2088

Wir Ferdinand von gots gnaden Romischer kunig zu
hungern und Behaim etc. kunden hiemit
allermenigclich das wir dem Ersamen
Rat der stat Eger unsern lieben getrewen
umb irer getrewen dienst willen die sy uns
und der Cron Behaim in diser unsern
und des Reichs sweren kriegs leufften
getan haben und noch thun sollen
und mugen gnedigclich vergunnt und
erlaubt haben das sy in irer stat Eger
und in iren dorffern und marckten
umb irer notturfft willen ein mal
oder mer als offt inen das not sein
wirt ein steur auflegen und einnemen
mugen doch also das sy uns und der
Cron Behaim an unsern steurn und
andern unsern rechten und zinsen
damit nicht eingreiffen noch schaden
thun sollen und mugen alles getrewlich
und on geuerde des zu urkund haben
wir unser kunigclich insigel an disen
brieff hangen lassen der geben ist zu
Augspurg am vierzehenden tag des
monats Februarij Anno domini
tausent funffhundert und im funff
und viertzigisten unser reiche des
Romischen im funffzehenden und der
andern im neuntzehenden jare

Ferdinandus

Ad mandatum domini Regis proprium

Jacobus Jonas

14. II. 1545