So behalten Jhnen die Confoederierte Landt zuuor
alle die Jenige, Hoch vnndt niderstands, welche Sie zue Jhren allgemainen wesen
für nützlich vnndt nottwendig achten, mitt gemainem Schluß, ietzt vnndt künff
tig in diese Confoederation zuziehen.

Es soll vnnd will auch kein Landt vnter diesen
Confoederierten, nun vnndt ewigen zeitten nichts attentirn, oder fürneh
men, das im allerwenigsten dieser Confoederation, vnndt Defension zue
wieder sey.

Endlich soll auch diese auffgerichte Confoede
ration denen Alten Vnion vnndt Confoederationen, so vor diesem
zwischen etlichen Landen getroffen, im wenigsten nicht praejudicierlich sein.

Zue Vhrkhundt dessen hatt der Außschuß der
obangeregten Stände in Behaimb vnnd der andern Länder Mährern, Schlesi
en, Ober vnndt Nieder Laußnitz, so wohl deß Ertzhertzogthumbs Osterreich

Ob der Ennß, Gesandten Jhre Secret vnndt Jnnßigl anhen
gen lassen, vnndt mitt aignen handen sich vndersschrieben. Actum auff
dem Prager Schloß bey offentlich gehaltener General Zuesammenkhunfft
aller obangezogner Länder: Den Sechzehenden Augusti, Jnn dem Sechze
hen Hundert vnndt Neunzehenden Jahre. / etc.

L S