IN NOMINE Domini Amen. Nos Valentinus scholasticus, Iohannes a Puchow, Ecclesie Pragensis Canonici, Archiepiscopatus Pragensis sede uacante Administratores. Recognoscimus et notum facimus per
presentes. Quod nomine totius Regni Boemie Magnifici et Generosi Barones domini Ladislaus Popel a Lobkowic, Regie Maiestatis in Regno Boemie Curie Mareschalcus in Chlumec, Ernestus a Wg(e)zdec et Kumo(r) in Gilemnik,
Ludouicus Bezdruzicky a Kolowrath, et c(etera). Necnon Nobiles et strennui Equites domini: Wenceslaus Ziehussicky a Nestarow in Ziehussic, Petrus Bechinie a Lazan, et c(etera) Prepositus Wyssegradensis, obtulerunt nobis literas Reuerendis
simi in Christo patris Domini, Domini Gwilhelmi Archiepiscopi Colonien(sis), Sacri Romani Imperij per Italiam Archicancellarij, in Pargameno scriptas, et Sigillo suo Pontificali in cera alba propter uetustatem temporis sericis labefacto. Ali
qum sanas et penitus integras, requirentes, ut eas in publicam formam redigeremus. Quarumquidem literarum tenor de uerbo ad uerbum sequitur et est talis. Nos Gwilhelmus Dei gratia Sancte Colonien(sis) Sedis Archiepiscopus, Sacri Romani Im
perij per Italiam Archicancellarius. Omnibus imperpetuum. Cum per recolende memorie D(omi)nos Romanoru(m) Imperatores, et Reges, Illustribus quondam Boemie Regibus clare memorie, ac Regno Boemie et eiusdem Regni Corone, olim concessum fue
rit et indultum, sitq(ue) in eodem Regno a tempore, cuius contrarij hodie no(n) extat memoria, consuetudine laudabili inconuulse seruata, diuturnitate temporum et prescripta, moribus utentiu(m) sine contradictionis aut interruptionis obstaculo introductum,
quod nullus Princeps, Baro, Nobilis, Miles, Cliens, Ciuis, Burgensis nulla deniq(ue) persona eiusdem Regni, et pertinentiaru(m) eius, ubicumq(ue) consistentium, cuiuscumq(ue) status, dignitatis, preeminentie uel conditionis existat, ad cuiuscumq(ue) actoris instantia(m)
extra Regnum ipsum, ad quodcumq(ue) tribunal seu alterius preterq(uam) Regis Boemie, et iudicium Regalis Curie sue iudicium citari potuerit, seu trahi, uel uocari debeat, perpetuis inantea temporibus, siue possit. Cumq(ue) Serenissimus ac Inuictissimus Prin
ceps et Dominus, Dominus Karolus quartus diuina fauente clementia Romanoru(m) Imperator semper Augustus, et Boemie Rex, Illustris dominus noster gratiosus, Priuilegiu(m), consuetudinem, et indultu(m) huiusmodi Imperiali auctoritate, et de plenitudi
ne Imperatorie potestatis, innouans, et confirmans duxerit statuendum, ut si quispiam predictorum, puta Princeps, Baro, Nobilis, Miles, Cliens, Ciuis, Burgensis, seu Rusticus, aut alia quecumq(ue) persona premissa, ad cuiuscumq(ue) tribunal, extra Regnu(m)
predictum Boemie, in quacumq(ue) causa, criminali, ciuili, uel mixta, seu super quocumq(ue) negotio citatus, fuerit, quocumq(ue) tempore, uel citata, comparere, uel in iuditio respondere minime teneatur. Siq(ue) aduersus huiusmodi non comparentes, uel no(n)
comparentem, a quocumq(ue) Iudice extraneo, extra Regnu(m) ipsum Boemie constituto, iuditialiter procedi, processus fieri, seu sententias interlocutorias, uel diffinitiuas, unam uel plures, in quibuscumq(ue) prenomminatis causis, siue negotijs, quouismodo fer
ri, et promulgari contigerit, eadem auctoritate et potestate, citationes, precepta, processus, et sententias huiusmodi, necnon executiones, et omnia ex eis, uel aliquo eorum quouismodo secuta irritauerit penitus et cassarit. Adiciendo expresse, et auctoritate
simili decernendo, ut quemadmodu(m) in predicto Regno Boemie, a tempore cuius contrarij non habetur memoria iugiter obseruatu(m) existit. Ita nulli prorsus, Principi, Baroni, Nobili, Militi, Clienti, Ciui, Burgensi, seu Rustico, nulli demu(m) persone, seu Incole Reg
ni Boemie sepedicti, cuiuscumq(ue) status, preeminentie, dignitatis, uel conditionis existant, uel existat, a quibuscumq(ue) processibus, sententijs interlocutorijs, uel diffinitiuis, siue preceptis Regis Boemie, aut iudicium Curie sue, necno(n) executionibus eo
rundem, contra se in Regali iuditio seu coram Regis, Regni, et Curie predictoru(m) Iudicibus, factis, latis, uel habitis, uel ferendis inantea, seu fiendis, ad quodcumq(ue) aliud iudicium liceat appellare. Prouocationes quoq(ue), seu appellationes huiusmodi si quas
contra hoc interponi contigerit, eoipso uiribus non subsistere, et appellantes ipsos poenam perditionis causaru(m), ipso facto statuens incurrisse. Necnon auctoritate Imperiali, et de certa sua scientia declarauerit, quod ipse, et omnes successores sui Boe
mie Reges, uniuersas Auri et Argenti fodinas, atq(ue) Mineras, Stanni, Cupri, Ferri, Plumbi, et alterius cuiuscumq(ue) generis metalli, et etiam Salis, tam inuentas q(uam) inueniendas inposterum, quibuscumq(ue) temporibus in Regno suo Boemie predicto ac
Terris, Dominijs, Territorijs, et districtibus, eidem Regno subiectis, et omnibus pertinentijs suis tenere iuste possint, et potuerint in preterito, et legittime possidere. Necnon Iudeos iusto titulo habuisse et habere, et Thelonea a preterito institute
seu indicta percipere, et noua rationabiliter instituere potuisse et posse. Necnon Monetas Auri, et Argenti, in omni loco, et parte Regni sui Boemie predicti, et subditoru(m) ei Terrarum, ac pertinentiaru(m), ubi ipse, heredes, aut successores sui Boemie
Reges decreuerint, ipsisq(ue) placuerit, cudi, facere, et mandare, sub omnibus modo, et forma, in predicto Regno Boemie, circa talia consuetis usq(ue) ad hec tempora laudabiliter obseruari. Quodq(ue) uirtute Imperialis edicti, et consuetudine diutius in
troducta liceat Boemie Regibus perpetuo tempore a quibuscumq(ue) Principibus, Magnatibus, Comitibus, ac personis alijs, quascumq(ue) Terras, Castra, possessiones, predia siue Bona, emere, comparare, in donum, uel donationem, ex quacumq(ue)
causa, aut in obligationem recipere, sub talium Terrarum, Castroru(m), possessionu(m), predioru(m), seu Bonorum conditione consueta, ut uidelicet propria recipiantur, uel comparentur propria, libera uelut libera, et ea que dependent in feudum, similiter
emantur in feudum, seu donata, ac comparata taliter teneantur. Ita tamen quod ipsi Reges Boemie, de his, que hoc modo comparauerint, uel receperint, et Regno Boemie applicanda duxerint, ad consueta et debita Iura, de talibus Sacro
explenda, et reddenda Imperio perpetuo sint astricti, sicut in forma constitutionu(m) predicti Domini nostri Imperatoris, quas desuper nostro, et aliorum Electorum Principu(m) consilio edidisse dinoscitur, plenius est expressum. Nos igitur pre
missa omnia et eorum quodlibet, sicut in solemnis Curie Nurenbergen(sis) celebratione, in comune consilium nobiscum, et cu(m) ceteris Principibus Coelectoribus nostris habitum, per ipsum Dominu(m) nostrum, Dominu(m) Imperatorem deducta, multoq(ue)
studio uentilata, et rationabilia fuerint iudicata. Recognoscimus de nostro consilio, et pleno processisse consensu, ratificantes, ac rata omnia et singula habentes, et grata, nostrum eis beniuolum adhibemus ex certa scientia consensum pa
riter et assensum. In cuius rei testimoniu(m) presentes literas fieri, et nostri Sigilli appensione fecimus co(m)muniri. Datu(m) Nurenberg, Anno Domini, Millesimo Trecentesimo quinquagesimosexto, in crastino Epiphanie eiusdem. Nos igitur pre
memoratoru(m) Dominoru(m) peticioni nomine Regni, ut iuste annuentes, prefatas literas, in autenticum, et transumptu(m), et exemplar, quod proprie Vidimus appellatur, transcribi co(m)misimus. et eas uidimus, legimus, ac contrectauimus, atq(ue) in om
nibus punctis, clausulis, articulis, sententijs, integras, puras, et absq(ue) omni suspitione inuenimus. Illudq(ue) exemplar transumpti a nobis diligenter est reuisum, et cum originalibus collationatu(m), cum quibus omnino concordat. Propterea nos prescripti
Administratores auctoritatem nostram ordinaria(m) huic Vidimus literarum prefatarum interponimus, et idipsum ad omnium noticiam peruenire uolumus, ut presenti transsumpto in omnibus locis, Iudicijs, uel extra iuditia, plena et
indubitata fides adhibeatur, tanq(uam) ipsis originalibus literis. In quorum fidem et testimonium sepenominatum Vidimus Sigillo Capituli Ecclesie Pragensis impenso curauimus co(m)muniri. In presentia Venerabiliu(m) patru(m), Wenceslai
Decani, ceterorumq(ue) Capitulariu(m) eiusdem Ecclesie Pragensis. Actum et Datum, in Capitulo nostro in Arce Pragensi. Die tercia Mensis Octobris. Anno Domini Millesimo, Quingentesimo, Quadragesimoquinto.