Nos RVDOLPHVS secundus Dei gratia electus
Romanorum Imperator semper Augustus, ac Germaniæ
Hungariæ, Bohemiæ, Dalmatiæ, Croatiæ Sclavoniæ (et)c(etera)
Rex. Archidux Austriæ Dux Burgundiæ, Marchio
Moraviæ, comes Tyrolis (et)c(etera). Recognoscimus et no=
tum facimus tenore præsentium vniversis. Cum ob
motus intestinos qui nuper in nostro Hung(ari)æ Regno
excitati fuerunt, pacifice componendos Plenipotentiam
nostram Ser(enissi)mo Matthiæ Archiduci Austriæ, Principi
ac fratri nostro charissimo concesserimus, cuius vi=
gore res eo tandem perducta sit, vt in certam trans=
actionem inter dilectionem ipsius ex vna, et sp(ectabi)lem
ac Magnificum Stephanum Bochkay de Kijsmaria
eiusq(ue) asseclas Hungaros ex altera partibus conve=
nerit, qua quidem transactio sub data vigesima
tertia Mensis Junij præsentis Anni, a dilectione ipsius
et Commissarijs ad illud vtrinq(ue) deputatis subscripta
et sigillis cuiusq(ue) corroborata, ad nos confirmationis
nostræ causa, missa fuerit. Nos pro innata
nobis benignitate clementiaq(ue) dicto Regno nostro
consultum cupientes, vt scilicet ad pristinam illud
quietem ac tranquillitatem feliciter reducatur