Nos Mathias dei gracia Hungarie Bohemie Dalmacie Croacie Rame Seruie Gallicie
Lodomerie Cumanie Bulgarieq(ue) Rex necnon Slesie et lucemburgen(sis) Dux ac Morauie et lusacie Marchio Notum facimus tenore presencium significantes quibus expedit vniuersis Q(uo)d nos debita consideracione recolentes veterem illam beniuolenciam et amicicia(m) bonamq(ue)
vicinitatem que olim inter Hungarie et Bohemie Reges ac inter hec duo Regna Hungariam videlicet et Bohemiam summo Regum et prouincialium studio fuit inuicem et mutuo in alterutrum conseruata Volentesq(ue) pacatis iam rebus nostris cum Serenissimo Principe domino
Wladislao Rege Bohemie fratre nostro carissimo et firmata pace et amicicia perpetua veterem et auitam beniuolenciam et coniunccionem non solum inter nos sed et inter vtriusq(ue) nostrum Regna et inter subditos nostros renouare Ademptisq(ue) iampridem diuersis guerrarum
occasionibus Regnis hijs contiguis pacem et quietem in pristinum statum reuocare vt subditi vtriusq(ue) inuicem in bona pace tranquillitate et amicicia perfruantur et Regna nostra auitis eorundem incolas opibus eo magis suscipiant incrementum matura deliberacione prehabita
de consilio et voluntate prelatorum et Baronum Regni nostri hungarie cum prefato Serenissimo domino Wladislao Rege Bohemie et eius Consiliarijs Baronibus proceribus et prouincialibus personam et Comitatum tocius Regni Bohemie representantibus certam ligam
vnionem confederacionem et intelligenciam ad concordiam et bonam vicinitatem ac mutuam subditorum inuicem quietem et vtriusq(ue) Regni profectum perpetuamq(ue) pacem pertinentem iniuimus et hec duo Regna concordauimus modis et condicionibus infrascriptis Inprimis
Q(uo)d omnis odij et maliuolencie materia a fomite de medio penitus extirpetur et omnis dissensio differencia hostilitas et discrepancia que inter hec duo inclita Regna a eorum incolas quomodocunq(ue) hactenus exorta fuisset et agitata Amodo inantea sopita sit prorsus et extirpata
censeatur Vtiq(ue) deinceps vna pars alteram omni humanitate beniuolencia fraternitate et Amicicia prosequatur firmaq(ue) et stabilis concordia et bona vicinitas inter vtriusq(ue) Regni incolas perseueret Item Q(uo)d incole vnius Regni metas et terminos siue territoria et iura
Incolarum alterius Regni non occupent nec inuadant sed vnusquisq(ue) suis finibus et terminis contentus remaneat nec vlla racione alter alterius terras et iura quouis quesito colore sibi vsurpare vel vendicare debeat Item De eo stabilior Amicicia et quies ac bona vicinitas
inter vtriusq(ue) Regni incolas permaneat pro firmiori statu vtriusq(ue) Regni decretum est vt nullus omnino hominum cuiusuis status et condicionis existat ex vno Regno in aliud quibuscunq(ue) causis vijs modis et racionibus siue cum obligacione et inscriptione cuiuscunq(ue) siue
alio quouis quesito colore aut adinuencione quomodolibet excogitata hostilitates et inimicicias aut quelibet dampna et iniurias directe vel indirecte inferre vel irrogare debeat qui incolas alterius Regni ex alio Regno molestare Q(uo)d si quis inueniretur qui contra formam
prius intelligencie et vnionis de vno Regno in aliud Arma sumeret vel incolas alterius Regni ex altero turbare molestare aut quomodolibet impedire vel aliquid in offensam et iniuriam partis alterius attemptare presumeret statim et incontinenti Princeps illius partis
in qua talis offensor pacis appareret contra illum tanq(uam) hostem patrie et publice pacis violatorem cum suis Regnicolis insurgere tenebitur et eum tamdiu persequi donec ille penitus de illo Regno vbi talia attemptaret extirpetur et vniuersa talis turbatoris bona
et omnes hereditates tanq(uam) hostis publici confiscentur Ille vero de tali Regno expellatur et tanq(uam) infidelis patrie perpetuo de tali patria exul habeatur Item Si contingeret aliquem incolam vnius Regni quidpiam actionis vel questionis habere cum incola alterius Regni
propterea talis actor vel questor non debeat arma sumere vel aliquid via facti attemptare contra incolas alterius Regni sed actionem suam in eo Regno vbi ius aliquod contra aliquem se habere pretenderet Iure Regni illius cuius incola requirit per se vel suum
procuratorem legittimum prosequatur postuletq(ue) iusticiam a Iudicibus talis incole ordinarijs vel a principe Regni quorum Iudicio si contentus non fuerit poterit causam suam prouocare ad congregacionem Prelatorum et Baronum eius Regni tunc primo futuram
vbi talis questio absq(ue) vlteriori dilacione per eosdem dominos prelatos et Barones iuxta consuetudinem eius patrie in qua talis causa vertitur Iuridice finaliter decidetur Item de Mercatores vtriusq(ue) Regni ex vno in aliud simulcum rebus et mercibus liberum tutum
et securum habeant deinceps progressum Sintq(ue) prorsus ab omni periculo Rerum et personarum salui et immunes Similiter quiuis alterius condicionis homo libere de vno Regno in aliud cum opus foret accedere et recedere possit Mercatores autem vltra antiqua
et consueta vectigalia ad aliquam nouam et inonsuetam solucionem non cogantur Teneanturq(ue) vnus alterum in patria sua fouere et omni cum humanitate et beniuolencia pertractare et dampnum alterius toto posse precauere Cum vero aliquid actionis
vel questionis inter Mercatores oriri contingeret in ea patria vbi contractus alteri aliquo obnoxius residerit sine omni dilacione ex parte talis ad requisicionem actoris iusticia ministretur de eo condicio Mercis hincinde deserantur et Rerum copia ex vno Regno
in aliud transportetur Nos itaq(ue) Mathias Rex prefatus Cupientes sub amicicia et fraternitate mutua veterem illam beniuolenciam et bonam vicinitatem ac concordiam mutuam inter hec duo Regna et subditos neos diutina guerrarum occasione intermissam et
neglectam reformare Immo eam dei adiutorio ad profectum vtriusq(ue) Regni et tocius christianitatis vtilitatem ampliare ad obseruacionem omnium et singulorum in premissis Capitulis contentorum nos cum prefato Serenissimo Wladislao Rege et hec duo Regna hungaria
videlicet et bohemiam mutuo obligauimus Prelatisq(ue) et Baronibus Regni nostri Simulcum Baronibus prouincialibus et proceribus Regni Bohemie personam et Comitatum tocius Regni Bohemie representantib(us) inuicem obligauit Promitten(tes) in verbo nostro Regio et bona fide
nostra inedian(te) pro nobis et successoribus nostris Regibus ac Regno nostro hungarie quemadmodum ipi prelati et Barones pleno mandato tocius Regni nostri hungarie fulti promiserunt q(uo)d hec omnia et singula capitula premissa ad concordiam quietem et bonam
vicinitatem vtriusq(ue) Regni tam hungarie dicti q(uam) Bohemie pertinencia sinceriter et fraterne quoad omnes eorum continencias et clausulas sine omni dolo et fraude obseruabimus Successoresq(ue) nostri Reges ac Regnum hungarie obseruabunt In quorum omnium
robur et euidens testimonium prefato Wladislao Regi has litteras nostras sub appendenti Sigillo nostro dedimus et ab eo consimilis tenoris litteras suas sub appendenti ipsius Sigillo accepimus Datum in Ciuitate nostra Olomucen(si) Vigesimaprima die Mensis Iulij
Anno domini Millesimo Quadringentesimo Septuagesimo Nono Regnorum nostrorum Anno hungarie et(c) Vigesimo secundo Bohemie vero Vndecimo :

Et nos Georgius Electus et confirmatus Colocen(sis) Summus et Secretarius Cancellarius Regius Paulus de Zenthgyewrgh Iohannes Waradien(sis) Sigismundus Quinq(ue)ecclesien(sis) Albertus Wesprimien(sis) ecclesiarum ep(iscop)i Emericus de Zapolya
Comes perpetuus Scepusiensis laurencius de Wylak filius quondam Nicolai Regis bosne Sigismundus Comes de Posyn et de sancto Georgio Iohannes Banz de lak Thauarnicorum Emericus de paloc Agazonum Regalium Magistri
ladislaus egzeg de Gwth alter ladislaus de Maczal et Nicolaus de Zeeth prelati et Barones Regni hungar(ie) pleno et sufficienti mandato ceterorum dominorum Prelatorum et Baronum Regni prefati fratrum nostrorum fulti confederantes
intelligenciam vnionem et confederacionem prenotatam non solum prescriptis Serenissimis principibus et dominis n(ost)ris domino Mathie Regi hungarie bohemie ac d(omi)no Wladislao Bohemie Regi ad conseruandam amiciciam et fraternitatem
pacificam et perseueraturam decernentem ad bonam vicinitatem tranquillam statum et quietem bonum vtriusq(ue) Regni et eorum inuicem pertinere pro prefato Serenissimo d(omi)no nostro Rege et pro nobissipis ac ceteris fratribus nostris ipsiusq(ue)
Serenissimi d(omi)ni nostri Regis et ceterorum fratrum nostrorum heredibus et successoribus necnon pro toto Regno hungarie data fide promittimus q(uo)d hec omnia et singula superius annotata ipse Serenissimus d(omi)nus noster Rex suiq(ue) heredes et
successores Nosq(ue) cum ceteris fratribus nostris heredibus successoribus et postea nostris ac totum Regnum hungarie inuiolabiliter et inconcusse sine omni dolo et fraude obseruabimus et obseruabunt et facient per omnes quorum interest
obseruari In quorum omnium et singulorum fidem et testimonium Sigilla nostra penes Sigillum prefati Serenissimi domini nostri Mathie Regis appendi fecimus
Ad mandatum domini Regis