Wyr vns raud and(er) Wir A B c d thun kunt vnd Bekenn(en) d(er) das wir
an gesehen hab(e)n das wir nach tode des all(er) durchlauchtigstin fursten
czu(m) kunig lass(e)n (et)c vns(er) gnedigen h(er)r(e)n vor weyst seint vnd dabey
Betracht(en) vns(er) furstenliche gerechtikeit vnd p(ri)uilegia w(er) wir dabey bleib(e)n
vnd do von nicht gedrungen wurd(e)n vnd daru(m)be mit gut(e)n rathe
(et)c so gethan hab(e)n wir vns vorschrib(e)n v(er)bund(e)n vnd v(er)eynt
Als vns all(e)n ad(er) e(in)ige ad(er) eyn(e)n vnd(er) vns ymandis wer der sey
geystlich ad(er) wertlich mit rechte ad(er) mit gewalt von solich(er) vns(er)
furstenlich(er) gerechtikeit f(re)iheit(e)n vnd p(ri)uilegi(e)n dreng(e)n vnd dringe(n)
wulde mit was wege(n) das im(m)er genum(e)n wurde bleib(e)n wir alle
endiglich eyn(e)r dem and(er)n mit vns(er)n furstenlich(e)n wort(e)n vnd gut(e)n
truw(e)n feste stete vnd vnvorruckt mit rathe vnd hulfe bey eynand(er)
steh(e)n vnd bleib(e)n nach all(e)m v(er)moge(n) vnd als wir ad(er) ymandis
vnd(er) vns mit gewalde wurde Angelangit dem glaub(e)n wir
all(e)r endiglich getruwlich festiglich helff(e)n mit leibe vnd mit gutte
vnd mit lande vnd lewt(e)n vnd an keyme nicht spar(e)n sich solich(er)
gewalde vnd gedrengis zu(e) schutt(e)n nach vns(er)m best(e)n v(er)moge(n)
vnd eyn(e)r sich durch den and(er)n wa do last vnd swer(e)n wer
nicht entzieh(e)n noch entzih(e)n sal yn keyn(er) weysse vnd das solche
v(er)eynunge daster vestig vnd festiglich gehald(e)n worde hab(e)n wir
gekor(e)n vnd vns irkelt zu eyn(e)m eltist(e)n der hochg(e)b(ornen) furst(e)n A (et)c
der vns zu drey mal yn dem jar besend(e)n sal vns eyn(e)n tag leg(e)n
key legung dem wir denne glob(e)n d(er)an gefellig sein vnd vff den
gelegt(e)n tag(e)n vns(er) furstenlich(e)n vorgen(ante) gerechtikeit zu v(er)hald(e)n
vnd als is noth worde sein so mag er tage leg(e)n vnd setz(e)n mehe
w(er) zu drey mal nach deme sach(e) nach geleg(e)nheit der sach(e)n forder(e)n
vnd gescheh(e)n worde darzu wir vns iglich(er) kom(m)e(n) woll(e)n vnd wen
wir durch dy hulfe gotis eyn(e)n recht(e)n kunig zu Behem(e)n hab(e)n
werd(e)n so sal des vns(er) ge setzunge vorschreibunge vnd v(er)
eyn(un)ge v(er)bas nicht krafft noch macht hab(e)n