Wirr Anna (etc.) Bekennen fur vns vnd vnser
nachkumen Kunigin zu Behaimb. Vnd thuen
kunt menigclich mit disem vnserm brieff. Als wir
kurz verschiner zeit. Die herschafft Trautenau. mit
jrrer zugehorung. als vnser Kunigclich Leibgeding.
zun vnser Camer abgeloset. Vnnd dann der
Ernuest vnser Getreuer Lieber. Crestoff von Gendorf.
zu worchlabi. vnsers freuntlichen Lieben hern vnd
Gemachels. des Romischen Kunigs. Ratz. Die Na//
weirischen Kuniglichen gepirg vnnd wasser. zue be//
ruerter vnser herschafft Trautenau gehorig. In
ainem Erblichen Camer oder purckrecht zins. den
er auff vnser Schlosz Trautenau gibt. von Alters
her. sampt seinen leuten zu worchlabi. Langenau
vnd pestorff. Zugeniessen vnd zugeprauchen jnnen
hat. Darauff vndertenigist gepeten. das wir
jme derselben sein erbliche gerechtigkait. so er mit
geniessung. beruerter gepirg. vonn alters her gehabet.
Jme vnd seinen Nachkumen. dieselbig gnedigclich.
Confirmirn. bestetigen. vnd von Neuem verleyhen
wolten. Vnd dieweil wir durch gehabte
erkundung befund(en). das der von Gendorf vorfordern
Auch er selbs. als jnwohner zu worchlabi. die ange//
zaigten Naweirischen gepirg. vonn alters pisz anher.
vnder vnserem Camer oder purckrecht zins. albiey
Erblichen jnnen gehabet. genossen vnnd gepraucht.
So haben wirr mit zeitigem Ratz vnd bedacht. Auch
zun ansehung seiner dinst. jme die vorbemelt sein
gerechtigkait. so er mit geniessung beruerter vnser
Naweirischen Kuniglichen gepirg vnd wasser. von