Jorg von gotes gnaden kunig zu
Behemen vnd marggraff zu merhern (etc)

Hochgebornne furstin Vns hat vnser lieber getrewer Bernhart Talkenberg ~Kanzler~
wie er etlich briue vnd Sigil von ewrm gemahel seliger gedechtniss, vnd ewch habe
Auch wie ym etlich zinse zu bayrn jm lande zugesprochen sein, Darumb begeren wir
an ewer liebe, mit ganzem vleisse, die wolle demselben Bernharten halden vn(d) pflegen
wes er briue vnd Sigel hat, vnd ym auch zu den gemelten zinsen hulff vnd furderlich
sein, domit er dy an sunder muhe vnd schaden zu seynen handen brenge, daran thut
vns ew(er) liebe sunder(n) wolgeuallen, Geben zu prage am mitwochen vor Thome
vnsers reichs jm and(er)n jar

p(er) d(omi)n(u)m
Regis