Vnnder Cammer Anntworten, Darauf geben wir Nach
folgenden bericht

Die weil wir genuegsam Erfaren, Vnd vnns der Beheimb
Das der Zeit solchs abgeben ganntz schedlich gewest were Nem
lich in dem, Das die Kärpfen Jetzs Jm strich sein, Vnd Haim
weis Haben, Auch mit fuedern bestelt, deßhalb Jetzs wenig
Vnd sonnderlich der fuedern/nichts daruon erhollt wirdt
So man die Teicht abgelassen, Vnd mit Kausleut Ver
gannden gewest, weren die Jetz zueuer Vnd theuer, Vnd vmb
ein Zuebesorgen, der wenig Zue nutz gepracht worden, dem
nach so Haben wir die Visch in denselben dreien Kleinen
Teichtl denen von Trauttenaw Vngefehr Jm wasser
vberhanbt Vmb Achttundfunfftzig Taler verkaufft, dann
wir Vill Raittung daruber gemacht, Nach anzal der stueck
so drein gesezt wart, Vnd in theurung, Haben nit
neher befunden mugen, Also thuen dise drey Teicht
Jr veranntworttung des bestanndt, gleich als ob sy gefischt
weren worden, Vnd hat Vnnser Allergnedigister herr
mit Vischen, an andern Orten Haimsuechen darauff al
lain das wir der stat frist geben, das gelt Zue der Zeit, Wann
sy vischen werden Zuezalen, Welchs Jm Herbst beschehen
soll, mitler Zeit wirt der gewiß Riß auch ain pesser
wissen, was es wie man die nennen sol,

Was die notturfftigen gepäu Jm sloß, Vnd mullen belang
ent, geben wir disen bericht, Erstlich Jm sloß welches wir
mit ainem Zimermann, Zue Zwaien mallen
durchganngen Befinden wir, dz die Zimer, so die Rösting
Zueuer Zue der warnung gewest, die sein gar mit holzwerck