnd aller zugehorung gewalticlich stettet Inmassen das Jar gult von dem Varkauff des mutes von der far
kamern vnd renten vnd fellen von der schroteren zollen mulen vnd aller ander uberkeit herrlichkeit vnd gewaltikeit solichen besiczs an der Statt lignicz vnd aller zugehorung wie oben benant ist besiczs vnsers gnedigen herren gewalticlich besessen vnd bedracht hette durch sich sein anwalt vnd diener wie oben benant ist biß an sant Johans tag
baptisten nechstvergangen auf welichen tag Sant Johans tag Baptisten des Jars Die genanten von lignicz solich vort Amptlewt vnd diener vnsers gnedigen herren des kunigs uberfallen außgetriben den ordentlichen gesiczten Rete entsetzet etliche gemordet vnd dornach den Raten lewthnen genant herren als mitnamen dem Czirwas dem
Neler vnd dornach dem alden Stauffsnyder Burgermeister vnd ander vil mer vnsicz vnd abelait begangen wider solich ir glubd eyd vnd erbludung also oben gemelt ist dadurch Sy vnsers gnedigisten herren swere geneyge vnd besiczs entsetzet vnd seiner maiestat vnd der Cron zu Behem smache vnd schaden swerlichen gefuget haben vnd begert
darumb an die genanten von lignicz vnsern herren den kunig vnd der Cronen zu Behem solichen besiczs vnd was sich in desselbigen nennkeit oder dornach biß diser endung verlauffen hette alles wider zu zeugen vnd zu widerbringen vnd in den stat vnd wesen zu seczen als es vor gestanden were ee dann solich newkeit ergangen was mit in
derlegung des gefugten schadens den Sy vmbziten auff Sechczigtausent gulden vnd in erblegung der straff die Sy vmbziten auff andere sechczigtausent gulden Rete vnd beheltenuß ein pflicht an seiner stat da denselben abelaiter vnd den begangen morde vnd abelait zu stalt oder hawt zuschreiben vnd zu klagen vermenten wann
der genante vnser gnedigister herre durch solich sein selig nicht weyter zu diser zeiten straffen wolde dann zu der Statt lignicz als hie oben in der anspruch vermeldet ist vnd sich nymandes in sonderheit sein klag benennet der fur sich selbs vmb solich geschicht vnd abelait an seinem gehorsam vnd gesiczten freunden geschehen oder
durch anderley sach durch welich er ferner zu den abelaitern zu klagen vermenten vnd vordern darauff ob hetten nu vnsers gnedigen herren des kunigs klag fur vns habende außsprache oder vrteil von den genanten von lignicz wassen der die klag verantwurten wolt so behalden Sy vnserm gnedigen herren sein gezeugnuß ab aber
nymant das verantwurten wurd so hoffen Sy In solt durch recht erkant wurden das Sy an stat vnsers gnedigen herren des kunigs ir recht behabt vnd gewunnen hetten zustund hernach erschinen fur vns die Vessen Caspar Buntzeln Rete zedlicz Riter Vincentz Ratsch vnd ander mer die sich nennten anwalde vnd volmech
tige procuratores frawen hedwigen herczoginne in der Slesien vnd herczog fridrichs Ires Sones vnd prachten doch keinen gwalt fur vns sunder Sy redten durch des Vessen Riter hern wilhalm Zynzendorffer ein soliche meynung wie solich klag nicht allain die von lignicz vmb ir verwerckung zu straffen sunder auch das eygen
tumb vnd besiczs der ganczen Stat lignicz berurte die derselben frawen als ein erben Irer muter frawen Elizabethen herczogin von Brieg seliger vnd irem Sone obgenanten als recht irteillich vnd anhestlich vnd veterlich erb were des alles Sy sich erbten fur vns vnd vnsers beysiczern vnd rathleuten veterlich vnd fullig in
Zewickung zu geben vnd meldten darauff wie die genant fraw hedwig herczogin vnd herczog fridrich obgenant derselben Stat lignicz leiplich vnd rechtlich besiczer weren suder abgangnuß Irer eltern vnd die noch also besessen vnd auch ire rathleuten fur keinen Richter nye abtrewnden weren vermenten darumb das wir vnd
die genanten vnsers beysiczer vnd rathleut vber solich obgemelt klag nicht zuerkennen hetten sunder ab vnser gnedigister herre der kunig obgenanten von den genanten von lignicz klag zu haben vermente darumb wolde die genant fraw hedwig vnd Ir Son herczog fridrich seiner maiestat von In außtraglichs rechten helffen
vnd widerfaren lassen oder In vnd iren Reten vnd mannen vnd meldten darbey wie solich klag vnsers herren des kunigs die herrlichkeit vnd eygenthumb der Stat lignicz anrurte vnd darumb wolde sein kuniglich gnad furnemen oder vernemen das die Statt lignicz sein were oder sein wurden der Cronen zugehorte
das welden Sy Ime ferner gnaden zu verhelten außgeczt hiuen fur die fursten in der Slesien die solichs furstlichen lehens vnd prefen gemeß weren nach außweisung der furstlichen freyheit solicher furstenthumb nach alter loblicher gewonheit vnd herkomen der sachen darauff die anwalt vnsers herren des kunigs durch den
gemelten hern Jiriß von podiebrat widerredten wiewol solich vnsers obgemelte einrede außzuhalden des gerichtes vnd nicht durch angebrachten redner oder auch nicht mit gwalt fur den gerichte furgepracht wurden were geacht vnd eracht worden was darumb auch nicht not iczt einrede zu verantwurten verment darauff zutun disem
der auch anzeiget das nach vmbzilt der obgemelten ladung diser rathleuter tag nicht frawen der zwuschen vnserm gnedigen herren obgemelten als einem klager vnd den von lignicz als antwurtern beschaiden geseczt vnd gehalden wurde redet auch das der nymant in seinem gemut daruß solich einrede bewegen wurden mochte oder
Sy meldten das vnsers gnedigen herren obgemelten anspruch vnd klage nicht ferner rurte wann vmb den besicz gehorsam vnd gewaltigkeit durch die von lignicz abgetan vnd verbrochen vnd vmb freuel vnd smache vnd ander abelait durch Sy gefuget vnd nicht vmb den eigenthumb der Stat lignicz wann Sy denselben zu diser
zeiten in kein zweifel seczen Sunder Sy hielten sich des besiczs die oben berurt ist hofften vnd trawten In solchs darumb an stat vnsers gnedigen herren des kunigs pillich recht widerfaren ane hindernuß der obgemelten einrede vnd fast allermeniclichs wann nach dem die von lignicz vnsern herren dem kunig erblicher huldung
glubd eyd vnd pflicht die Sy Ime In iren sendbrieffen die vor vns gelesen wurden vnd bekanten vnd auch daselbs in gegenwertigkeit vnsers herren obgenant meniclich erkant hetten In bewysen seiner Rete die in grosser zal der vns in gerichte sassen ee sich durch recht erkant wurden was recht solich abelaitung morde
vnd erde enderung getan hetten das das alles wider in solichen stat vnd wesen bracht werden solde als es diser gewesn wer mit sampt der kunig wandel vnd straff vmb Ir abelait als vor gemeldet ist vnd begert darauff des rechten zu fragen das wir also teten also ward mit einmutiger styme erkant das die von lig
nicz zu diseren maln nacheinander geruffen vnd gefordert werden solten mit lauter styme vnd offner thur keme dann Sy oder yemant von iren wegen Sy zuverantwurten so solt geschehen was recht were also wurden Sy geruffen vnd erfordert in obgeschribner masse (et)c(etera) da nymant erscheine paten In die Anwalde vnsers
gnedigen herren des kunigs zu fragen Vnd desmals nymant erscheine was Sy dann furder warten solten ward erkant mit einmutig styme Sy solten harren der weile das gerichte siczt ab noch ymant erscheinen wolde so geschehe dornach was recht were vnd auch das ward daselbs geurth das mal auffgehaben vnd
vrteil geseczt erlengert vnd erstreckt auff den nechstvolgenden dinstag zu furstlichen Raten in allermasse als es auff mitwochen gesessen was yederman vnschedlichen an seinen rechten Der diser vrteil sein gesessen vnd haben einmuticlich gesprochen der Edel vnd wolgeborn her Wlasko von Sternberg herre zu Creyzburg
obrister Burgraff zu prag her Jindrich von der leype hofmarschalk des kunigreichs zu Behem her Jindrich herre zu Riesenburg her hanne von Coldicz her Jan zaymacz von Cunstat her Jirik von wlasym her Wlasko trcziger von lytomy her Jindrich herre zu Seta her Wenczlaw herre zu Biberstain her peykal
von Czenow her Jindrich frawenberg Behusius beseczeder slosser zutrnaw Das zu vrkund haben wir obgenanter hawptman vnser Insigel an disen brieff gehangen In beysein vnsers Raths mit willen etzlicher fursten auch vmb ander entfelliger notturfft willen geschehen biß auff dinstag nach sant
pauls tag verkerung auff denselben tag sassen wir obgenanter hanusch von Roßenberg hawptman der furstenthumb Breßlaw mit disen hernachgeschriben beysiczern vnd vrteilsprechern in obgeschribner masse In gerichte also komen fur vns die obgemelten Anwalde vnsers gnedigen herren des kunigs vnd begerten durch
Iren obgemelten furbringer vnd redner In das recht zu offnen wie vor vns mit vrteilen gesprochen vnd vrteilen zu recht erkant bedacht hetten also ward durch einmutige styme erkant vnd in schlossen ein vrteil in dewtzscher vnd Behemischer zungen gescriben das dann paide dewtzsch vnd Behemisch horen vnd vrteilen ein
muticlich erkanten In eym laute vnd lautet also in dewtzsch Nach dem die von lignicz vnsers gnedigen herren des kunigs gehuldt gelubt vnd gesworene vnderdan sein darauff seinen amptleuten Rete vnd dienern ime aller maynung vnd herrlichkeit gewalt vnd dornach auff Sant Johans tag baptisten nechstvergangen
Amptlewt vnd diener außgetriben gemort vnd gerawbt vnd ander mer abelait getan haben vnd dornach als Sy darumb In ordigliche sein vnsern herren obgenant gepeinigt In darumb verhorlich beschaiden vnd ane erkantnuß nicht zu straffen die dann also auff he begert vnd zu emtlichen rechten furbeschaiden ist
vnd gesehen haben die sach handlen vnd das das gericht verachtet haben Sprechen wir zu recht eintrechiclich all das vnsers gnedigen herren der kunig Sy mag straffen darumb das Sy vber Ir erbludung eyd vnd gelubde die Sy Ime gnaden erblich getan haben seiner gnaden Amptlewt vnd diener auß
getriben gemort vnd gerawbt haben wie seinen gnaden des bedunken wirt nach derselben verwerckung vnd verschuldung Vmb den schaden des gelts die vor dem gerichte gesaczt ist darumb sprechen wir iczunt nichts Toto Czehmiss also Jako ti zlihnicz gsu nasseho milostiweho pana krale
holdowny przisazny poddany audela geho milosti wrzednikom raddam a sluzebnikom swu fsemu przistup a panstwu posslusni byli a potom na swateho Jana krzitele minuleho tyz wrzedniky a sluzebniky geho wyhnali zamordowali oblupili a ginak zlych wztukow wicze vczinili potom kdyz su oto kgeho poslanem pana nasseho
swrchudotceneho prissli aby se prziim kossliwnie powoleni byli a bez seznanie gich netrestowati to su ztie wole gich zdegsi shromazdeni prawu zamitliti a k widieli tec wietz siliak a vkazali prawu zanedbali gsu wyrzekame za prawo gednostawnie wsickny ze nass milostiwy pan kral muoz ge kazati a ztrestowati
k proto ze su prziess gich holdowanye diediczne przisahu a wieru ktere geho milosti vczinili su wrzedniky a sluzebniky geho milosti wyhnali zamordowali a oblupili kakz geho milosti bude zdati podle toho prowinienie nez o sskodu peniezitu kteraz przed sudem gest zolozena o tec my nynie tuto nicz newyrzekame
Der dis vrteil sein gewesen her Wlasko von Sternberg obrister Burgraff zu prag her Jindrich von der leippen hofmarschalk des kunigreichs zu Behem her Jindrich von Riesenburg her hanne von Coldicz her Jan von Cunstat zaymacz genant her dietrich von Janowicz vnd von Chlumb her Buhuslaw von Swam
berg her Jirik von wlassym her Wlasko trcziger von lytomy her Jindrich von kolowrat her hanusch herre zu Seta her wenczlaw von biberstain her Apel viczumb her dietrich frawenberg Behusius beseczeder slosser zutrnaw Das zu vrkund haben wir obgenanter hanusch herre zu Roßenberg hawptman
der furstenthumb Breßlaw Swidnicz Jawr (et)c(etera) Richter des Raths vnsers Insigel angehangen an disen brieff Der Geben ist zu Breßlaw am dinstag nach Sant pauls tag Conuersionis Nach Cristi geburt Vierzchenhundert vnd in funffundfunffczigisten Jar