Was der Her Adam Gelber. e. an begreft
der stadt gemeiner Stadt Trautnau
eingenomen vnd vnrechtfertigkly
Erstens ein stück ackerss ym kawt zusampt ein stück
wiß vnd matzen hampeln lehenen mit irer
zugehörigk
Item ein stück ackerss vnd eine wiß ligt an peters
dorffer grentz wasser. vnd dacz mangels zu
beuen zugegeben vnd ym hußhafft gemagt
zu sein erbgrunden, vnd zuuor ir baun bawstet
aldo gemagt
Item ligt ein gut oberhalb dem dorff dingburg
das heist mit namen der dingstadt hat er auch
eingenomen mit sein zins ym ains hußhafft ge
magt. dauon wir gleicwol Euer kayser(lichen) Maiest(at)
czins oder stewer haben geben müssen
Item beym Johannes brun denselbigen brun aus einem
wald mit seinen roren vmb graben eingenomen
welchen wir alweg bey allen pfandsherrn haben
als das stück so obin anzeigt vor allermeniglich
ynnegehalten. begeren das man vns solchs ein ge
nomens gutter widerumb abtretten wolt
Item bitten dy gemeine. e. g wolt. di kayser(liche) Maiest(at) auffs
bitten. das vnser Her Burgermeister vnd Ratmanne
yn irem ampt nach blibe, bestelung der
Her kemmerer dy stadt als nemlich dreien oder
hoff baußs. den vnser rath darumb dy newen
mawrn wasser tragen gancz vnrichtig stet
Wir bitt(en) dy gemeine. e. g. das dy richter der
herrschafft trautnau kein ander byr als trautt
nawer hinauß furen wolten, den es der her
Gelber auß eigner gewalt abestelt