Jorgx von gots gnaden kunig zu
Behemen vnd Marggraue zu Merhern(n) (etc)
Lieben getrewenn. Wir haben Nulaus kunigshain auch vnnsern lieben getrewen muntlich
werbunge der Jrrungx halben, so die Hochgebornne hedwig herczogin In Slesien (etc)
vnser Mume vnd furstin yczund lezt bey vns gewesen gethan had, von vns ganczlich
vnderweyst an euch zuthune beuolhen, Dauon beuelhen wir euch mit ernstem
vleiss, demselben Nulas sulcher werbunge dismals gleuch vnssselbs zu glawbenn
vnd darjnn thun, das wir meynen billich geschee dran thut ir vnser besunder
geuallen vnd meynung. Geben zu prage Am Mitwoche nach der Eylfftausent
Juncfrawen tage Vnsers Reichs im dritten Jare
~p(er) d(omi)n(u)m~ Regem