Jorg von gots gnaden kung czu
Behem vnd marggraf czu merhern (et)c(etera)

Ho(ch)gebornne liebe mume, vns zweifelt nicht, ir habet noch in frisscher gedechtnisse,
wie wir euch von vnsers dinczs vnd lieben getrewen wegen sunderlichn czusprach
haben tun schreiben vnd selbste reden tun vernemen, wie das nu solh vnser rede
vnd schrifte bishar fruchtlosz gewesen sind, des wir nicht gemeynt hetten,
vnd wann nu der Eistunge krauss von krausspurg hamptman vns(er) Eranczschaft
Glacz vnd lieber getrewer eynen tag czwisschen euch vnd dem Eistungen Cristoffen
von dornheym vnserm lieben getrewen machen wirt, So haben wir dem selben
vnserm hamptman beuolhen, das er alsdann auch in den sachen, die der obgn(an)te vns(er)
diener czu euch vnd den ewern meynt, einhabn red vnd handel haben soll
euch der vnentphelden, dauon begeren wir an euch mit vleis, Ir wollet
euch nochmals in den sachen gen demselben vnserm d(ie)n(er) so gutwillig erweysen
damit er der eyn sunderlich ende erlange vnd vns mer darumb beschwerlich
nicht ersuchen durffe, daran tute ir vns angeneme geualln, des euch
in gut anerkennen. Geben czur kuttenberg am dinstag nach Jacobi vnsers
Reichs im funfften Jar.

ad m(anda)t(um)
Reg(is)