IN NOMINE Domini Amen. Nos Valentinus Scolasticus, Ioannes a Puchow Praepositus Melnicensis, et Canonicus Pragen(sis) Archiepiscopatus eiusde(m) Pragen(sis) Ecclesiae sede vacante Admini=
stratores. Recognoscimus, et Notu(m) facimus per praesentes. Quod iussu et nomine Iudicij Terren(i) Inclyti Regni Boem(iae) Magnifici et Generosi Barones ~Dominus~ Dominus Ladislaus Popel a Lobkowic Regiae Maiestatis Curiae in Reg=
no Boem(iae) Marschalcus, et in Chlumecz Dominus Ernestus a Augezdecz et Kunicz in Gilemnicz. Dominus Ludovicus Bezdruziczky a Kolowrath. et Necnon Nobiles, et Strenuij Equites Dominus Venceslaus
Zichussiczky a Nestagiow in Zichussicz Dominus Petrus Bechyne a Lazan in Piczin. Praepositus Wyssegradensis obtulerunt nobis literas. Consulum, Iuratorum, et Vniversitatis, Ciuium, Ciuitatis Wratislauiensis
sigillo eorum in cera alba, in pargameno dependente, sanas, et penitus integras, omniq(ue) suspicionis uitio carentes, requirentes a nobis ut eas in publica(m) forma(m) redigeremus. Quaru(m)q(ui)de(m) literaru(m) tenor de uerbo ad uerbu(m) seq(ui)t(ur), et e(st) talis.
Nos Consules Iurati, et Vniversitas ciuiu(m) Ciuitatis Wratis(lauiensis) tenore praesentium. Notum facimus uniuersis. Quod ad mandatum Serenissimi ac Inuictissimi Principis, et Domini nostri gratiosiss(imi) Domini Karoli Romanoru(m) semper
Augusti, et Boemiae Regis, et iuxta antiqua(m) Regni Boemiae consuetudinem dudu(m) laudabiliter obseruata(m), necno(n) ordinationem prouidam, quam clarae memoriae Illustris, et Magnificus Princeps, ac Dominus noster, dominus
Ioannes quondam Boemiae Rex, genitor ipsius, matura deliberatione instituisse dinoscitur, qua ipse praefatu(m) Dominum nostrum Roman(orum) et Boem(iae) Regem primogenitum suum, eiusq(ue) haeredes, et successores per masculina(m) lineam
descendentes ab ipso, in praefato Regno suo Boemiae, suos haeredes esse constituit, uoluit, et decreuit. Illustri Principi Domino nostro Wenceslao, praefati Domini nostri Roman(orum) et Boem(iae) Regis primogenito, Animo deliberato, no(n) per
errorem, aut improuide, sed omniu(m) uotis co(m)muniter accedentibus, in praesentia Domini Conradi de Falkinhayn Capitanei nostri, et nonnullorum Nobilium, ac fidedignoru(m), corporalia Iuramenta, homagij, et obedientiae, atq(ue) fidelitatis
debitae, praestitimus, et praestamus, necno(n) promisimus et promittimus, bona nostra fide, et sine dolo, pro nobis, haeredibus, et successoribus nostris imperpetuu(m), ad praefatu(m) Dominu(m) nostrum Wenceslaum in casu, ubi fortasse Serenissimu(m)
Dominu(m) nostrum, genitorem ipsius, quem Deus omnipotens custodire dignetur, ab hac luce migrare contingeret, immediatu(m) habere respectum, Sibiq(ue) tanq(uam) Regi Boem(iae) necnon uero, legittimo, et naturali Domino nostro, in omnib(us)
et singulis parere, et intendere, et absq(ue) omnis contradictionis impedimenti, seu difficultatis obstaculo fideliter obedire, Promittentes nihilominus, bona nostra fide, sine dolo, pro nobis, haeredibus, et successoribus nostris, ut praemittitur, ea=
dem Iuramenta corporalia, de fide, legalitate, et obedientia, seruandis, non extante praefato Domino nostro Wenceslao, suo primogenito, uel illo no(n) existente, seniori suorum haeredum, uel ipso absq(ue) haeredibus decedente, fratri suo seniori, si
quem habuerit, aut illo decedente seniori eiusdem fratris haeredi, et sic demum inantea senioribus fratribus, ac senioru(m) fratrum senioribus haeredibus, in linea sexus masculini procedendo, continue praestare, et corporaliter facere per=
petuis temporibus affuturis. Praesentiu(m) sub nostrae Ciuitatis Sigillo testimonio literarum. Datum Wratis(lauiae) Anno Domini, Millesimo Trecentesimo, Quinquagesimoprimo, In crastino circumcisiouis eiusdem. Nos igitur prae=
memoratorum Dominoru(m) petitioni, nomine Iudicij Terren(i) Regni Boemiae, ut iuste annuentes, praefatas literas in autenticu(m), et transsumptu(m), ac exemplar, quod proprie Vidimus appellatur, transscribi co(m)misimus, et eas ui=
dimus, legimus, et contrectauimus, atq(ue) in omnibus punctis, clausulis, articulis, sentencijs, integras, puras, et absq(ue) omni suspitione inuenimus. Illudq(ue) exemplar transsumpti a nobis diligenter e(st) reuisum, et cum origina=
libus collationatu(m), cum quibus omnino concordat. Propterea nos praescripti Administratores, auctoritate nostram ordinariam huic Vidimus literarum praefataru(m) interponimus, et idipsum ad omniu(m) noticiam peruenire
uolumus. Ita, ut praesenti transsumpto in omnibus locis, iudicijs, uel extra iudicia, plena, et indubitata fides adhibeatur, tanq(uam) ipsis originalibus literis. In quoru(m) fidem, et testimonium saepenominatu(m) Vidimus, Sigillo of=
ficij nostri impenso curauimus co(m)muniri, In praesentia Venerabiliu(m) Patru(m) Domini Venceslai Decani, caeteroru(m)q(ue) Capitulariu(m) eiusdem Ecclesiae Pragen(sis). Actu(m) et Datum, in Capitulo nostro, in Arce Pragen(si) die decimanona
Mensis Marcij Anno Domini Millesimo Quingentesimo, Quadragesimosexto.