Edler wolgeborner lib(er) h(er)re Al(s) ir vns offte ermanet habt kegin vns(er)m
konige trew vnd huldunge czu thun, Sien wir vns ir bekennend der wirdig(e)n
Cron czu Behmen ingelibte als ir das vmals vor offte in vns(er) antborten habt
vuomen, Vnd wann wir den(n) vnderricht seyn, das vns(er) allerheligst(er) vater der
Babist den gnan(ten) vns(er)n konig uff eynen benampten tag kyn a(n)and(er) geruff(en) hat
bitten wir euch mit flisse ir wolt(en) helff(en) das dise sach(en) bis uff den selb(e)n
tag vngebroch(en) bleib(en) ansehn(de) was d(er) selbist durch vns(er)n heiligsten vater
den Babist mit siner Catenunge wirt derkant Vnd wo wir durch seyne
helikeit vns nach ordenu(n)g der helig(e)n Romisch(e)n kirchen kegin im czu
halden vnderweist w(er)den, darvnn(e) wollen wir vns gehorsam(en) halden Wan(n)
wir ab(er) vns(er) treffliche botschaft an syne helikeit gesandt hab(en) der antb(or)t
wir vns teglich(en) vorseh(e)n als dy ir do gut willig vnderweist seyn sich
czuhalden Vnd czuczihen in allen dis(en) sach(en) das d(er) cristenheit e(r)lich vnd
recht ist