Wir Ernust von gotes gnaden Pfaltzgraue bey Rein Herczoge In Bairn vnd In der Obe(r)n Pfaltz Bekennen offennlich mit
dem brieue Als der durchleuchtigist furst vnnd herr herr Iorg kunig zw Behem Herczoge In der Slesien vnnd Lutzelburgk
Marggraue zw Merhern vnnd Lausitz (et)c Vnns durch sein kunigkliche hilff vnd beystannd trostlich geholffenn vnnd In
vnnser vaterlich erbe einbracht hat das wir seiner kunigklichen hobe dy weill wir leben diennsthaft sein sollen vnnd wellenn Hierumb
Inerczaigung vnd beweisung solicher danckperkeit gelobenn vnnd gereden wir In wider sein kunigkliche hobe vnnd das kunigkreich zu
Behem nymer(m)er zu sein noch zu thun dy weill er lebt noch gestatten zu thun wo wir das erwe(r)nn oder verhueten mugenn vmb nye
mandes wille(n)n Nichts vmb dhemeler gepurt gesellschafft oder verkunntnuss vonn welherley hannde stat wirdenn oder wesenn solichs gebot
aufgenomenn oder ganngenn weren ganntz nyemannt aussgenomenn Sunnder des genanten vnnsers liebenn herrenn vnnd swagers
kunig Iorgen vnnd seins kunigkreichs Ere vnnd nutze werben vnd furdern Nach vnnserm pesten vermugenn getreulich vnnd an
alles geuerde Vnnd auf das das solich vnnser verschreibung vnfalschlich(e)nn vnnd vnuerrucklich(e)nn gehalltenn werde sollenn
vnnd wellenn wir vnns zu vnnd mit seiner kunigklich(e)nn hobe verschreibenn Vnnd wider verschreibenn nemen zu tabellion(e)n oder
guettlich(e)nn anfang wie annder furstenn vngewerlich mit Im verschreibenn sein Nyemanndes darInn aussgenomenn vnuerzught vnd
an alle widerrede So palld wir des ermant werdenn Des zu ainer warn vrkund haben wir vnnser Innsigl an den brieue thun henngen
alles das zunollfuren Innhallt des briefs Gegeben ist an Montag vor vnnser lieben frawen tag der liechtmessenn Nach Cristi vnnsers
lieben herrenn gepurt Vierzchenhundert vnd darnach Im achtvndsechtzigistenn Iare

Per me(m) Ge(orgium)