undt siben und dreissigisten, Unserer Reiche, des Römischen im fünfften, des Hun
garischen im vierdten, und des Böhaimischen im Neunzehenden Jarenn.
Und Uns darauf in underthenigem gehorsamb und demut gebeten, Das Wir in
und iren Nachkommen obgeschriben Wappen, von kaiserlicher und königlicher milde gnediglich
bestetigen und confirmiren geruheten. Als haben wir gnediglich
angesehen derselben erbarn und redlichen leuthe, fürsten, prelaten, herrn, Ritter
schafft, derer von stetten und gemeinen, vleissige pitte, dabey auch bedracht die trewe,
willige, unverdrossene dienste, die sie vorfaren und sie, unsern
vorfaren und uns angethan, und ir guet und bluet, oftmals aufrichtiglichen
umb uns gelassen haben, und hinfüro thun erbotig sein. Und darumben
mit wolbedachtem mueth, rechtem wissen und vorgehendem unsern rath
zeitigen rath, inen die bestetiget und confirmiret, bestetigen
und confirmiren inen und iren Nachkommen die hiemit aus kaiserlicher
königlicher macht in crafft ditz brieves. Mainen, setzen und wol
len, das sie und ire Nachkommen, sich dero in allen ehrlichen sachen und ar
tickeln geniessen und gebrauchen sollen und mögen. Des zu urkundt ditz brieves
besigelts mit unserm kaiserlichen anhangendem Insigel, der geben ist in un
ser stadt Prag, den eilfften tag des Monats Junij. Nach Christi unsers
lieben herrn geburt, Im funffzehenhundert, und im siben und sibentzigisten
Jare, Unserer Reiche des Römischen im andern, des hungarischen im fünfften
und des böhaimischen im andern.
Rudolff
Zden(ko) a Lobkowitz
S. R. Boemiæ Cancell(arius)
Ad mandatum Sacræ Cæs(areæ)
Maiestatis proprium
B. Mak
Sober